Welcoem to posts!!

Qadageba ge
Posted 5 days ago

საოცარი სნეულება გავრცელდა დღესდღეისობით - ჟინი გასართობთა მიმართ. არასდროს ყოფილა გართობისადმი ისეთი მოთხოვნილება, როგორიც ახლაა. ეს, პირდაპირი მაჩვენებელია იმისა, რომ ადამიანები ვეღარაფრით ცხოვრობენ, რომ ისინი გადაეჩვივნენ - შეჭირვებულთა სასარგებლოდ შრომითა და შინაგანი სულიერი ცხოვრებით სერიოზულ ცხოვრებას.

და მოიწყინეს! და ცვლიან სულიერი ცხოვრების სიღრმესა და შინაარსს - გართობაზე! რა შეშლილობაა! თითქოს გონიერებას მოკლებული ბავშვები იყვნენ! და ამ დროს, გართობა - უკვე საზოგადოებრივ მანკიერებადაა ქცეული, საზოგადოებრივ ვნებად!

წმინდა მართალი იოანე კრონშტადტელი

162 - 0

Qadageba ge
Posted 2 months ago

"ზიარებას არ უნდა განვეშოროთ იმიტომ, რომ თავს ცოდვილად მივიჩნევთ. უფრო მეტი და მეტი წყურვილით უნდა ვისწრაფოდეთ მისკენ სულის განკურნებისა და განწმედისათვის... უფრო სწორი იქნება, ყოველ კვირა დღეს ვეზიაროთ ჩვენი სალმობების საკურნებლად გულის იმ სიმდაბლით, რომლითაც გვწამს და ვაღიარებთ, რომ ვერასოდეს შევძლებთ ღირსეულად შევეხოთ წმიდა საიდუმლოებას, ვიდრე გულის ამაო დარწმუნებით აღზვავებულებს გვწამდეს, რომ წელიწადში ერთხელ ზიარების ღირსნი ვხდებით."

წმ. კასიანე რომაელი

181 - 1

Qadageba ge
Posted 3 months ago

“- წმინდაო მამაო, ზოგჯერ ბავშვები კი არა დიდებიც კი იმდენად დაღლილები არიან საღამოს, რომ სერობის წაკითხვაც კი უჭირთ.
- თუკი ძალიან დაღლილები არიან ან ცუდად გრძნობენ თავს, მაშინ სერობის ნახევარი მაინც უნდა წაიკითხონ. ან ბოლოსდაბოლოს “მამაო ჩვენო” ერთხელ მაინც თქვან! ლოცვის მთლიანად მიტოვება არ შეიძლება. ომის დროს, როდესაც ჯარისკაცი მტრის ალყაში მოექცევა, დროდადრო იარაღიდან ისვრის, რომ მტერს ეშინოდეს და შეტევაზე გადმოსვლა ვერ გაბედოს. ასევე იმ ადამიანებმა, რომელთაც სრულყოფილი ლოცვისათვის ძალა არ შერჩათ, დროდადრო (სულიერი) იარაღიდან უნდა ისროლონ, რომ ეშმაკი დაფრთხეს და გაიქცეს.”

წმ. პაისი ათონელი “ოჯახური ცხოვრება”

252 - 7

Qadageba ge
Posted 4 months ago

“ბევრს უყვარს კამათი ამ თემაზე: წარმოადგენს თუ არა ჩანასახი ადამიანს და თუკი წარმოადგენს – მერამდენე კვირიდან და ა.შ. ამ კითხვაზე პასუხს, ისევე, როგორც ჩვენი ცხოვრების ყველა კითხვაზე, იძლევა წმინდა სახარება: როდესაც ყოვლადწმინდა ღმრთისმშობელი მივიდა წმინდა მართალ ელისაბედთან, ჩვილი – მის მუცელში, მხოლოდ რამდენიმე დღისა იყო, ხოლო ყრმა – წმინდა ელისაბედის წიაღში – ნახევარი წლის.

და აი, იოანე ნათლისმცემელი ცნობს თავის უფალს და ხარობს: როგორც კი გაიგონა ელისაბედმა მარიამის მოკითხვა, ყრმა შეიძრა მის მუცელში, და აღივსო სულით წმიდით ელისაბედი. ხმამაღლა შეღაღადა და თქვა: კურთხეული ხარ დედათა შორის და კურთხეულია შენი მუცლის ნაყოფი! ვინ გამხადა იმის ღირსი, რომ ჩემთან მოვიდა ჩემი უფლის დედა? ვინაიდან, როგორც კი ჩემს ყურს მოსწვდა შენი მოკითხვის ხმა, სიხარულით შეიძრა ყრმა ჩემს მუცელში. ნეტარია, ვინც ირწმუნა, რადგანაც აუსრულდება ყველაფერი, რაც ეუწყა უფლის მიერ (ლკ. 1:41-45).”

არქიმანდრიტი ეფრემ ფილოთეველი (არიზონელი)

zneoba.ge/6473/

215 - 4

Qadageba ge
Posted 4 months ago

"ერთ-ერთი საზიზღარი ჩვევა არის ბილწსიტყვაობა. მებილწსიტყვავის მფარველი ანგელოზი ტირის, ხოლო ეშმაკს კი უხარია. ასეთ ადამიანს დედა ღვთისა თავისი ლოცვითი მფარველობის გარეშე ტოვებს და თავადაც განეშორება მას. ბილწისტყვაობის გამო უფალი ადამიანს უბედურებებს, ავადმყოფობებს და მრავალ განსაცდელს უგზავნის."

სქემიღუმენი საბა (ოსტაპენკო)

146 - 2

Qadageba ge
Posted 5 months ago

161 - 2

Qadageba ge
Posted 5 months ago

„მხოლოდ ერთი რამ არის საშინელი, ესაა ცოდვა. სხვა ყველაფერი ზღაპარია: მზაკვრობა თუ პირფერობა, სიცრუე თუ მლიქვნელობა, ბოროტსიტყვაობა, ცილისწამება, მამულის დაკარგვა, დევნილობა, ყველაზე პირბასრი მახვილები, ზღვა და თუნდაც შენს წინააღმდეგ აღმდგარი მთელი სამყარო! როგორიც არ უნდა იყოს ეს განსაცდელები და უსიამოვნებანი, ისინი მაინც დროებითი და სწრაფწარმავალია, მხოლოდ ხრწნადი სხეულისათვის არსებობს, ახოვან სულს კი ვერაფერს ვნებს!“ - „ნურაფერი შემთხვევითი ნუ აღგაშფოთებს, ნუ უხმობ მავანსა და მავანს, ნუ სდევ აჩრდილებს, რამეთუ ადამიანური შემწეობა აჩრდილია. იესოს, რომელსაც ჰმსახურებ, იესოს ჰხადოდე მოუკლებლად!“

წმ. იოანე ოქროპირის მიერ, წმ. ოლიმპიადა დიაკონისასთვის მიწერილი წერილიდან

111 - 1

Qadageba ge
Posted 5 months ago

- ახლა მარიამობის დღესასწაულსაც შევეხოთ. ცნობილია, რომ დედა ღვთისა 28 აგვისტოს მიიცვალა. რატომ ვზეიმობთ ღვთისმშობლის გარდაცვალებას?

- მართლმადიდებელ ეკლესიაში ღვთისმშობლის დაბადების დღეც აღინიშნება. ეს ხდება 21 სექტემბერს. სხვათაშორის, ქრისტიანები მხოლოდ მაცხოვრის, იოანე ნათლისმცემლის და ღვთისმშობლის დაბადების დღეს აღვნიშნავთ, ყველა დანარჩენი დღესასწაული — წმინდანთა მოხსენიების დღეები — მათი გარდაცვალების დღეს ემთხვევა. წარმოიდგინეთ, ჩვეულებრივ ადამიანს როგორ უხარია საკუთარი დაბადების დღე, იმის მიუხედავად, რომ ამ სოფელში მისი მოვლინება და ცხოვრება უამრავ გაჭირვებასთან არის დაკავშირებული. სასუფეველში კი არც ჭირია, არც ურვა, არცა სულთქმა. ვინც ღვთის მცნებების ერთგულებით იცხოვრა, სასუფევლისთვის იმ დღეს იბადება, როცა ამ სოფელში იგი კვდება! სწორედ ამიტომ წმინდანებს მათი გარდაცვალების დღეს მოვიხსენიებთ ხოლმე. ღვთისმშობელი ყველა წმინდანზე დიდია, ვისაც მიწაზე ოდესმე უცხოვრია. აკი მისმა მუცელმა დაიტია ის, ვისაც ვერ იტევს მთელი სამყარო!

მამა დავით ქვლივიძე

zneoba.ge/

212 - 7

Qadageba ge
Posted 5 months ago

- მამაო, კონკრეტულად რა არის ამ ცხოვრების აზრი? - ჰკითხეს მამა პაისი ათონელს.

- მზადება სამშობლოში დასაბრუნებლად, ზეცაში, სამოთხეში. ადამიანმა უნდა შეიცნოს ცხოვრების ღრმა აზრი, რამეთუ ამით ხდება სულის ხსნა. როცა სწამს ღმერთი და მომავალი ცხოვრება, ადამიანი ხვდება, რომ ახლანდელი ყოფა ამაოა, წარმავალია და ამზადებს თავის საზღვარგარეთის პასპორტს სხვა ცხოვრებისთვის. ჩვენ ვივიწყებთ, რომ ყველას წასვლა მოგვიწევს. ფესვებს აქ ვერ გავიდგამთ. ეს ცხოვრება დროსტარებისთვის კი არ გვაქვს, არამედ იმისთვის, რომ ჩავაბაროთ გამოცდები და სხვა სიცოცხლეში გადავიდეთ. ამიტომაც ჩვენი მიზანია, ისე მოვემზადოთ, რომ როცა უფალი მიგვიხმობს, სუფთა სინდისით წავიდეთ. მივემთხვიოთ ქრისტეს და ვიყოთ მასთან საუკუნოდ.

zneoba.ge/

230 - 2

Qadageba ge
Posted 5 months ago

"ტკბობა და სანახაობები შთანთქავს მთელ სიცოცხლეს; შეიძლება ამის შემდეგ გაგვიკვირდეს, რომ ღმერთს ვერ ვხედავთ და ვერ გვესმის მისი?"

წმ. ბასილი დიდი

244 - 2