Grey Cells | Poke

Grey Cells
Posted 3 weeks ago

✍️ Britto Alosious

*ക്രിസ്തുമസ് : ചരിത്രവും ചിന്തയും*

കരോൾ ഗാനങ്ങളുടെയും, നക്ഷത്രലങ്കാരങ്ങളുടെയും അകമ്പടികളോടെ മറ്റൊരു ക്രിസ്തുമസ് കാലവും നമ്മളെ തേടി എത്തിയിരിക്കുന്നു. ക്രിസ്തുമസ് അപ്പൂപ്പന്റെ നൃത്തവും, മധുര-വീഞ്ഞുകളുടെ ആസ്വാദനവും, പുൽക്കൂടുകളുടെ അലങ്കാരവും മാത്രമാണോ ഓരോ ക്രിസ്തുമസ് കാലവും നമ്മൾ ഓർക്കേണ്ടത്? വിവിധങ്ങളായ ഇത്തരം ആഘോഷങ്ങളിൽ പങ്കെടുക്കുക വഴി ക്രിസ്തുവിനെയല്ലാതെ മറ്റൊരു വിജാതീയ ദൈവത്തെ ക്രിസ്ത്യാനികൾ ആരാധിക്കുന്നുണ്ടോ ? ക്രിസ്തുമസിന്റെ ചരിത്രപരമായ ഉത്ഭവങ്ങളിലൂടെയും, അതിലൂടെ നമുക്ക് ലഭിക്കേണ്ട യഥാർത്ഥ സന്ദേശങ്ങളിലൂടെയും നമുക്ക് കടന്നുചെല്ലാം……….

ഇന്ന് ജീവിച്ചിരിക്കുന്ന ചരിത്രകാരന്മാരെല്ലാവരും (ചെറിയൊരു വിഭാഗം
പൗരാണികന്മാരെ ഒഴിച്ച് നിർത്തിയാൽ) തന്നെ ഒരേ സ്വരത്തിൽ സമ്മതിക്കുന്ന വസ്തുതയാണ്, യേശുക്രിസ്തു എന്ന വ്യക്തി രണ്ടായിരം വർഷങ്ങൾക്ക് മുൻപ് ഭൂമിയിൽ ജീവിച്ച് പൊന്തിയുസ് പിലാത്തോസിന്റെ ഭരണകാലത്തു ക്രൂശിക്കപ്പെട്ട് മരിച്ചു എന്നത് {¹}. ഈ ക്രിസ്തുവിന്റെ ജനനത്തെ ആദിമകാല ക്രിസ്ത്യാനികൾ (ക്രിസ്തുവിന്റെ അനുയായികൾ) ആഘോഷമാക്കി തുടങ്ങിയത് എപ്പോഴാണെന്നതിനെ പറ്റി നമ്മളിൽ പലർക്കും അറിവില്ലായിരിക്കാം. അല്ലെങ്കിൽ മറ്റു വിജാതീയ ആഘോഷങ്ങളിൽ നിന്നും സ്വാധീനിക്കപ്പെട്ട് ഉത്ഭവിച്ച ഒന്നാകണം ക്രിസ്തുമസ് എന്നുമായിരിക്കാം നമ്മുടെ വിശാസം. എന്നാൽ സത്യം മറ്റൊന്നാണ്. 3-ാം നൂറ്റാണ്ടിന്റെ ആരംഭം മുതൽക്കേ തന്നെ ഡിസംബർ 25-നെ ക്രിസ്തുമസ് ദിനമായി ക്രിസ്ത്യാനികൾ ആഘോഷിച്ചിരുന്നു എന്നാണ് ചരിത്രത്തിൽ നിന്നും നമുക്ക് മനസ്സിലാക്കാൻ സാധിക്കുന്നത്. എ. ഡി 221-ഇൽ, ക്രിസ്തീയ ചരിത്രകാരനായ സെക്സ്റ്റസ് ജൂലിയസ് ആഫ്രിക്കാനസ് രചിച്ച 5 വാല്യങ്ങൾ അടങ്ങിയ _ക്രോണോഘ്രാഫിയയി_ എന്ന പ്രബന്ധത്തിൽ, സൃഷ്ടികർമം മുതലുള്ള ലോകചരിത്രത്തെ ക്രമമപ്പെടുത്താൻ അദ്ദേഹം ശ്രമിച്ചിരുന്നു. മത്തായിയുടെയും ലൂക്കായുടെയും സുവിശേഷങ്ങളിൽ നിന്നും അദ്ദേഹം നടത്തിയ കണക്കുകൂട്ടലുകൾ പ്രകാരം മറിയം യേശുക്രിസ്തുവിനെ ഗർഭം ധരിച്ചത് മാർച്ച്‌ 25-നാണ്. തന്മൂലം, യേശുക്രിസ്തുവിന്റെ ജന്മദിനം ലഭിക്കാൻ അദ്ദേഹം കൃത്യം 9 മാസം മുന്നോട്ട് പോയി ഡിസംബർ 25-ഇൽ എത്തി {²}. ഈ തിയതിയിൽ എത്തിച്ചേരുന്ന ഏക വ്യക്തിയല്ലായിരുന്നു ആഫ്രിക്കാനസ്. അദ്ദേഹത്തിന്റെ സമകാലികനും, റോമിലെ ബിഷപ്പും ആയിരുന്ന ഹിപ്പോളിറ്റസ് എ.ഡി 205-നും 230-നും ഇടയിൽ ദാനിയേൽ പ്രവാചകന്റെ പുസ്തകത്തെ പറ്റിയൊരു വ്യാഖ്യാനം രചിച്ചിരുന്നു. യേശുക്രിസ്തുവിന്റെ ജന്മദിനമായി അദ്ദേഹം സ്ഥാപിക്കുന്നതും ഡിസംബർ 25 ആണ് {³}. അതായത്, രണ്ടാം നൂറ്റാണ്ടിന്റെ അവസാനം മുതൽക്കേ തന്നെ, ക്രിസ്ത്യാനികളുടെ ഒരു വിഭാഗം ഡിസംബർ 25 ക്രിസ്തുവിന്റെ ജന്മദിനമായി ആഘോഷിച്ചു പോന്നിരുന്നു എന്ന് നമുക്ക് അനുമാനിക്കാം. നാലാം നൂറ്റാണ്ടിന്റെ ആരംഭത്തിൽ ക്രിസ്ത്യാനികൾക്ക് പുറത്തേക്ക് വരാൻ കുറച്ചുകൂടി സ്വാതന്ത്ര്യം ലഭിച്ചതോടു കൂടി ക്രിസ്തുമസിന് പ്രചാരം ലഭിച്ചു തുടങ്ങുകയും ചെയ്തു {⁴}. പുരാതന റോമിലെ പല വിജാതീയ ആഘോഷങ്ങളും ഡിസംബർ മാസം കേന്ദ്രീകരിച്ചുള്ളവയായിരുന്നു എന്നത് സത്യമാണ് {⁵}. എന്നാൽ അവയും ക്രിസ്തുമസും തമ്മിലുള്ള ഈ അടുപ്പം, അവ ക്രിസ്തുമസിനെ സ്വാധീനിച്ചു എന്നതിന് തെളിവാവില്ല. ലഭ്യമായ ചരിത്ര രേഖകളുടെ പിൻബലത്തിൽ വിശകലനം ചെയ്യുമ്പോൾ, വളർന്നു വരുന്ന ക്രിസ്തീയ സമൂഹവുമായി മത്സരിക്കാനെന്ന വണ്ണം വിജാതീയ സമൂഹം അവരുടെ ആഘോഷങ്ങളെ ഡിസംബർ 25 ഇലോട്ട് മാറ്റിയിരിക്കാനാണ് സാധ്യത കൂടുതൽ {⁶}. ഡിസംബർ 17 - ഇനു ആഘോഷിച്ചു പോന്നിരുന്ന സാറ്റർണെലിയയും (ബി.സി 497 - എ.ഡി 400) ഡിസംബർ 25 - ഇനു ആഘോഷിച്ചിരുന്ന സോൾ ഇൻവിക്ടസ് ആഘോഷവും (എ.ഡി 274 - എ.ഡി 400) ക്രിസ്തുമസ് ആഘോഷത്തിന്റെ തിയതി നിശ്ചയിക്കുന്നതിൽ വലിയ സ്വാധീനം ചെലുത്തിയതായി കാണിക്കുന്ന പ്രാഥമിക രേഖകൾ ഒന്നും ലഭ്യമല്ല. അതായത്, 16,17 നൂറ്റാണ്ടുകളിലെ പ്യുരിറ്റൻ സഭകളിൽ നിന്നും, 19-ാം നൂറ്റാണ്ടിൽ സ്കോട്ലണ്ടിലെ ഒരു സ്വതന്ത്ര സഭയുടെ പുരോഹിതനായിരുന്ന അലക്സാണ്ടർ ഹിസ്ലോപ്പിൽ {⁷} നിന്നും ആവിർഭവിച്ച ക്രിസ്തുമസിനു നേരെയുള്ള ഈ ആരോപണങ്ങൾക്ക് ചരിത്രപരമായ പിന്തുണ വളരെ കുറവാണെന്നു തന്നെ പറയാം. ഇനി ഇത്തരം വിജാതീയ ആഘോഷങ്ങളുടെ ഇടയിൽ നിന്നും രൂപം കൊണ്ടതുകൊണ്ട് തന്നെ ക്രിസ്തുമസിനെയും ഒരു വിജാതീയ ആഘോഷമാക്കി ചിത്രീകരിക്കാൻ ശ്രമിച്ചാൽ, അത് നിങ്ങളെ ഒരു സംസർഗ്ഗ ന്യായവൈകല്യത്തിൽ (Association Fallacy or Guilt by Association) ആയിരിക്കും എത്തിക്കുക.

ക്രിസ്തുമസ് ആഘോഷങ്ങൾക്ക് ഒരു വിജാതീയ ഉത്ഭവമോ സ്വഭാവമോ ഇല്ല എന്ന് ലഭ്യമായ ചരിത്ര തെളിവുകളുടെ അടിസ്ഥാനത്തിൽ യുക്തിപരമായി നമുക്ക് വിശ്വസിക്കാമെങ്കിലും, ഇന്നത്തെ നമ്മുടെ ആഘോഷങ്ങൾ ക്രിസ്തുമസിനെ ഒരു
വിജാതീയ ആഘോഷമാക്കി മാറ്റി കൊണ്ടിരിക്കുന്നു എന്ന് പറയേണ്ടി വരും. എ.ഡി 270-നും 343-നും ഇടയിൽ ജീവിച്ചിരുന്ന പുരാതന ഗ്രീക്ക് വംശജനും, മൈറയിലെ (ആധുനിക തുർക്കി) ബിഷപ്പും ആയിരുന്ന വിശുദ്ധ നിക്കോളാസാണ് ആധുനിക ക്രിസ്തുമസ് ആഘോഷങ്ങളുടെ ശ്രദ്ധാകേന്ദ്രം എന്നത് വിഷമിപ്പിക്കുന്ന വസ്തുതയാണ്. എ.ഡി 343 ഡിസംബർ 6-നു മരണപ്പെട്ട വിശുദ്ധ നിക്കോളാസ് {⁸} ഒരു സാധാരണ കുടുംബത്തിൽ നിന്നും വളർന്ന്, ധനികനായി മാറിയ ഒരു വ്യക്തിയാണ്. തന്റെ സമ്പത്ത് വളരെയധികം പുണ്യ പ്രവർത്തികൾക്കായി അദ്ദേഹം ഉപയോഗിച്ചിരുന്നുവെന്നും, അനാഥരായ കുട്ടികൾക്കും മറ്റും നിരവധി സമ്മാനങ്ങൾ നൽകിയിരുന്നെന്നും നമുക്ക് മനസ്സിലാക്കാൻ സാധിക്കും. അദ്ദേഹത്തിന്റെ ഈ ദാനശീലവും, ക്രിസ്തുമസ് കാലത്തിൽ (ഡിസംബർ 6) ആഘോഷിക്കപ്പെടുന്ന അദ്ദേഹത്തിന്റെ ദിനവും കണക്കിലെടുത്താൽ എന്തുകൊണ്ടാണ് വിശുദ്ധ നിക്കോളാസ്, സാന്റാ ക്ലോസ് (Saint Nicholas >> Santa Claus) ആയി രൂപമെടുത്തു എന്ന് നമുക്ക് മനസ്സിലാക്കാം. സാന്റാ ക്ലോസിനെ കൂടാതെ, ക്രിസ്തുമസ് മരങ്ങളും, കരോൾ ഗാനങ്ങളും, സമ്മാന കയ്യ്മാറ്റങ്ങളും, മധുര-വീഞ്ഞുകളുമൊക്കെ നമ്മുടെ ക്രിസ്തുമസ് ആഘോഷങ്ങളുടെ അഭിവാജ്യ ഘടകങ്ങളായി മാറി കഴിഞ്ഞിരിക്കുന്നു. എന്നാൽ ഒരു സങ്കൽപ്പിക കഥാപാത്രമായ ക്രിസ്തുമസ് അപ്പൂപ്പന്റെ വരവും, സമ്മാനങ്ങളും മറ്റും ആയിരിക്കണമോ ക്രിസ്തുമസ് ആഘോഷങ്ങളുടെ കേന്ദ്രബിന്ദു? അല്ല. ഏതൊരു കാലത്തും ക്രിസ്തുമസ് ആഘോഷിക്കപ്പെടേണ്ടത് യേശുക്രിസ്തുവിന്റെ ജനനത്തിലൂടെ ദൈവം നമ്മളോട് പ്രകടമാക്കിയ അതുല്യമായ സ്നേഹത്തെയാണ്. യോഹന്നാന്റെ സുവിശേഷം 3-ന്റെ 16-ഇൽ നമ്മൾ ഇപ്രകാരം വായിക്കുന്നു, “എന്തെന്നാല്‍, അവനില്‍ വിശ്വസിക്കുന്ന ഏവനും നശിച്ചുപോകാതെ നിത്യജീവന്‍ പ്രാപിക്കുന്നതിനുവേണ്ടി, തന്റെ ഏകജാതനെ നല്‍കാന്‍ തക്കവിധം ദൈവം ലോകത്തെ അത്രമാത്രം സ്‌നേഹിച്ചു”. മനുഷ്യരുടെ പാപങ്ങൾക്ക് പരിഹരമാവാൻ വേണ്ടി അത്യുന്നതനും, സർവശക്തനുമായ ദൈവം തന്നെ മനുഷ്യപ്പിറവി എടുത്തതിന്റെ സ്മരണയാവണം ഓരോ ക്രിസ്തുമസും. നമ്മൾ പാപികളായിരിക്കെ തന്നെ ക്രിസ്തു നമുക്ക് വേണ്ടി മരിച്ചു എന്ന് അപ്പോസ്തലനായ പൗലോസ് പറയുമ്പോൾ (റോമാ 5:8) ദൈവത്തിനു നമ്മളോടുണ്ടായിരുന്ന അനന്തമായ സ്നേഹം മനസ്സിലാക്കാൻ നമുക്ക് സാധിക്കണം. മറ്റു ആഘോഷങ്ങളെ പോലെ തന്നെ ക്രിസ്തുമസും വാണിജ്യവൽക്കരിക്കപ്പെട്ടു കൊണ്ടിരിക്കുന്ന ഈ കാലത്ത്, ക്രിസ്തുമസിന്റെ യഥാർത്ഥ സന്ദേശം ലോകത്തിലേക്ക് പകരുന്ന തരത്തിലാവണം നമ്മൾ ആഘോഷിക്കേണ്ടത്. ക്രിസ്തുമസ് അപ്പൂപ്പനിൽ നിന്നും പുൽക്കൂടുകളിലേക്ക് നമ്മുടെ ശ്രദ്ധ കേന്ദ്രീകരിക്കാം. നമ്മൾ ഓരോരുത്തർക്കും വേണ്ടി മരണത്തിനു കീഴ്പ്പെടാൻ രണ്ടായിരം വർഷങ്ങൾക്ക് മുന്നേ ദൈവം മനുഷ്യനായ യേശുക്രിസ്തുവിൽ ജന്മം കൊണ്ടു എന്ന സത്യത്തെ പ്രാഘോഷിച്ചു കൊണ്ടാവട്ടെ ഈ ക്രിസ്തുമസ് ആഘോഷങ്ങൾ കടന്നു പോവുന്നത്. എല്ലാവർക്കും എന്റെയും ഗ്രേയ് സെൽസിന്റെയും ഹൃദയം നിറഞ്ഞ ക്രിസ്തുമസ് ആശംസകളും അനുഗ്രഹങ്ങളും നേരുന്നു.

-----------------------------------------------------------------------------

Sources:

{¹} McDowell, Sean. "Bart Ehrman on the Existence of Jesus – Great Quotes." Sean McDowell, 11 Aug. 2015, seanmcdowell.org/blog/bart-ehrman-on-the-existence…. Accessed 16 Dec. 2024

{²} "The First Christmas and the Birth of Jesus." Apxaioc, n.d., apxaioc.com/?p=29#:~:text=The%20historian%20Sextus…. Accessed 16 Dec. 2024

{³} Schmidt, T. C. "Calculating Christmas: Hippolytus and December 25th." Biblical Archaeology Society, n.d., library.biblicalarchaeology.org/article/calculatin…. Accessed 16 Dec. 2024

{⁴} Edict of Toleration (AD 311):
"Edict of Toleration." Wikipedia, Wikimedia Foundation, n.d., en.m.wikipedia.org/wiki/Edict_of_Serdica. Accessed 16 Dec. 2024

Edict of Milan (AD 313):
"Edict of Milan." Wikipedia, Wikimedia Foundation, n.d., en.m.wikipedia.org/wiki/Edict_of_Milan. Accessed 16 Dec. 2024

{⁵} Sarfati, Jonathan. "Was Christmas Pagan? And Other Attacks on Christmas." Answers in Genesis, 17 Dec. 2022, answersingenesis.org/christmas/was-christmas-pagan…. Accessed 16 Dec. 2024

{⁶} Talley, Thomas J. The Origins of the Liturgical Year. The Liturgical Press, 1991, pp. 88-91

{⁷} Hislop, Alexander. The Two Babylons: Romanism and its Origins. 1853, Presbyterian Free Church of Scotland

{⁸} "Who is St. Nicholas?" St. Nicholas Center, n.d., www.stnicholascenter.org/who-is-st-nicholas. Accessed 16 Dec. 2024

#history #facts #truth #christmas2024 #santaclaus #birthofJesusChrist #christianity #apologetics #Greycells

📍 Join our watsapp channel:

whatsapp.com/channel/0029Va9Sock545v1Uw6lyj3t

8 - 1

Grey Cells
Posted 3 weeks ago

Merry Christmas - Team Grey Cells

12 - 0

Grey Cells
Posted 1 month ago

പ്രിയ സുഹൃത്തുക്കളെ,

വളരെ നാളുകൾക്ക് ശേഷം Grey Cells ഒരു meet up സംഘടിപ്പിക്കുന്നു. Grey Cells ന്റെ വിവിധ പ്രവർത്തനങ്ങളിൽ ഭാഗമാകുന്ന എല്ലാവരെയും ഒരുമിച്ച് കാണുകയും തുടർന്നുള്ള പ്രവർത്തനങ്ങളെ പറ്റി ചർച്ച ചെയ്യുകയുമാണ് ലക്ഷ്യം.
അതിനായി 26/12/2024 വൈകുന്നേരം 5.00 ന് എറണാകുളം ചങ്ങമ്പുഴ പാർക്കിന് സമീപം ഒത്തു ചേരാനാണ് ആഗ്രഹിക്കുന്നത് കൂടുതൽ വിവരങ്ങൾ പിന്നാലെ അറിയിക്കുന്നതാണ്.
വരാൻ സാധിക്കുന്നവർ ഇതോടൊപ്പമുള്ള ഫോം പൂരിപ്പിക്കുക.
forms.gle/oKPK3kpCfwnjBrVg8

വിവരങ്ങൾക്ക്
+91 96568 27727, +91 95679 48755 എന്ന number ഇൽ contact ചെയ്യുക.

5 - 0

Grey Cells
Posted 4 months ago

നിരീശ്വരവാദി മൈത്രയന്റെ ശാസ്ത്ര വിരുദ്ധത!!!

10 - 0

Grey Cells
Posted 5 months ago

നിരീശ്വരവാദ ആശയങ്ങളോട് കൊമ്പുകോർത്തുകൊണ്ട് ടീം Greycells

ആശയസംവാദങ്ങൾക്ക് ക്രൈസ്തവവിശ്വാസത്തിൽ പ്രധാന പങ്ക് ഉണ്ട് എന്നുള്ളത് ബൈബിൾ നമ്മെ പഠിപ്പിക്കുന്നു (1Peter 3:15). അതിന്റെ അടിസ്ഥാനത്തിൽ Greycells നടത്തി വരുന്ന സംവാദ പരമ്പരകൾ
ഗംഭീരമായി നടന്നു വരുന്നു.

Greycells ലെ മുഖ്യ പ്രഭാഷകൻ ശ്രീ ആശിഷ് ജോണും നിരീശ്വരവാദ പക്ഷത്ത് നിന്ന് ശ്രീ വൈശാഖൻ തമ്പിയും തമ്മിൽ കഴിഞ്ഞ ദിവസം (28/7/2024) പ്രപഞ്ചത്തിന്റേത് ബുദ്ധിപരമായൊരു രൂപകല്പനയോ? എന്ന വിഷയത്തിൽ ചർച്ച (Discussion) നടക്കുകയുണ്ടായി. മോഡറേറ്ററായി വിഷ്ണു ശങ്കർ ചർച്ചയ്ക്ക് ചുക്കാൻ പിടിച്ചു. ഒരു ഫോർമൽ ഡിബേറ്റ്ന് വൈശാഖൻ തമ്പി തയ്യാറല്ല എന്ന ആവശ്യം മുന്നോട്ട് വച്ചതിനാൽ അത്തരത്തിലുള്ള നിയമങ്ങൾക്ക് അനുസൃതമല്ലാത്ത അഭിമുഖ സംവാദമാണ് നടന്നത്.
തുടർന്നും സംവാദങ്ങളും ചർച്ചകളും തുടരും സത്യവും യഥാർഥ്യയവും ജനങ്ങളോട് വിളിച്ചു പറയുക തന്നെ ചെയ്യും.

സംവാദം ഉടൻ തന്നെ Greycells YouTube ചാനലിൽ സംപ്രേഷണം ചെയ്യുന്നതായിരിക്കും സംവാദം കാണുക വിലയിരുത്തുക അഭിപ്രായയങ്ങൾ കമന്റ്‌സ് ആയിട്ട് രേഖപ്പെടുത്തുക..

യൂട്യൂബ് ലിങ്ക് താഴെ കൊടുക്കുന്നു 👇

youtube.com/@greycells?si=SqN_EqHIUkmHNNL3

Thank you.
Grey Cells Team.

#greycells #ashishjohn #vaishakhanthampi #God #debate #philosophy #christianphilosophy #christiantheology #science #atheism #keralaatheism #kerala

42 - 12

Grey Cells
Posted 9 months ago

കർത്താവായ യേശുക്രിസ്തു, തന്റെ മരണത്തിനു മേൽ കയ്യ് വരിച്ച വിജയവും, അതുവഴി അദ്ദേഹത്തിൽ വിശ്വസിക്കുന്ന ഏതൊരുവനും ദാനമായി ലഭിച്ച നിത്യജീവന്റെ സമ്മാനവും അനുസ്മരിക്കുന്ന, ഈസ്റ്റർ ദിനം ഒരു വിജാതീയ (Pagan) ആഘോഷം/ആചാരം ആണോ?

ഓരോ വർഷവും, ഈസ്റ്റർ ദിനങ്ങളിൽ, സാമൂഹ്യ മാധ്യമങ്ങളിലൂടെ ക്രിസ്ത്യാനികൾക്ക് നേരെ ഉയർന്നുവരുന്ന ഒരു ആരോപണമാണ്, അവർ വിജാതീയ ആഘോഷമായ "ഈസ്റ്റർ" ആചരിക്കുന്നു എന്നുള്ളത്. ഈസ്റ്റർ ന്റെ ഉത്ഭവം, ജർമാനിക് ദേവതയായ "Eostre" (Ishtar എന്നും പറയാറുണ്ട്) യുമായി ബന്ധപ്പെട്ട ആഘോഷങ്ങളിൽ നിന്നുമാണ്, എന്നുള്ള അവകാശവാദമാണ് ഈ ആരോപണത്തിന് പിന്നിൽ. അസ്സിറിയൻ, ബാബിലോണിയൻ എന്നിവിടങ്ങളിലെ, ലൈംഗികതയുടെയും, സമ്പുഷ്ടതയുടെയും ദേവത ആയിരുന്നു ഇഷ്ടാർ. അയാളുടെ ചിഹ്നങ്ങളിൽ ഉൾപ്പെടുന്നവയാണ് മുട്ടകളും, മുയലുകളും എന്നും, കോൺസ്റ്റന്റയിന്റെ തീരുമാന പ്രകാരമാണ് അയാളുടെ ആഘോഷം ക്രിസ്തുവിന്റെ ഉയിർത്തെഴുന്നേൽപ്പിലേക്ക് മാറ്റിയതെന്നും, ഈസ്റ്റർ ആഘോഷിക്കുന്നത് ലൈംഗികതയുടെയും, സമ്പുഷ്ടിയുടെയും ആഘോഷം മാത്രമാണെന്നുമാണ് ആരോപണം.

1) "Eostre" യെ പറ്റി കൂടുതലായി ഒന്നും ചരിത്രകാരന്മാർക്ക് അറിയില്ല!!

"Eostre" നെ പറ്റി ലഭ്യമായ ഏക പ്രാഥമിക ചരിത്ര രേഖ, 8-ആം നൂറ്റാണ്ടിൽ ഇംഗ്ലീഷ് കത്തോലിക്കാ സന്യാസി ആയ വിശുദ്ധ ബീടെ (the venerable bede) എഴുതിയ "The Reckoning of Time" എന്ന പുസ്തകത്തിലുള്ളതാണ്.

"ഈസ്റ്റുർമോനാത്തിനു (Eosturmonath) ഒരു പേരുണ്ട്, അത് ഇപ്പോൾ "പാസ്കൽ മാസം" എന്ന് വിവർത്തനം ചെയ്യപ്പെടുന്നു, ഇത് ഒരിക്കൽ അവരുടെ ദേവതയായ ഈസ്ട്രെയുടെ (Eostre) പേരിലാണ് വിളിച്ചിരുന്നത്, ആ മാസത്തിൽ അയാളുടെ ബഹുമാനാർത്ഥം വിരുന്നുകൾ ആഘോഷിച്ചിരുന്നു. ഇപ്പോൾ അവർ ആ പാസ്കൽ സീസണിനെ അവളുടെ പേര് നൽകി, പുതിയ ആചാരത്തിൻ്റെ സന്തോഷങ്ങളെ പഴയ ആചരണത്തിൻ്റെ എന്ന് വിളിക്കുന്നു" (The Reckoning of Time, 725 എ. ഡി ). വിമർശകരുടെ പ്രിയ താരമായ "Eostre" ദേവതയെക്കുറിച്ച് ചരിത്രത്തിൽ നിന്നും നമുക്ക് ലഭ്യമായ ഏക വിവരമാണ്, നിങ്ങൾ വായിച്ച അവസാനത്തെ ആ ഉദ്ധരണി!! അതുകൊണ്ട് തന്നെ ചരിത്രകാരന്മാർക്ക് അത്തരം ഒരു ദേവതയെ പറ്റി കൂടുതലൊന്നും അറിയില്ല എന്നുള്ള കാര്യത്തിൽ അത്ഭുതപ്പെടേണ്ടതില്ല.

2) "Eostre" ക്കും "Ishtar" ഇനും തമ്മിൽ ബന്ധപ്പെടുത്താൻ വിമർശകർ കഷ്ട്ടപെടുന്നുണ്ട്

മറ്റു ചിലർ "Eostre" യിൽ നിന്നും ബാബിലോണിയൻ ദേവതയായ ഇഷ്ടാറിലേക്ക് എത്തിപ്പിടിക്കാറുണ്ട്. രണ്ട് പേരുകളിലെയും സാമ്യത ഉപയോഗിച്ച്, രണ്ട് പേർക്കും തമ്മിൽ ഒരു ബന്ധം ഉണ്ടാക്കി എടുക്കുക ആണ് ഇവരുടെ ലക്ഷ്യം. കാരണം, "Eostre" എന്ന പേര് ഉത്ഭവിച്ചിരിക്കാൻ കൂടുതൽ സാധ്യത, "Eastre" എന്ന, വസന്തകാലത്തെ സൂചിപ്പിക്കുന്ന, പഴയ ഇംഗ്ലീഷ് പദത്തിൽ നിന്നായിരിക്കണം. അതുകൊണ്ട്, വസന്തകാലത്തിന്റെ ദേവതയായ ഇഷ്ടാർ നെ അവർ കൂട്ടുപിടിക്കാൻ ശ്രമിക്കുന്നു. "Eostre", "Ishtar", "Easter" എന്നീ പേരുകളിലെ സാമ്യം ഉപയോഗിച്ച് ഈസ്റ്റർ ആഘോഷങ്ങളെ വിജാതീയ ആഘോഷങ്ങളായി ചിത്രീകരിക്കുന്നതാണ് ലക്ഷ്യം!!

3) ഈസ്റ്റർ ആഘോഷങ്ങളുടെയും ചിത്രങ്ങളുടെയും ഭാഗമായ മുട്ടകളും മുയലുകളും ഇഷ്ടാറിനെ പ്രതിനിധീകരിക്കുന്നില്ല

ഈസ്റ്റർ ആഘോഷങ്ങളുടെ ഭാഗമായ മുട്ടകളും മുയലുകളും ഒക്കെ, ഇഷ്ടാറിന്റെ സമ്പുഷ്ടതയുടെ ചിഹ്നങ്ങളാണെന്നും, അത് ആഘോഷിക്കാൻ ആണ് ക്രിസ്ത്യാനികൾ അവയെ ഉപയോഗിക്കുന്നതെന്നും ആരോപണം ഉയരാറുണ്ട്. ചില സംസ്കാരങ്ങൾ ഇവയെ സമ്പുഷ്ടതയുടെ ആഘോഷങ്ങൾക്ക് വേണ്ടി ഉപയോഗിക്കാറുണ്ട് എന്നത് സത്യം തന്നെയാണ്. എന്നാൽ, ഈസ്റ്ററിനെ സംബന്ധിച്ചിടത്തോളം അവയ്ക്ക് മറ്റൊരു വിശദീകരണം ആണ് ക്രിസ്ത്യാനികൾക്കു ഉള്ളത്. ഈസ്റ്റർ ദിനങ്ങളിൽ കുട്ടികൾക്കായുള്ള വിനോദത്തിന് വേണ്ടിയാണ്, നിറമേകിയ മുട്ടകൾ ഉപയോഗിച്ചുള്ള കളികൾ ഒരുക്കാറുള്ളത്. മുയലുകൾ എന്തുകൊണ്ട് ചിത്രങ്ങളിൽ ഇടംപിടിക്കുന്നു എന്നാൽ, ഈസ്റ്റർ ആഘോഷിക്കുന്ന സമയങ്ങളിലാണ് മുയലുകൾ തണുപ്പുകാലത്തെ വിശ്രമം കഴിഞ്ഞ്, കൂടുതൽ പുറത്തോട്ടൊക്കെ കാണാറുള്ളത്. ആഘോഷങ്ങളിലെ സാമ്യത കൊണ്ട് മാത്രം ഒരു ആഘോഷത്തിന് മറ്റൊരു ആഘോഷത്തിൽ നിന്നുമാണ് ഉത്ഭവം എന്നത് എന്തൊരു ന്യായവൈകല്യം ആണ്.

4) "Easter" എന്ന പദത്തിന്റെ ഉത്ഭവത്തിനായി വിജാതീയ ദേവതകളെ തേടി പോകേണ്ടതില്ല!!

"Easter" എന്ന പദത്തിന്റെ ഉത്ഭവത്തിന്റെ ഏറ്റവും മികച്ച വിശദീകരണം എന്നത്, പഴയ കാലത്തിൽ ഈസ്റ്റർ ആഘോഷിച്ചിരുന്ന മാസത്തിൽ തന്നെയാണ്. ബീടെ സൂചിപ്പിച്ച "Eosturmonath" (പഴയ ഇംഗ്ലീഷ് കലണ്ടറിലെ ഏപ്രിൽ) എന്ന മാസത്തിൽ ആയിരുന്നു ആദ്യകാല ക്രിസ്ത്യാനികൾ ക്രിസ്തുവിന്റെ ഉയിർത്തെഴുന്നേൽപ്പ് ആഘോഷിച്ചിരുന്നത്. അതുകൊണ്ട് തന്നെ, ആ മാസത്തിന്റെ പേരിൽ നിന്നും ഉത്ഭവിച്ച പേരാകണം "Easter" എന്നത്. അല്ലെങ്കിൽ, അതിന്റെ ഉത്ഭവം ലാറ്റിൻ ഭാഷയിൽ പ്രഭാതത്തെ അർഥമാക്കുന്ന "Alba" എന്ന വാക്കിനെ, പഴയ ജർമൻ സംസാരിക്കുന്ന ക്രിസ്ത്യാനികൾ തങ്ങളുടെ ഭാഷയിൽ ഉപയോഗിച്ചിരുന്ന "Eostarun" എന്ന വാക്കിൽ നിന്നാകണം. "Eostarun" എന്ന വാക്ക് പരിണമിച്ച് ഇപ്പോഴത്തെ ജർമൻ ഭാഷയിലെ "Ostern" ആകുകയും, അത് ഇംഗ്ലീഷിൽ "Easter" ആകുകയും ചെയ്തു. ഒന്നാമത്തെ സാധ്യതയുടെ ആധുനിക കാല ഉദാഹരണം പറയുക ആണെങ്കിൽ, അമേരിക്കൻ ജനങ്ങൾ തങ്ങളുടെ സ്വാതന്ത്ര്യ ദിനത്തെ "Fourth of July" എന്ന പേരിൽ ആഘോഷിക്കാറുണ്ട്. അത് ജൂലൈ മാസത്തിൽ വരുന്നത് കൊണ്ടാണ് അത്തരം ഒരു പേര് അതിനു ലഭിച്ചത്. എന്നാൽ അതുകൊണ്ട് അവർ, പണ്ടത്തെ റോമൻ ജനറൽ ആയ ജൂലിയാസ് സീസറിന്റെ (അദ്ദേഹത്തിന്റെ പേരിൽ നിന്നുമാണ് ജൂലൈ എന്ന പേര് വന്നിട്ടുള്ളത്) ആഘോഷങ്ങളാണ് ആചരിക്കുന്നത് എന്ന് പറയാൻ പറ്റുമോ? ഒരിക്കലുമില്ല! കാരണം, അത് "Guilt by Association Fallacy" എന്ന ന്യായവൈകല്യത്തിന്റെ ഉത്തമ ഉദാഹരണമാകും (ഗൂഗിൾ പരിശോധിക്കുക). തന്നെയുമല്ല, ക്രിസ്തുവിന്റെ ഉയിർത്തെഴുന്നേൽപ്പിനു "Easter" എന്ന പേരു ഉപയോഗിക്കുന്നത് ഇംഗ്ലീഷ് ഭാഷയിൽ മാത്രമാണ്. മറ്റു ഭാഷകളിലൊക്കെ കൂടുതലായി ഉപയോഗിക്കുന്നത്, "Pascha" എന്നാണ്. പഴയ ഗ്രീക്ക്, അരാമിക്, ഹീബ്രു ഭാഷകളിൽ, "Passover" (കടന്നു പോകൽ /പെസഹാ) നുള്ള വാക്കുകളിൽ നിന്നും ഉരുതിരിഞ്ഞതാണ് "Pascha" എന്ന പദം. അവസാനമായി, എന്നാലും പ്രധാനമായ ഒരു കാര്യം എന്തെന്നാൽ, ഒരു ക്രിസ്ത്യാനികളും ഈസ്റ്റർ ആഘോഷിക്കുന്നത് ഏതെങ്കിലും വിജാതീയ ദേവതയെ ആഘോഷിക്കാനോ, സമ്പൽസമൃദ്ധി ലഭിക്കാനോ അല്ല. മറിച്ചു, അവരുടെ കർത്താവും ദൈവവുമായ യേശുക്രിസ്തു തന്റെ മരണത്തിനുമേൽ കയ് വരിച്ച വിജയം ഉദ്ഘോഷിക്കാനും, അതുവഴി അവർക്ക് ലഭ്യമായ പ്രത്യാശ അനുസ്മരിക്കാനുമാണ്. അത് ഇനിയും അവർ തുടരുക തന്നെ ചെയ്യും. വിമർശകർ വിമർശിക്കുന്നതിനു മുന്നേ ഇത്തിരി ചരിത്രം പഠിക്കുന്നത് നന്നായിരിക്കും എന്ന് ഓർമിപ്പിച്ചുകൊണ്ട്, ഉയിർത്തെഴുന്നേൽപ്പ് തിരുനാളിന്റെ എല്ലാ വിധ അനുഗ്രഹങ്ങളും നേരുന്നു 🙏🏻

ഈ വിഷയത്തെ പറ്റിയുള്ള കൂടുതൽ പഠനങ്ങളും എഴുത്തുകളും 👇🏼

1)www.christianity.com/wiki/holidays/what-are-the-pa….

2)www.catholic.com/magazine/online-edition/no-easter…

3)https://youtu.be/IffNsK_fdoY?si=gcIEs...

4)https://youtu.be/QW06pWHTeNk?si=z0J9Q...

5)news.web.baylor.edu/news/story/2016/why-easter-was…

10 - 6

Grey Cells
Posted 9 months ago

ഉയർത്തെഴുനേൽപ്പിൻ്റെ വസ്‌തുതകൾ (Facts concerning the Resurrection)

• ക്രൂശിലെ മരണം (Death by crucifixion)

ഒഴിഞ്ഞ കല്ലറ (Empty tomb)

• യേശുവിന്റെ മരണാനന്തര പ്രത്യക്ഷത ( Post-mortem appearance of Jesus )

• ശൗലിന്റെയും
യാക്കോബിന്റെയും മനംമാറ്റം (Conversion of Saul and James)

ക്രിസ്തീയ വിശ്വാസത്തിന്റെ ഉത്ഭവം (Origin of Christianity

https://youtu.be/OX4jMAqA89E?si=G_eoi...

Join WhatsApp group
👇🏻👇🏻👇🏻👇🏻👇🏻
chat.whatsapp.com/DywQwAF6WbAH6JV25g4L2M

Follow the Grey Cells channel on WhatsApp:

whatsapp.com/channel/0029Va9Sock545v1Uw6lyj3t

16 - 0

Grey Cells
Posted 9 months ago

"It was not nails that held Jesus to that wretched cross; it was his unqualified resolution, out of love for his Father, to do his Father’s will—and it was his love for sinners like me." - D.A. Carson

6 - 0

Grey Cells
Posted 11 months ago

കർത്താവിൽ പ്രിയരേ,

Grey Cells ഇന്റെ പ്രവർത്തനങ്ങൾ വ്യാപിപ്പിക്കുന്നതിന്റെ ഭാഗമായി പുതിയ അംഗങ്ങളെ Grey Cells ഇൽ ഉൾപ്പെടുത്തുവാൻ ഞങ്ങൾ ആഗ്രഹിക്കുന്നു.

ഞങ്ങളോടൊപ്പം പ്രവർത്തിക്കുവാൻ താല്പര്യമുള്ളവർ ഇതിനൊപ്പമുള്ള ഗൂഗിൾ ഫോം പൂരിപ്പിക്കുക.

docs.google.com/forms/d/e/1FAIpQLSdOfUdHsDB1G-qmQd…

Join WhatsApp group 👇👇

chat.whatsapp.com/KdnhEblMvAeFFtKZUVJDF7

28 - 1

Grey Cells
Posted 1 year ago

ആശിഷ് ജോൺ എഴുതുന്നു 🖋️🖋️

ചരിത്രപുരുഷനായ യേശുവിനെപ്പറ്റിയുള്ള സെഷനുകൾ രസകരമായൊരു ചോദ്യത്തിലൂടെയാണു ഞാൻ ആരംഭിക്കാറുള്ളത്: ' ഇന്ന് ലോകത്തിൽ ഏറ്റവും പ്രശസ്തനായ വ്യക്തി ആരാണ്?' പെട്ടെന്ന് ആരെങ്കിലും മെസ്സി അല്ലെങ്കിൽ റൊണാൾഡോ എന്ന് പറയും. ശരിയായ ഉത്തരം റൊണാൾഡോ എന്നാണ് ( മെസ്സി ഫാൻസ് ക്ഷമിക്കണം).

അദ്ദേഹത്തിന് 600 മില്യൺ ഇൻസ്റ്റഗ്രാം ഫോളോവേഴ്സ് ഉണ്ട്; അതായത് 6 നു ശേഷം എട്ടു പൂജ്യം വരുന്ന സംഖ്യ! ഇനി രണ്ടായിരം വർഷം മുമ്പ് ജീവിച്ചിരുന്ന നസ്രത്തിലെ യേശുവിനെപ്പറ്റി ചിന്തിക്കാം. അദ്ദേഹത്തിന് എത്ര അനുയായികൾ ഉണ്ടാകുമായിരിക്കും? സാവധാനത്തിലൊന്നു ചിന്തിച്ചാൽ നമുക്കത് വേഗം കണ്ടെത്താനാവും.

ലോക ജനസംഖ്യയിലെ മൂന്നിലൊന്ന്, അതായത് ഏകദേശം 2.8 ബില്യൺ പേർ തങ്ങൾ ക്രിസ്ത്യാനികളെന്നു സാക്ഷിക്കുന്നു; അവർക്കൊപ്പം യേശുവിനെ പ്രവാചകനായി സങ്കൽപ്പിക്കുന്ന ഏകദേശം 1.9 ബില്യൺ മുസ്ലീങ്ങളെയും പരിഗണിക്കാം; യേശുവിനെ ഗുരുവോ അവധൂതനോ അവതാരമോ ആയി കരുതുന്ന 1.5 ബില്യനോടടുത്ത ഹിന്ദു, ബാഹായി, സിഖ് മുതലായ മതാനുയായികളെയും ഇതിനോട് ചേർക്കാൻ മറക്കരുത്. ഇതെല്ലാം ചേർക്കുമ്പോൾ ഏകദേശം 4 ബില്യൺ ഉണ്ടാകും, അതായത് 4 നു ശേഷം ഒൻപതു പൂജ്യം.
ഗലീലയിലെ ഈ പ്രഭാഷകൻ, ഇക്കാലത്തെ അതിപ്രശസ്ത ഫുട്ബോൾ താരത്തേക്കാൾ ആറുമടങ്ങു ജനപ്രിയനാണെന്ന് ചുരുക്കം ചില കണക്കുകൂട്ടലുകളിലൂടെ നാം കണ്ടെത്തുന്നു!
എത്ര രസാവഹമാണത്?

പെലെ ഒരിക്കൽ അഭിപ്രായപ്പെട്ടു: ' നിങ്ങൾ എവിടെപ്പോയാലും എല്ലാവർക്കും അറിയാവുന്ന മൂന്ന് ഐക്കണുകൾ ഉണ്ടാകും: യേശുക്രിസ്തു, പെലെ, കൊക്കക്കോള എന്നിവ.' പെലെ മുമ്പത്തെപ്പോലെ ഇപ്പോൾ വിഖ്യാതനല്ല, ചില വർഷങ്ങൾ കഴിയുമ്പോൾ റൊണാൾഡോയുടെ പ്രശസ്തിക്കും മങ്ങലേൽക്കും. എന്നാൽ രണ്ടു സഹസ്രാബ്ദങ്ങൾക്കു ശേഷവും യേശുക്രിസ്തുവിന്റെ ജനപ്രീതി വർദ്ധിച്ചുകൊണ്ടിരിക്കുന്നു വെന്നത് കൗതുകകരമാണ്! ചരിത്രകാരനായ ഫിലിപ്പ് ഷാഫ്‌ പ്രസ്താവിക്കുന്നതുപോലെ... " നസ്രത്തിലെ യേശു ധനവും ആയുധവുമില്ലാതെ, അലക്സാണ്ടർ, സീസർ, മുഹമ്മദ്, നെപ്പോളിയൻ എന്നിവരെക്കാളധികം ദശലക്ഷങ്ങളെ കീഴടക്കി; ശാസ്ത്രവും പഠനവുമില്ലാതെ, മാനുഷിക, ദൈവിക വിഷയങ്ങളിൽ സമസ്ത തത്വചിന്തകരും പണ്ഡിത ശ്രേഷ്ഠരും പ്രദാനം ചെയ്തതിലധികം വെളിച്ചം പകർന്നു; പാഠശാലയുടെ വാക്ചാതുര്യമന്യേ, തനിക്ക് മുമ്പും ശേഷവും വചിക്കപ്പെടാത്ത വിധം ജീവന്റെ വചനം പ്രസ്താവിച്ചു; കവികൾക്കും വാഗ്മികൾക്കും എത്താവുന്നതിലും പരമായ സ്വാധീനം ചെലുത്തി. ഒരു വാക്കുമെഴുതാതെ അനേകം തൂലികകളെ ചലിപ്പിച്ചു; പൂർവികരും ആധുനികരുമായ മഹാന്മാരുടെ സർവ്വസൈന്യത്തെയും പിന്നിലാക്കി അനേകം പ്രബോധനങ്ങൾക്കും പ്രഭാഷണങ്ങൾക്കും പ്രതിവാദങ്ങൾക്കും മഹാ ഗ്രന്ഥങ്ങൾക്കും കലാസൃഷ്ടികൾക്കും സ്തുതി ഗീതങ്ങൾക്കും പ്രമേയമൊരുക്കി."

അതേ, യേശുക്രിസ്തുവാണ് the real G.O.A.T.

48 - 36

Welcoem to posts!!

Grey Cells Posted 3 weeks ago

Grey Cells Posted 3 weeks ago

Grey Cells Posted 1 month ago

Grey Cells Posted 4 months ago

Grey Cells Posted 5 months ago

Grey Cells Posted 9 months ago

Grey Cells Posted 9 months ago

Grey Cells Posted 9 months ago

Grey Cells Posted 11 months ago

Grey Cells Posted 1 year ago

Grey Cells
Posted 3 weeks ago

Grey Cells
Posted 3 weeks ago

Grey Cells
Posted 1 month ago

Grey Cells
Posted 4 months ago

Grey Cells
Posted 5 months ago

Grey Cells
Posted 9 months ago

Grey Cells
Posted 9 months ago

Grey Cells
Posted 9 months ago

Grey Cells
Posted 11 months ago

Grey Cells
Posted 1 year ago