- لما ولادكن يسكروا على حالهن الاوضه بالساعات ومايحبوا القعده معكن بسبب الانتقاد والكلام اللي متل السم اللي بتوجهوهلن ياه .. +💔🖤
- لما يكبروا و يكرهوا كلمة " إن شاء الله " .. لأن كل وعد بتوعدوه تقولوا إن شاء الله و ما يصير ! +💔🖤
- لما شخصياتهن تكون ضعيفه وما يكون عندهن ثقه بحالهن لانكن ما بتعطوهن فرصه يعبروا عن اللي جواتن ودايمًا بتستغبوهن .
- لما يكرهوا الصلاه و الدرس ! لأن من أقل غلطه بيغلطوها تسألوهن شو صليت اليوم ؟! درست ولا لاء ؟ كأن الصلاه والدراسة عقاب .+💔🖤
- لما يكرهوا النقاش معكن لانكن بتقللوا من اراءهم سواء بالسياسه او الحياه عامةً
- لما يحبوا اكل المطاعم لأنكن بترفضوا تعملوا طرق جديده بنفس الاصناف الموجوده من اكل البيت !
- لما يطلعوا مكبوتين من جوا وتفكيرهن محدود بسبب كلمة " انا وانا قدك كنت بلبس كذا .. بصرف كذا .. " ! رغم إنه سيدنا علي رضي الله عنه قال : لا تربوا أولادكم على أخلاق زمانكم فانهم خلقوا لزمان غير زمانكم !! +💔🖤
قال رسول الله صلي الله عليه وسلم : " رحِم الله والدًا اعان ولده على بِره " !