Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
مساء الخير لكل متابعي القناة ♥️ ♥️
اثناء الصحوة، بنعاني من الإحساس بالقلق والخوف وأحيانا الأرق، وده يعتبر شئ شائع أثناء الصحوة لان فية عوامل بتسبب الإحساس دة، ومعرفتك لسبب الإحساس بالقلق هيساعدك ان يكون عندك منظور أوسع للأمور، ومع الفهم نفسك هتهدئ.
هنتكلم في الفيديو الأسبوعي عن العوامل المسببة لاضطراب القلق والاحساس بالخوف، بجانب نصائح هتساعدك علي التعامل معه.
وهشارك معاكم تقنية للتنفس مفيدة جدا لتنظيم كيمياء الجسم، وللتعامل مع القلق والاجهاد والأرق.
مع شرح للسمات الرئيسية للصحوة الروحية واللي هتعرفك ما اذا كنت بتمر بالصحوة الروحية أم لا .
وللتعمق أكتر في خصائص الصحوة الروحية ومراحلها، ده لينك بقائمة كاملة فيها كل ما يخص الصحوة الروحية.
الصحوة الروحية و صحوة الكوندالينى: www.youtube.com/playlist?list...
دمتم بخير ووفرة وصحة ♥️ ♥️
124 - 30
حصل معاك مرة انك تكون تفكر بفكرة ما ، وتلاقي ان فية حد بيتكلم نفس الفكرة سواء علي الميديا أو اشخاص بتتفاعل معاهم ، مع انها ممكن تكون فكرة مش اعتيادية!!!!!!
هو دة التفسير القانون الأول لقوانين الكون السبعة في الهرمسية، وهي ان الكون عقلي ،، وكل افكارنا بتخلق الواقع بتاعنا .
فأنت لما بتفكر فكرة إيجابية بتخلق Thought form، وكل ما الفكرة اخدت عزم طاقي اكبر كل ما اتخلقت علي ارض الواقع ، والعزم الطاقي بيحصل لما عدد اكبر يفكر نفس الفكرة.
وهو ده تفسير انتشار ال Trend ،أو انتشار فكر أو معتقد ، أو انتشار موضة في عالم الازياء ، ودة كمان بيفسر قوة الإعلام في التاثير علي الوعي الجماعي.
وعلي الجانب الآخر، دة بيفسر دورك كعامل نور ، مش شرط انك تنشر أفكارك علي الميديا .ولكن قوتك في خلق افكار ايجابية والتخلص من الأفكار والمعتقدات القديمة اللي معدتش بتخدمنا ، دة بيخلق فكر جديد Thought Form ، فتخيل لو عمال النور علي الأرض اللي عددهم ملايين قدروا يغيروا الأفكار والمعتقدات السلبية اللي عندهم ، تخيل العزم الطاقي اللي ممكن يحققوه!!!!
التغيير بالفعل بدأ، الموجة السابقة من النفوس الواعية بنت الممر للعبور للبعد الخامس، وجه دورنا اننا نكمل المهمة .
هي دي مدي قوتك اللي تم استغلالها ضدك ،فكل فكرة هتفكر فيها ياما هتساعد علي زيادة السلبية ياما هتدفعنا للامام للارض الجديدة لو كانت فكرة إيجابية .
فابتعد عن أي اخبار تثير الخوف والقلق، مارس التأمل بانتظام ، واتصل بالطبيعة، كن في حالة من السلام والهدوء قدر الامكان ، وابتعد عن ضوضاء الاخبار السلبية لاننا في نقطة محورية في تاريخ الأرض 🌎
مهمتك الأساسية، انك تكون الخيميائي، اللي بيحول اي فكرة أو معتقد سلبي الي فكرة جاية من الحب و النور.
📍شرح للقوانين الكونية السبعة من كتاب
The Kybalion
https://youtu.be/W0OX_08pOXw
محبة ونور وسلام لأروحكم الطيبة ♥️♥️
124 - 19
الصحوة الروحية كانت بمثابة مفتاح التشغيل لرحلة الصعود للبعدالخامس، والبدا في تنشيط الجسم الضوئي(النوراني )، واللي كل ما بنتقدم في مراحلها بنلاقيها غريبة ومثيرة للاهتمام .
وفي الحلقة الأسبوعية غدا هنتكلم عن المراحل المتقدمة من تنشيط الجسم الضوئي، بعد ما اتكلمنا عن المراحل الثالثة الأولي في الفيديو السابق، واللي انصح بمشاهدته علشان تكتمل الصورة وتقدر تستوعب بقية المراحل اللي هيتم مناقشتها في الحلقة الجديدة غدا.
https://youtu.be/vc9r-fYBZTo
هكون سعيدة بمشاركة تجربتكم ومدي تطابق المراحل دي بتجربتكم الشخصية ، فالمعلومات المذكورة هي عبارة عن تنزيلات من كائنات من أبعاد عليا ، وانت وحدك من سيقرر ما اذا كانت هذة المعلومات تتوافق مع تجربتك الشخصية ام لا.
محبة وسلام لأروحكم،
ودمتم بخير ووفرة وصحة ❤️❤️
127 - 6
مساء الخير لكل متابعي القناة ♥️ ♥️
الحلقة الأسبوعية غدا ، هتكون عن رحلة تحول أجسامنا المادية الي جسم ضوئي(نوراني) وتحول حمضنا الننوي من اساس كربوني إلى كريستالين.
فلما الشخص بيتعرض للصحوة الروحية ،دة بيمثل مفتاح التشغيل لعملية الصعود والتطور في الوعي الي البعد الخامس، ولكن هذة العملية تتطلب المرور بعملية الشفاء للتخلص من الطاقات الكثيفة علي مستوي الخلوي، وتحولها الي هيكل ذو اهتزاز أعلي، وتحويل جسدنا المادي الي الجسم الضوئي البلوري.
هنتعرف في الفيديو عن القصة من أولها، وليه لازم نمر بعملية التحول دي ، وازاي بيتم تنشيط الجسم الضوئي، وازاي تعرف انك مستعد لعملية التحول دي ،والمراحل ١٢ لتنشيط جسمك الضوئي.
ودة لينك لفيديو عن الأعراض الجسدية والغير جسدية التي هتشعر بها أثناء رحلة الصعود للبعد الخامس
https://youtu.be/LZotFanEQuI
دمتم بخير ووفرة وصحة ♥️ ♥️ ♥️
137 - 16
مساء الخير لكل متابعي القناة ♥️ ♥️
الحلقة الاسبوع دة هتكون عن الطاقة الذكورية اللي موجودة بداخلنا كنا رجال ونساء، والطاقة دي مجروحة ومحتاجة للشفاء بسبب اللي مرينا بيه علي مر الأجيال.
فكتير من المشاكل الموجودة في حياتنا حاليا بتكون بسبب الطاقة الذكورية الغير متشافية بداخلنا ، واحنا مش مدركين لدة، فأنت لو عندك الطاقة الذكورية غير متشافية فدة ممكن يبوظ حياتك ويبعدك عن مسار روحك.
علشان كدة في الحلقة هناقش جروح الطاقة الذكورية، ولية لازم نقوم بشفاءها علي المستوي الشخصي والجماعي، وهشارك معاكم بعض النصائح اللي هتساعد علي شفاءها.
فمن اهم أهدافنا ، هو تحقيق التوازن بين طاقتي الذكورة و الأنوثة، لان من غير تحقيق التوازن دة ، لا يمكن الوصول للتنوير .
📍اما بالنسب لطاقة الأنوثة وخصائصها وازاي نقوم بتنشيطها، فاتكلمت عنها بالتفصيل قي الفيديو دة
https://youtu.be/ChcJWbWf4UY
دمتم بخير ووفرة وصحة ♥️ ♥️ ♥️
81 - 17
فجاة بقينا بنسمع عن ظهور أجسام غريبة و أجسام بلازمية في اماكن كتيرة حول العالم،، والناس يتصور الأجسام دي وبتنشرها علي الميديا (،مع العلم ان الجسم البلازمي بيكون عبارة عن كيان له وعي متطور)،،،،، ودة تزامن مع اعلان الكونجرس عن وجود كائنات عايشة معانا علي الأرض وانها مش كائنات من الفضاء الخارجي ولكنها من ابعاد اخري 👽👾
ولان اغلبنا مرينا بالصحوة الروحية من فترة غير قصيرة ، فاحنا بالفعل عارفين الكلام ده انه حقيقي بس مكنش عندنا إثبات غير تجربتنا الشخصية، ففي منا اللي اتواصل مع الكائنات المتطورة دي بالفعل ،وفيه اللي بيعمل رحلات عن طريق الإسقاط النجمي وشاف الواقع وعرف انه وعي بيعيش تجربة انسانية، وفية اللي في بداية صحوته وفي طريقه لاكتشاف دة وعنده معرفة بالطاقة والأبعاد .
اللي بيحصل حاليا علي مستوي الوعي الجماعي بيدل ان التحول حصل بالفعل، والتغيير دة بيحصل بسبب ارتفاع وعينا، فعدد قليل من الاواح الواعية كفيلة انها تساعد بقية الارواح للصعود، وبالتالي بيكون الوعي الجماعي مستعد للتواصل مع الكائنات من الأبعاد الاخري.
ولكن يجب الحذر من اننا نمشي وراء القصص المغلوطة، واللي بيكون فيها عامل التخويف ونشر السلبية لجرنا لخطوط زمنية احنا مش عايزنها وده عن طريق سحب انتبهنا وطاقتنا للقصص دي .
فأنت كإنسان واعي يجب ان تكون حريص علي طاقتك، لأنها أثمن شيء في الوجود.
واكتر شئ بيساعد علي الحفاظ علي طاقتك انك يكون عندك القدرة علي التمييز بين ما يستحق أن تضع فيه طاقتك وما لايستحق، وانك يكون عندك السيادة والقوة بأنك تستمد معرفتك دايما من معرفتك الداخلية مش من الخارج .
فعلي سبيل المثال الممارسات الروحية ذي التأمل العميق والاسقاط النجمي كفيلة انها تعرفك الحقيقة ، ولكن اغلب الناس اللي بيمنعها الخوف أو الاعتقاد بأنه شئ صعب تحقيقه ، ولكن الموضوع بيحتاج الي الممارسة فقط..
وشاركت تقنية فعالة جدا هتساعدك علي القيام بالإسقاط النجمي في الفيديو دة
https://youtu.be/paoFHwEOrcg
وكل ما كنا اكثر وعيا كل ما ساعدنا نفسنا واللي حوالينا في التطور ، وكل ما هنقدر نوصل لاعلي خط زمني ، حيث السلام والحب اللامشروط .
محبة وسلام لأروحكم الطيبة ♥️♥️
98 - 13
مساء الخير لكل متابعي القناة ♥️ ♥️
الحلقة الاسبوعية غذا هتكون عن قوة التنفس في تغيير حياتك بالكامل.
هشارك معاكم في الفيديو تقنية للتنفس لتوجيه طاقتك و لمغنطة عمودك الفقري ، وخلق مجال طاقي حواليك يجذب الظروف والأحداث في الواقع اللي انت عايزه يتحقق .
فالتنفس هو المفتاح السحري وأداه خيميائية، واللي بيقدر يستخدموا بشكل واعي وصحيح بيقدر يتحكم في الجسم والعقل ، وساعتها بيقدر يتحكم في الواقع.
ومن واقع تجربتي الشخصية وممارستي للتنفس العميق لسنوات عديدة ، بانصح بالتركيز علي ممارسة تقنيات التنفس العميق بشكل منتظم ومستمر، لأنه مش بس هيحسن حالتك الصحية وحالتك المزاجية والتركيز ،ولكن هيعمل علي توازن نظامك الطاقي وهيرفع وعيك الي حالات أعلي من الوعي.
دمتم بخير ووفرة وصحة ♥️ ♥️ ♥️
118 - 11
مساء الخير لكل متابعي القناة ♥️ ♥️
الفيديو الاسبوعي غدا هيكون عن الإسقاط النجمي، فالإسقاط النجمي مش شئ صعب متقدرش تقوم به ، ولكنه عملية علمية حقيقية، وملايين الناس بيقدروا يقوموا به في جميع أنحاء العالم 🌎
فهنتكلم في الفيديو عن اية هو الإسقاط النجمي، وهيتم الرد علي المخاوف اللي بتحيط به ، هشارك معاكم أسهل وأفضل طريقة فعالة علشان تقدر تقوم بالإسقاط النجمي.
وعلشان تقدر تتابع الفيديو، من المهم انك تكون فاهم معني ان الانسان كائن متعدد الأبعاد ودة شرحته في فيديوهين تقدر تشوفهم الأول علشان تعرف خصائص نظامك الطاقي، وذاتك الكمية .
📍فيديو أسرار نظامك الطاقي
https://youtu.be/Wtu1uJ_cvt4
📍فيديو فهم لحقيقة ان الانسان كائن متعدد الأبعاد
https://youtu.be/YVvniJQiSHw
الإسقاط النجمي أداة قوية في مسيرتنا نحو التطور الروحي، من خلال استكشاف العوالم الاخري، و بيقدم لينا فهم أوسع للكون ولطبيعتنا الروحية.
دمتم بخير ووفرة وصحة ♥️ ♥️
84 - 10
مساء الخير لكل متابعي القناة ♥️ ♥️
بدعوكم لمشاهدة الفيديو الاسبوعي غدا في ميعادنا المعتاد ،واللي بعتبره فيديو مهم جدا 🌟💫
فمن أخطر الأشياء اللي كنا مش مدركينها قبل صحوتنا ،اننا بنمتلك قدرة كبيرة في تغيير مصيرنا سواء علي المستوي الفردي أو الجماعي !!! وكان الاعتقاد السائد ان القدر حتمي ، وأننا لا نملك القدرة علي التغيير ، وفي المقابل تم استخدام طاقتنا لخلق خطوط زمنية تخدم مصالح اشخاص أخرين.
هنناقش في الفيديو شرح للخطوط الزمنية والقواعد الطاقية اللي بتحكمها، وازاي نقدر نغير الخط الزمني الحالي لخط زمني بيجسد رغبتنا العليا، سواء علي المستوي الشخصي أو علي مستوي الوعي الجماعي.
فالفيديو هيكون وسيلة لمساعدتك علي انك تبدأ تدرك مدي قوتك وانك تبدا تمسك بزمام الأمور وتستعيد قوتك وسيادتك اللي تم سلبها .
دمتم بخير ووفرة وصحة ♥️ ♥️
137 - 17
مساء الخير لكل متابعي القناة ♥️ ♥️
الفيديو الاسبوعي غدا هيكون عن الجنس المقدس في تعاليم التاننترا ، واللي هنتكلم فيه عن ماهو الجنس المقدس، واية الفرق بين ممارسة الجنس المقدس والممارسة الجنسية التقليدية.
وهشارك معاكم بعض النصائح لكيفية البدء في ممارسة الجنس المقدس .
والفيديو دة يعتبر استكمالا للفيديو اللي اتكلمنا فية عن الطاقة الجنسية وعلاقتها بالتطور الروحي.
https://youtu.be/dkJcHHkgDik
دمتم بخير ووفرة وصحة ♥️ ♥️
107 - 4
القناة هدفها محاولة فهم وشرح العلوم الروحية، مع العلم بأن العقل البشري و أستعداده عاجزين تماما عن ادراك السر الأعظم لهذا الكون ..
و العلم البشري الذي يمكن أن يقدم تفسيرا لكل شيء سوف يبقى صامتا للأبد اذا كان الأمر يتعلق بأسرار الكون و العلوم الإلهية ..