Welcoem to posts!!

Harpreet Singh
Posted 2 months ago

💠 ਗੁਰਬਾਣੀ ਦਾ ਅਸਰ ਸਾਡੇ ਸੁਭਾਅ ਤੇ ਕਿਉਂ ਨਹੀਂ ਹੁੰਦਾ 💠

🔘 ਜੇ ਕੇਵਲ ਅੱਜ ਦੀ ਗੱਲ ਕਰੀਏ ਤਾਂ ਬਹੁਤ ਹੀ ਜ਼ਿਆਦਾ ਗਿਣਤੀ ਵਿੱਚ ਗੁਰਬਾਣੀ ਦਾ ਪਾਠ ਕੀਤਾ ਜਾ ਰਿਹਾ ਹੈ । ਕੀਰਤਨ ਕਰਕੇ ਬਾਣੀ ਨੂੰ ਗਾਉਣ ਵਾਲਿਆਂ ਗਿਣਤੀ ਹੱਦ ਤੋਂ ਵੱਧ ਹੈ। ਘਰਾਂ ਵਿੱਚ ਨਿੱਜੀ ਤੌਰ ਤੇ ਪੜ੍ਹਨ ਵਾਲੇ ਵੀ ਬਹੁਤ ਹਨ। ਪਰ ਜਦੋ ਪ੍ਰੈਕਟੀਕਲ ਤੌਰ ਤੇ ਵੇਖਦੇ ਹਾਂ ਇੰਝ ਪ੍ਰਤੀਤ ਹੁੰਦਾ ਹੈ ਜਿਵੇਂ ਕਿਸੇ ਤੇ ਕੋਈ ਅਸਰ ਹੀ ਨਾ ਹੋ ਰਿਹਾ ਹੋਵੇ । ਸਾਡੇ ਸੁਭਾਅ ਦੀਆਂ ਕਮਜ਼ੋਰੀਆਂ ਉਸੇ ਤਰਾਂ ਬਰਕਰਾਰ ਹਨ। ਆਖਰ ਕਮੀ ਕਿੱਥੇ ਹੈ ?

🔵🔵 ਕਿਸੇ ਵੀ ਕੰਮ ਤੋਂ ਜੇਕਰ ਤੁਸੀਂ ਕੋਈ ਨਤੀਜਾ ਲੈਣਾ ਚਾਹੁੰਦੇ ਹੋ ਤਾਂ ਉਸ ਨੂੰ ਕਰਨ ਦਾ ਇੱਕ ਨਿਯਮਵੱਧ ਤਰੀਕਾ ਹੁੰਦਾ ਹੈ । ਸਭ ਤੋਂ ਪਹਿਲਾਂ ਦਾ ਕੰਮ ਬਾਰੇ ਮੁਕੰਮਲ ਜਾਣਕਾਰੀ ਹੋਈ ਬਹੁਤ ਜਰੂਰੀ ਹੈ । ਫਿਰ ਨਾਲ ਹੀ ਉਸ ਨੂੰ ਕਰਨ ਲਈ ਦ੍ਰਿੜ ਨਿਸਚਾ ਵੀ ਹੋਣਾ ਚਾਹੀਦਾ ਹੈ । ਸਾਡੇ ਵਿੱਚ ਇਹਨਾਂ ਤੋਂ ਭਗੌੜੇ ਹੋਣ ਦਾ ਸੁਭਾਅ ਪ੍ਰਵਲ ਹੈ । ਜਿਸ ਕਰਕੇ ਬਹੁਤਾਤ ਰੂਪ ਵਿੱਚ ਪ੍ਰੈਕਟੀਕਲ ਜੀਵਨ ਤੋਂ ਕੋਹਾਂ ਦੂਰ ਕੇਵਲ ਬਧਾ ਚੱਟੀ ਕਰਮ ਕਰਦੇ ਜਾਂਦੇ ਹਾਂ। ਜਿਸ ਦਾ ਕੋਈ ਅਸਰ ਸਾਡੇ ਸੁਭਾਅ ਤੇ ਨਹੀਂ ਹੁੰਦਾ।

🔘🔘 ਜਦੋਂ ਡਾਕਟਰ ਕੋਲ ਜਾ ਕੇ ਇਹ ਆਖਦੇ ਹਾਂ ਕਿ ਮੈਂ ਬਿਮਾਰ ਹਾਂ ਤਾਂ ਡਾਕਟਰ ਅੱਗੋਂ ਇਹੋ ਆਖਦੇ ਕਿ ਕੋਈ ਨਾ ਭਾਈ ਠੀਕ ਹੋ ਜਾਵੋਗੇ । ਉਸ ਤੋਂ ਬਾਅਦ ਉਹ ਆਪਣੀ ਪ੍ਰਕਿਰਿਆ ਸ਼ੁਰੂ ਕਰਦਾ ਹੈ । ਹੁਣ ਉਸ ਨੂੰ ਚੰਗੇ ਤਰੀਕੇ ਨਾਲ ਮੰਨਣਾ ਸਾਡਾ ਫਰਜ਼ ਹੁੰਦਾ ਹੈ । ਜੇਕਰ ਉਸ ਨੂੰ ਨਾ ਮੰਨਕੇ ਕੇਵਲ ਇਸ ਗੱਲ ਬਾਰੇ ਹੀ ਸੋਚੀ ਜਾਈਏ ਕੇ ਡਾਕਟਰ ਕਹਿੰਦਾ ਸੀ ਠੀਕ ਹੋ ਜਾਵੇਗਾ। ਪਰ ਮੈਂ ਹੋਇਆ ਨਹੀਂ , ਇਸ ਮਤਲਬ ਡਾਕਟਰ ਝੂਠ ਬੋਲਦਾ ਸੀ । ਜੇਕਰ ਸਮਝ ਤੋਂ ਕੰਮ ਲੈ ਕੇ ਆਪਣੇ ਆਪ ਨਾਲ ਗੱਲ ਕਰਾਂਗੇ ਤਾਂ ਸਹੀ ਜਵਾਬ ਹੋਵੇਗਾ ਕਿ ਡਾਕਟਰ ਤਾਂ ਸਹੀ ਹੈ ਕਮੀ ਮੇਰੇ ਵਿੱਚ ਹੈ ਕੇ ਮੈਂ ਉਸ ਦੀ ਦਿਤੀ ਦਵਾਈ ਨੂੰ ਨਿਯਮਵੱਧ ਤਰੀਕੇ ਨਾਲ ਨਹੀਂ ਲਿਆ ।

🔷🔷 ਅਸੀਂ ਗੁਰਬਾਣੀ ਨੂੰ ਵੀ ਗੁਰੂ ਪਾਤਿਸ਼ਾਹ ਜੀ ਦੇ ਦੱਸੇ ਨਜ਼ਰੀਏ ਤੋਂ ਪਾਸੇ ਲਿਜਾ ਕੇ , ਉਸ ਨਿਯਮਵੱਧ ਤਰੀਕੇ ਤੋਂ ਦੂਰ ਹੋ ਕੇ ਪੜ੍ਹਦੇ , ਸੁਣਦੇ ਹਾਂ। ਜਿਸ ਕਰਕੇ ਪਾਠ , ਕੀਰਤਨ ਹੋ ਤਾਂ ਬਹੁਤ ਰਿਹਾ ਹੈ ਪਰ ਉਸ ਦਾ ਪ੍ਰੈਕਟੀਕਲੀ ਅਸਰ ਦੇਖਣ ਨੂੰ ਨਹੀਂ ਮਿਲਦਾ । ਵੈਸੇ ਤਾਂ ਸਾਡਾ ਬਹੁਤਾ ਲਾਣਾ ਸਾਨੂੰ ਇਥੋਂ ਤੱਕ ਸੀਮਤ ਰੱਖ ਕੇ ਹੀ ਖੁਸ਼ ਹੈ ਕਿਉਂਕਿ ਇਸ ਨਾਲ ਉਹਨਾਂ ਦਾ ਤੋਰੀ ਫੁਲਕਾ ਚੱਲਦਾ ਹੈ। ਕੋਈ ਕਹਿੰਦਾ ਸਿਰਫ਼ ਪਾਠ ਕਰਲੋ , ਕਿਸੇ ਆਖਿਆ ਵਾਹਿਗੁਰੂ ਵਾਹਿਗੁਰੂ ਕਰਲੋ , ਜਿਹੜੇ ਇਹਨਾਂ ਦੇ ਵਿਰੋਧ ਚ ਥੋੜੇ ਸਿਆਣੇ ਬਣਕੇ ਆਏ ਉਹ ਕਹਿੰਦੇ ਅਰਥ ਪੜ੍ਹਲੋ ਪਰ ਕਹਾਣੀ ਸਾਰੀ ਦੀ ਸਾਰੀ ਉੱਥੇ ਹੀ ਖੜ੍ਹੀ ਹੈ।

💠 ਸਭ ਤੋਂ ਪਹਿਲਾਂ ਇਹ ਸਮਝੀਏ ਕੇ ਗੁਰੂ ਪਾਤਿਸ਼ਾਹ ਜੀ ਜਿਸ ਰਾਹ ਤੇ ਸਾਨੂੰ ਤੋਰਦੇ ਹਨ ਉਹ ਹੈ ਅਕਲ ,ਸਮਝ ਲੈ ਕੇ ਆਪਣੇ ਸੁਭਾਅ ਨੂੰ ਸੋਹਣਾ ਬਣਾਈਏ । ਪ੍ਰੈਕਟੀਕਲ ਜੀਵਨ ਵਿੱਚ ਸੁਹੱਪਣ ਲੈ ਕੇ ਆਈਏ । ਗੁਰਬਾਣੀ ਸੋਹਣੇ ਜੀਵਨ , ਸੋਹਣੇ ਸਮਾਜ ਦੀ ਘਾੜਤ ਘੜਦੀ ਹੈ । ਪਰ ਇਹ ਹੁੰਦਾ ਇਸ ਕਰਕੇ ਨਹੀਂ ਕਿਉਂਕਿ ਅਸੀਂ ਕਿਸੇ ਹੋਰ ਹੀ ਨਜ਼ਰੀਏ ਨਾਲ ਗੁਰਬਾਣੀ ਦਾ ਪਾਠ ਪਠਨ ਕਰਨ ਲੱਗ ਗਏ ਹਾਂ ।

✍ ਪ੍ਰਭ ਕੌਰ

9 - 0