Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
https://youtu.be/pBGG0g1H5Pk?si=HghU8... 👈👈යුක්‍රේනයට එල්ල වූ මිසයිල ප්‍රහාරයකින් සිවිල් වැසියන් 17 දෙනෙකු මරුට /රුසියාවේ හමුදා මූලස්ථානය ඉලක්ක කර යුක්‍රේන ඩ්‍රෝන ප්‍රහාරයක් /මොස්කව් ගුවන් ආරක්ෂාව භාර ප්‍රධානී අත් අඩංගුවට /යුක්‍රේනයට තවත් ඩොලර් බිලියනයක යුද්ධ ආධාරයක්
2 - 0
https://youtu.be/PQ409eEUWuo?si=a8CIw...
දේශගුණික විපර්යාස හේතුවෙන් මීලග වසර සියය ඇතුලත මිනිසුන් බිලියනයක් පමණ මිය යන බවට විද්‍යාඥයින් අනතුරු අඟවා තිබේ ..
දේශගුණික විපර්යාසවලදී සිදුවන මිනිස් මරණ අනුපාතය පිළිබඳව සදහන් ලිපි 180 ක මෑත කාලීන සමාලෝචනයන් ගැඹුරින් අධ්‍යනය කිරීමෙන් මෙම සංඛ්යාත්මක නිගමනයට එලබුනු බවයි සදහන් වී ඇත්තේ ..ඊළඟ ශතවර්ෂයේ හෝ ඊට ආසන්න කාලය තුලදී මෙම ඇස්තමේන්තුගත යෝජනාවට අනුව දේශගුණික ව්‍යසනයන්ගෙන් බිලියනයක ජනතාවක් මිය යා හැකි බවට පුරෝකතනය කර තිබේ ..
මෙම උපකල්පනය සදහා ප්‍රධාන වශයෙන් ටොන් 1000 රීතිය බලපා ඇති බවයි විද්‍යාඥයන් ප්‍රකාශ කර ඇත්තේ .. මෙම රීතිය සෑම කාබන් ටොන් දහසක්ම අනාගත පුද්ගලයෙකු මරණයට පත් කරනු ඇත යන උපකල්පනය මත පදනම් වන බවයි පැවසෙන්නේ ..
ඉදිරි දශකවලදී සාමාන්‍ය ගෝලීය උෂ්ණත්වය පූර්ව කාර්මික යුගයට වඩා 2 ° C කරා ලගාවනු ඇතැයි අපේක්ෂා කෙරේ ..එසේ වුවහොත් වැඩිවන සෑම සෙල්සියස් අංශක එකක් පාසාම ලෝකය දළ වශයෙන් මිලියන 100 ක් මරණවලට ගොදුරු වනු ඇතැයි පුරෝකතනය කර තිබේ ..
මේ වනවිටත් දේශගුණික විපර්යාස පදනම් කරගත් පාරිසරික සාධක හේතුවෙන් සෑම වසරකම මිලියන 13 ක් පමණ මිනිසුන්ගේ ජීවිත විනාශ වන බව එක්සත් ජාතීන්ගේ වාර්තා තහවුරු කරයි..
සමහර විශේෂඥයන් වාර්තා කර ඇති ආකාරයට ඇති වන අසාමාන්‍ය උෂ්ණත්වයන් හේතුවෙන් දැනටමත් වසරකට මිලියන පහක් පමණ ජීවිත අහිමි වීම් සිදු වේ..
දේශගුණික විපර්යාසවල ගෝලීය බලපෑම් හේතුවෙන් බෝග අස්වැන්න අසාර්ථක වීම, නියඟය, ගංවතුර, අසාමාන්‍ය කාලගුණය, ලැව්ගිනි සහ මුහුද ඉහළ යාම යන සියල්ලෙන්ම මිනිස් ජීවිතවලට බලපෑම් කළ හැකි බවයි පැවසෙන්නේ ..
දරුවන්ට සහ අනාගත පරම්පරාවන්ට වන හානිය පුරෝකතනය කිරීම සදහා Pierce සහ Parncutt විසින් ඕස්ට්‍රේලියාවේ Adani Carmichael ගල් අඟුරු ආකරය පදනම් කරගනිමින් ටොන් 1000 රීතිය යොදා තිබේ.. එය දැනට ලොව විශාලතම ගල් අඟුරු ආකරය බවයි වාර්තා වන්නේ ..
මෙම ගල් අඟුරු ආකරයේ මුළු ගල් අගුරු සංචිතයම පුළුස්සා දැමුවහොත් එය අනාගත මිනිසුන් මිලියන 3 කගේ අකල් මරණවලට හේතු විය හැකි බවයි පැවසෙන්නේ ..
මෙම මිය යන බොහෝ පිරිසක් දැනටමත් ගෝලීය දකුණු අර්ධගෝලයේ කුඩා දරුවන් ලෙස ජීවත් වන බවයි වැඩිදුරටත් වාර්තා කර ඇත්තේ ..
0 - 0
https://youtu.be/lGBvnAJP554?si=jFFxE...
ලෝකයේ ප්‍රථම වරට ඕස්ට්‍රේලියානු කාන්තාවගේ මොළයෙන් සජීවී පණුවෙක් හමුවී ඇති බවයි සදහන් වන්නේ ..
කැන්බරා රෝහලේ බෝවන රෝග විශේෂඥ වෛද්‍ය සංජය සේනානායකගේ වාට්ටුව තුල දී ශල්‍යකර්මයක් අතරතුර මේ සොයාගැනීම සිදු කර ඇති අතර සෙන්ටිමීටර 8 ක් දිග පරපෝෂිත වටපනුවෙකු මෙහිදී ඉවතට ගත් බවයි පැවසෙන්නේ ..
ගිනිකොනදිග නිව් සවුත් වේල්ස් හි 64 හැවිරිදි කාන්තාවක් සති තුනක පමණ කාලයක සිට උදර වේදනාව සහ පාචනය, නිරන්තර වියළි කැස්ස, උණ සහ රාත්‍රී දහඩියකින් පෙළීම ආදී රෝගී තත්ත්වය න් හේතුවෙන් 2021 දී රෝහල් ගත වී තිබේ ..
2022 වන විට ඇගේ රෝග ලක්ෂණ අමතක වීම සහ මානසික අවපීඩනය දක්වා වර්ධනය වී ඇති අතර කැන්බරා රෝහල වෙත යොමු කිරීමෙන් පසු සිදුක මොළයේ MRI ස්කෑන් පරීක්ෂණයකින් ශල්‍යකර්මයක් කිරීමට අවශ්‍ය වන ආකාරයේ අසමානතා අනාවරණය වූ බවයි පැවසෙන්නේ ..
ඒ අනුව සිදුකළ සැත්කම මගින් මෙම සජීවී පරපෝෂිතයා සොයාගෙන ඇති අතර එම සත්වයා හඳුනාගැනීම සදහා රසායනාගාර සහය ලබාගත් බවයි සදහන් වන්නේ ..එහිදී මෙම වටපනු විශේෂය ඔෆිඩස්කාරිස් රොබට්සි නම් පිබුරන් තුල දකින්නට ලැබෙන පරපෝෂිතයෙකු බවයි හදුනාගෙන ඇත්තේ ..
රෝගී කාන්තාව පිබුරන් ගැවසෙන වැවක් අසල වාසය කරන බවත් වැව් ඉවුරේ විවෘත තත්ත්වයන් තුල ආහාර පිසීම සහ පලාවර්ග නෙලීම ඇය විසින් සිදු කරන බවත් හදුනාගෙන තිබේ ..ඒ අනුව පිබුරන්ගේ මලපහ සමග පිටවූ පරපෝෂිතයා පලාවර්ග වල පැවතීමත් ඒ පලා ආහාරයට ගැනීමත් යන සාධක මත මෙම පරපෝෂිත ආසාදනය ට ගොදුරු වන්නට ඇති බවයි විශ්වාස කරන්නේ .. මේ වනවිට රෝගියා හොදින් සුවය ලබමින් සිටින බවත් පෙර වර්ෂවල පැවති ප්රතිශක්තිකරණ දුර්වලතාවලට මෙම පරපෝෂිත ආසාදනය හේතු වූයේදැයි යන්න පිලිබදව පරීක්ෂණ පවත්වන බවත් වෛද්‍ය සේනාංකය වැඩිදුරටත් පැවසූ බවයි වාර්තා වන්නේ ..
1 - 0
https://youtu.be/eIEanqvPwhs?si=AvdmB...
ඇමරිකාවේ ප්ලොරීඩාහී මාංශභක්ෂක බැක්ටීරියා ව්‍යාප්තියක්
දුර්ලභ මාංශභක්ෂක බැක්ටීරියාවක් එක්සත් ජනපදයේ නැගෙනහිර වෙරළ තීරයේදී පුද්ගලයින් අට දෙනෙකු මරා දමා ඇති බවයි වාර්තා වන්නේ ..මේ හේතුවෙන් මුහුදේ පිහිනීම සහ බෙල්ලන් අනුභව කිරීම සම්බන්ධයෙන් බලධාරීන් දැනටමත් අනතුරු අඟවා ඇති බවයි වාර්තා වන්නේ ..
විබ්‍රිඕ විවුල්නිෆිකස් ලෙස හැඳින්වෙන මෙම මාංශභක්ෂක බැක්ටීරියාව නිසා මරණ පහක් ෆ්ලොරිඩාවේන් වාර්තා වී ඇති අතර අනෙක් මරණ තුන ලෝන්ග් අයිලන්ඩ් , නිව්යෝර්ක් සහ කනෙක්ටිකට් හීදී වාර්තා වී ඇති බව සදහන් වේ..
විවෘත තුවාල ඇති පුද්ගලයින්ට ආසාදනය වීම් වළක්වා ගැනීම සඳහා ජලයෙන් බැහැරව සිටින ලෙස සෞඛ්‍ය නිලධාරීන් අනතුරු අඟවා තිබේ ..
කනෙක්ටිකට් හි මියගිය පුද්ගලයින් දෙදෙනා ලෝන්ග් අයිලන්ඩ් හී පිහිනීමට ගිය අය බවත් අනෙක් තැනැත්තා බෙල්ලන් අනුභව කල අයෙකු බවත් මේ වනවිට හදුනාගෙන තිබේ ..
මෙම විබ්‍රිඕ බැක්ටීරියාව දුර්ලභ වන අතර එය මෙම වෙරලබද ප්‍රදේශය කරා පැමිණ ඇති බවයි නිව් යෝර්ක් ආණ්ඩුකාර කැතී හෝචූල් ප්‍රකාශ කර සිටියේ ..
ප්ලොරීඩාහී මරණ 5 ප්‍රාන්තයේ ගිනිකොනදිග ටැම්පා බොක්ක ප්‍රදේශයෙන් වාර්තා වී ඇති බවයි පැවසෙන්නේ ..
ජනවාරි සිට මේ දක්වා ප්‍රාන්තය තුලින් vibrio vulnificus ආසාදන 26 ක් වාර්තා වී ඇති අතර පසුගිය වසරේද ෆ්ලොරිඩාවෙන් රෝගීන් 74 ක් සහ මරණ 17 ක් වාර්තා වී තිබූ බවයි වාර්තා කර ඇත්තේ ..
2022 දී මරණ සංඛ්‍යාව ඉහළ යාමට ඉයන් සුලිකුනාටුවේ බලපෑම් හේතු වූ බව විශ්වාස කරන අතර 1998 සිට මේ දක්වා වූ කාලය තුල රෝගී අනුපාත 8 ගුණයකින් ඉහළ යෑමට හේතුව දේශගුණික විපර්යාසවල ප්‍රතිඵල බවයි විශ්වාස කරන්නේ ..
Nature Portfolio සඟරාව ප්‍රකාශයට පත් කල පර්යේෂණයකින් හෙළි වී ඇත්තේ බැක්ටීරියාව නැගෙනහිර වෙරළ තීරයේ උතුරු දෙසට වසරකට සැතපුම් 30 ක පමණ වේගයකින් පැතිර යන බවයි.
අඩුවෙන් පිසින ලද බෙල්ලන් ආහාරයට ගැනීමෙන් ආසාදනය වූවන්ගේ රෝග ලක්ෂණ ලෙස උණ, දැවිල්ල සහ වමනය ඇතුළු ආමාශගත රෝග ලක්ෂණ ඇති කරන බවයි පැවසෙන්නේ ..
මෙය මිනිසුන් පස් දෙනෙකුගෙන් එක් අයෙකු මරණයට පත් කරන තරම් මාරාන්තික වේගයකින් පැතිරෙන බැක්ටීරියා ආසාදනයක් බවත් ආසාදනය වූවන්ට ප්‍රතිකාර ලෙස අත් පා කපා ඉවත් කිරීමට පවා සිදුවන බවත් සදහන් වී තිබේ .. මෙහිදී දුර්වල ප්රතිශක්තිකරණ පද්ධතියක් ඇති සහ තුවාල සහිත පුද්ගලයින් වඩාත් අවදානමට ලක්වන අය ලෙස හදුනාගෙන ඇති අතර ඔවුන් විවෘත ජලයේ ස්නානයෙන් වැලකී සිටීම වඩා ආරක්ෂිත බව ප්‍රකාශ කර තිබේ ..
2 - 0
ඉරානයේ බලවත්ම ඩ්‍රෝන යානය වන mohajer-10 එලිදක්වයි ..මෙහෙයුම් පරාසය කිලෝමීටර් 2000ක්, ගුවන් කාලය පැය 24ක්, රැගෙන යා හැකි බර කිලෝ 300ක්
2 - 0
ඇන්ටාක්ටිකාවේ ගූගල් සිතියමක් මත ද්වාරයක් දර්ශනය වීමෙන් පසු තමන් රහසිගත නාසි බංකරයක් සොයා ගන්නට ඇතැයි සැකකරන බව ගූගල් පරිශීලකයෙකු විසින් ප්‍රකාශ කර තිබේ..
දෙවන ලෝක සංග්‍රාමයේ අවසානයේදී හිට්ලර් දිවි ගලවා ගත් බව සමහරක් විශ්වාස කරන අතර ඇන්ටාක්ටිකාවේ පාළු අයිස් කතරෙහි වූ නාසි බංකරයක් ඔහුගේ අවසාන නවාතැන වූ බවයි කියවෙන්නේ ..
ඉහතින් ගත් ජායාරූපයේ ඇන්ටාක්ටික් අයිස් තට්ටුවක සැඟවී ඇති විශාල සතරැස් දොරක හැඩැති සලකුණක් දර්ශනය වන අතර එය යතෝක්ත කටකතා වලට තුඩු දුන් නාසි කඳවුරු ද්වාරයක් වියහැකි බවයි සදහන් වී ඇත්තේ ..
ජර්මනිය 1938 දී හිට්ලර්ගේ පාලන සමය තුල ඇන්ටාක්ටිකාව වෙත ගවේෂණයක් පැවැත්වීය.. ඔවුන්ගේම තල්මස් තෙල් ලබා ගැනීමේ උත්සාහයක් ලෙස මූලිකව හැදින්වූ මෙම ගවේෂණ න්‍යාය පිටත ලෝකය තුලදී නාසි කදවුර ගොඩනැගීම සහ නාසි ව්‍යාප්තවාදය පිලිබදව සැකය වර්ධනය කිරීමට හේතු විය ..
එහෙත් මෙම සැකයට සහාය දක්වන කිසිදු සාක්ෂියක් නොමැති අතර, යුද්ධය අතරතුර හෝ ඊට ටික කලකට පසු ප්‍රදේශයේ තවදුරටත් ජර්මානු ක්‍රියාකාරකම් පිළිබඳ කිසිදු සාක්ෂියක්ද හමුවී නොමැත.
නමුත් 1945 දී ජර්මනිය යටත් වීමෙන් පසු ආර්ජන්ටිනාව ආශ්‍රිතව ජර්මානු U බෝට්ටු දර්ශනය වීම මගින් ඇඩොල්ෆ් හිට්ලර් යුද්ධයෙන් බේරී පලා ගිය බවට කටකතා වර්ධනය වීමට හේතු විය
ඒ සමගම සැඟවුණු නාසි කඳවුරක් පිළිබඳ වල් වැදුණු කටකතා වසර ගණනාවක් පුරා පැවතුණි .. බොහෝ අන්තර්ජාල පරිශීලකයින් විශ්වාස කරන්නේ නාසීන් යුද්ධයෙන් පසු ඇන්ටාක්ටිකාවේ සැඟවුණු කඳවුරක දිවි ගලවා ගත් බවයි .. ඇන්ටාක්ටිකාවට ආජන්ටිනාව සමීපව පිහිටා තිබීමත් යුද්ධය අවසාන වකවානුව තුල කිසිදු පැහැදිලි හේතුවකින් තොරව ජර්මානු සබ්මැරීන් එහි ක්‍රියාත්මක වීමත් මේ සැකය වර්ධනය කිරීමට හේතු වූ බව පැහැදිලිය..
මේ අතර මෙම හදුනාගත් ද්වාරය පිලිබදව සමාජ මාධ්‍ය තුල අදහස් දැක්වූවන් හිම මිනිසුන් ,සක්වල ජීවීන් ,පුරාණ යුගයේ ශිෂ්ටාචාර ආදියට අළලව සැක මතුකල අවස්ථා පිලිබදව ද වාර්තා කර තිබේ ..
2 - 0
https://youtu.be/vwV3kIrAn04
රුසියානු චන්ද්‍ර මෙහෙයුම අසාර්ථක වෙයි .යානය කඩා වැටේ.
රුසියානු චන්ද්‍ර අභ්‍යවකාශ යානය වන ලූනා විසිපහ යානය සඳ මතුපිටට කඩා වැටුන බව රුසියානු රොස්කොස්මොස් ආයතනය තහවුරු කල බවයි වාර්තා වන්නේ ..
චන්ද්‍ර යානය අවසාන මොහොතේදී ප්‍රචාලන උපමාරු වලට ප්‍රතිචාර නොදැක්වූ බවයි සදහන් වන්නේ .. ගණනය කල ක්‍රියාවලියට පරිභාහිරව සිදු වූ දෝෂයක් හේතුවෙන් අභ්‍යාවකාශ යානය අපේක්ෂිත කක්ෂයෙන් මිදී චන්ද්‍රයා වෙත ලගා වූ බවත් ඉන් අනතුරුව එය චන්ද්‍ර පෘෂ්ඨය වෙතට ඇද වැටුනු බවත් සදහන් කර තිබේ..
සෙනසුරාදා රුසියානු අභ්‍යාවකාශ ඒජන්සිය වන රොස්කොස්මොස් මාධ්‍ය නිවේදනයක් නිකුත් කරමින් කියා සිටියේ යානයේ සිදුකරන ලද උපමාරුවකදී හදිසි තත්වයක් පිලිබදව අනාවරණය වූ බවයි .. එය නැවතත් යතා තත්ත්වයට පත් කිරීමට විද්‍යාඥයන් උත්සාහ ගන්නා බවයි එහිදී ඔවුන් කියා සිටියේ ..
වසර 50 කට පසු රුසියාව සිදුකරන පළමු චන්ද්‍ර ලෑන්ඩර් මෙහෙයුම ලූනා විසිපහ වන අතර ලෝකයේ තවමත් අභ්‍යවකාශ තරගය තුල රුසියානු ආධිපත්‍යය තහවුරු කිරීම මෙහි අරමුණ වූ බවයි විචාරකයන් කියා සිටියේ .. මෙහෙයුම ඇරඹීමට පෙරම රොස්කොස්මොස් ආයතනය කියා සිටියේ මෙහෙයුම සාර්ථක වීමේ ප්‍රතිශතය 70% ක් පමණ වන බවයි .. ඒ අනුව අද යානය කඩා වැටීමත් සමග ලූනා 25 මෙහෙයුම අසාර්ථක වූ බවයි සදහන් කර ඇත්තේ ..
මේ අතර අගෝස්තු විසිතුන් වෙනි දින ඉන්දියාවේ චන්ද්‍රයාන් 3 යානය සද මත ගොඩබැසීමට නියමිත බවයි ජාත්‍යන්තර වාර්තා වැඩිදුරටත් කියා සිටියේ ..
2 - 0
https://youtu.be/QJovv-NI3Hw ස්වභාව ධර්මයේ පස්වන බලවේගය සොයාගැනීමේ අභියස තමං සිටින බව විද්‍යාඥයන් පිරිසක් විසින් ප්‍රකාශ කර තිබේ ..
උප පරමාණුක අංශුන්ගේ අනපේක්ෂිත කම්පන ස්වභාවයක් ග්‍රහණය කරගැනීමෙන් අනතුරුව භෞතික විද්‍යාඥයන් මෙම ස්වභාවධර්මයේ පස්වන බලවේගයක් පැවතිය හැකිය යන උද්වේගකර න්‍යායට එලබුනු බවයි අනාවරණය කර ඇත්තේ ..
වර්තමාන විද්‍යාත්මක සොයාගැනීම් අනුව ස්වභාවධර්මයේ මූලික බලවේග හතරක් පවතී.. ඉන් බලවේග තුනක් වන විද්යුත් චුම්භක බලය දැඩි බලය සහ දුබල බලය අංශු භෞතික විද්යාවේ සම්මත ආකෘතිය මගින් පැහැදිලි කිරීමේ හැකියාවක් ඇති බවයි සදහන් වන්නේ ..
මෙම ආකෘතියටම අයත් අනෙක් මූලික බලය වන ගුරුත්වාකර්ෂණය බලය අංශු භෞතික විද්‍යාව තුලින් පැහැදිලි කල නොහැකි වුවද ගණිතමය සමීකරණ අනුසාරයෙන් පැහැදිලිව හදුනාගත හැකි බවයි ප්‍රකාශ වන්නේ .. ඊටත් පරිභාහිරව ඇති අංශූන් ලෙස සැලකෙන විශ්වයෙන් 95%ක් අයත් වන ඩාර්ක් එනර්ජි සහ ඩාර්ක් මැටර් තවමත් කිසිදු භෞතික විද්‍යා මූලධර්මයක් හරහා පැහැදිලි කල නොහැකි බවයි ප්‍රකාශ වන්නේ .. එබැවින් ඒවා තවමත් ස්වභාව ධර්මයේ මූලික බලවේග යටතට ගොනු කිරීමක් සිදුකර නොමැත ..
එක්සත් ජනපද ෆර්මිලාබ් අංශු ත්වරකයේ සිදු කරන ලද අත්හදා බැලීම් වලින් මෙම අලුත් ශක්තිය පිලිබදව ඉගි ලැබී ඇති බවයි වාර්තා වන්නේ..
ඉලෙක්ට්‍රෝන වලට සමාන නමුත් ඊට වඩා 200 ගුණයක් බරින් වැඩි මුඕන් ලෙස හැඳින්වෙන උප පරමාණුක අංශු චුම්බක ක්ෂේත්‍රයකදී චලනය වන ආකාරය මෙම අංශු ත්වරණය හරහා විද්‍යාඥයන් ගවේෂණය කර තිබේ ..
චුම්බක ක්ෂේත්‍රයේ අක්ෂය වටා භ්‍රමණය වීමේදී මෙම මුඕන කම්පනය වන බවත් එම කම්පන වාර ගණන ක්වොන්ටම් පරිගණකයක් හරහා පූර්වයෙන්ම පුරෝකථනය කළ හැකි බවත් සදහන් වේ ..
නමුත් ෆර්මිලැබ් හි අංශු ත්වරණයෙන් ලැබූ පර්යේෂණාත්මක ප්‍රතිඵල එම අනාවැකිවලට නොගැලපෙන බවයි පැවසෙන්නේ ..
මෙම ප්‍රතිඵල නැවත නැවතත් ෆර්මිලැබ් හරහා පර්‍යේෂනයට ලක් කලද ඒ සෑම අවස්ථාවකදීම මූලික පුරෝකතනයට නොගැලපෙන ප්‍රතිඵල පෙන්වූ බවයි පැවසෙන්නේ ..
මේ පිලිබදව අදහස් දැක්වූ විද්‍යාඥයන් කියා සිටියේ මුඕන් උප පරමාණු අංශූන් චුම්බක ක්ෂේත්‍රයක් සමඟ අන්තර්ක්‍රියා කරන ආකාරය නිසා කම්පනය වන බවයි .. ඒවා සම්මත ආකෘතියක් තුල කලින්ම ඉතා නිවැරදිව ගණනය කළ හැකි අතර එම ගණනය කිරීම් ක්වොන්ටම් ලූප තුලින් තහවුරු වේ,..මිනිසා දන්නා සහ හදුනාගෙන ඇති අංශුන් ඒ ලූපවල දිස් වන බවයි සදහන් කර ඇත්තේ ..
එහෙත් කිසියම් විදිහකින් ලබාගන්නා දත්තයන් කලින්ම පුරෝකථනය කල ගණනය කිරීම් සමඟ නොගැලපේ නම් එයින් අදහස් වන්නේ දැනට හදුනා නොගත් කිසියම් නොදන්නා අංශුවක් ලූප තුල අන්තර්ගත වන බවටයි.. උදාහරණයක් ලෙස ස්වභාදහමේ පස්වන බලයේ වාහකය එය විය හැකි බවයි විද්‍යාඥයන් කියා සිටියේ ..
මේ පිලිබදව තවදුරටත් පර්‍යේෂන කරමින් පවතින බවත් මෙම හදුනා නොගත් ශක්තිය උපකරණ තුලින් ග්‍රහණය කරගැනීම පර්‍යේෂකයන්ගේ බලාපොරොත්තුව බවත් සදහන් කර තිබේ..
1 - 0
අපගේ අරමුණ මිනිසුන් නිවැරැදි පුවත් තුලින් ප්‍රතිපූර්ණය කිරීමයි.. සත්ය පුවත් වාර්තාකරණය තුලින් බුද්ධිමත් මිනිසුන් නිර්මාණය වන බව අපගේ විශ්වාසයයි..එවන් මිනිසුන් නිර්මාණය කිරීම වෙනුවෙන් අපි වාර්තාකරණයේ නියැලෙන්නෙමු....