आनंदाचं झाड

'आनंदाचं झाड' म्हणजे मुलांच्या अविष्कारांचा पाऊस.आनंदाचं झाड हे एक स्वप्न आहे;जिथे मुलांना स्वतःहुन यावेसे वाटेल, शिकावं वाटेल, इतरांना आनंद द्यावासा वाटेल. शाळेत येणारं प्रत्येक मूल दररोज काही ना काही घेवून जाईल, आपल्या अनुभवांच्या शिदोरीत जमा करत जाईल.पाठ्यपुस्तकांच्या बाहेर जाऊन प्रत्येक मूल विचार करू लागेल.त्यांना पडणाऱ्या प्रत्येक प्रश्नाचे उत्तर सर्वजण मिळून शोधतील जिथे केवळ आणि केवळ आनंद असेल.चुकण्यास शिक्षा नसेल,शिक्षा असेल ती शिकण्याची,प्रेमाची !शाळेतला प्रत्येक गुरुजी मुलांचा मित्र असेल. आपल्या गुरुजींसोबत बोलतांना त्यांना कुठल्याही प्रकारचा किंतू परंतु येणार नाही. मुलांच्या हातून घडलेल्या चुकांचा न्याय - निवाडा करण्यासाठी मुलांचे स्वतंत्र न्यायमंडळ असेल. शाळेतला एखादा विद्यार्थी आजारी असेल, तर प्रत्येकजण जाऊन त्याला भेटेल,जिथे .प्रत्येक मित्र आरसा असेल. प्रत्येक मूल कोणत्याही विषयावर व्यक्त होऊ शकेल असं वातावरण असेल.कुटुंबापासून जगापर्यंतचा प्रवास इथचं उलघडला जाईल आणि सदैव मुक्त शिक्षणाला वाव असेल.चला,पहा, करा,भेटा, वाचा ,शोधा,बोला पद्धती शिक्षणात असेल

युवराज माने