Channel Avatar

الدكتور أحمد أبو النصر @UCclQvsXKN1JUvsiQhtbUb3w@youtube.com

1.4M subscribers - no pronouns :c

الدكتور أحمد أبو النصر أول اخصائي معتمد من وزارة الصحه للعل

Videos Live Posts Playlists

Welcoem to posts!!

in the future - u will be able to do some more stuff here,,,!! like pat catgirl- i mean um yeah... for now u can only see others's posts :c

الدكتور أحمد أبو النصر
Posted 2 years ago

يااااا صباح الفل
وحشتوووووني جداً
كنت حاسس بـ غُربة من عير اليوتيوب
الحمدلله تم على خير حل مشكلة اليوتيوب

أستعدوا لفيديوهات جديدة مفيدة ومُثمرة جداً وبشكل جديد هيعجبكم ..
دمتم بصحة ♥️

1.2K - 162

الدكتور أحمد أبو النصر
Posted 3 years ago

داخلين على الشتا حضر كوب القرفة ومعاه ليمونة وعسل وتعالى أقولك على الفوايد صغار وكبار .
أكتر مرض بيمرض الأطفال الصغيرين عدوى الحلق واللوزتين بالميكروب السبحى بسبب التعرض للبرد المسبب للإلتهابات و ضعف مناعتهم اللى بتكون بحكم سنهم لسه مش متعلمة إزاى تتعامل مع العدوى زى مناعة الكبير .
الميكروب السبحى دا قصة مؤلمة الإصابة المزمنة بيه للأطفال مش بيعمل لوز وخلاص لا لا دا الموضوع بيطور عند البعض وبيقلب بحمى روماتزمية ومشاكل القلب والكلى والمفاصل دا غير بعض الأمراض العصبية زى نوبات الصرع أو الكهربا الزيادة زى مابنسميها وصعوبات التعلم .
العسل القرفة الزبادى الإخنسيا الحبة السودا القسط الليمون كل دى أغذية طبيعية وبعضها طعمها رائع زى العسل والقرفة مع الليمون الطفل ممكن يتقبلها يوميا تحميه ان شاء الله من الميكروب السبحى ومصايبه .
شير لغيرك و قوله العسل والقرفة والليمون والحبة السوداء مش بس بيحفظو صحة الصغار ضد الميكروب السبحى لا كمان الكبار ضد الكورونا طبقا لأخر دراسات .
دمتم بصحة ❤️
الدكتور أحمد أبو النصر

1.4K - 66

الدكتور أحمد أبو النصر
Posted 3 years ago

الحبة السوداء غرفة سوداء مغلقة على كنوز من المواد الفعالة . ياترى مين اللى ليه مصلحة الناس متعرفش فوايدها ودراستها ؟
الحبة السوداء أو الشونيز وصية سيدك النبى ليك فى التداوى العالم كله عمل عليها دراسات عشان يستفاد منها من أكثر النباتات مبيعا على أمازون وخاصة زيتها طيب ليه تعالو نشوف الدراسات بتقول أيه ؟
الحبة السوداء بتعالج ٢٣٤ مرض منشور عنها ٣٩٣ دراسة ليها ٩٣ فايدة للجسم .
١- ١٦ دراسة عن دور الحبة السوداء فى علاج السكر وطعا دا مع القرفة والحلبة واتباع نظام غذائى قوى زى الكيتو لو فيه موانع للكيتو أو منخفض النشويات .
٢- ٧ دراسات فى علاج السمنة .
٣- ٥ دراسات فى علاج جرثومة المعدة مع الزعتر والكسبرة والمستكة .
٤- ٩ دراسات فى علاج ارتفاع ضغط الدم مع الكركديه وورق الزيتون والمحافظة على الثوم وزيت الزيتون .
٥- ١٠ دراسات فى علاج الكورونا مع مقويات المناعة زى الزبادى والقرفة والبربوليس .
٦- ٣ دراسات فى علاج تطبل البطن ودى من الحاجات الصعبة اللى بيعانى منها بيحس بخنقة فى صدره بعد الاكل بيكره موعد الأكل بسبب الخنقة دى .
٧- ٣ دراسات فى علاج قصور الغدة الدرقية مع عنصر السلينيوم والريحان وتجنب السكر والقمح .
٨- ٤ دراسات فى علاج الروماتويد مع المحافظة على أكل زيت الزيتون والزيتون والتين طبقا للدراسات المنشورة فى إيران .
٩- ٤ دراسات فى علاج مشاكل الإدراك فى كبار السن والأطفال .
١٠- دراستين فى علاج حب الشباب .
شير لغيرك وقوله النبى بيقول في حديث صحيح رواه البخاري عن أبي هريرة رضي الله عنه: في الحبة السوداء شفاء من كل داء إلا السأم .
الجرعة نص ملعقة يوميا من مطحون الحبة السوداء لمدة ١٢ أسبوع هاه شايف الدراسات بتقولك تقيم أمتى بعد ١٢ أسبوع مش تاخدها النهاردة وبكره الصبح تقول مجبتش نتيجة .
دمتم بصحة ❤️
الدكتور أحمد أبو النصر

1.8K - 114

الدكتور أحمد أبو النصر
Posted 3 years ago

السلام عليكم ورحمة الله وبركاته الحمد لله انا بخير احب اطمن الناس اني بخير فوجئت ان في اشاعات تم نشرها وهذا ليس له اي دليل من الصحه فوجئت بكم هائل من الرسائل علي تليفوني الخاص تفيد بنشر كمية كبيره من الاخبار بان هناك شخص قد قام بنشر خبر كاذب عني واذا لاحظت بان هذا الخبر تم نشره علي الفيس بوك
الحمد لله انا بخير والدليل انا كنت معاكو فى بث مباشر امبارح وأول امبارح والنهاردة كمان ان شاء الله هعمل بث مباشر والحمد لله أنا اتعودت على الإشاعات طول مانا شغال بس حقيقى الناس اللى نشرت الإشاعة دى انا بشكرهم لسببين :-
السبب الأول :- منظرهم وحش أوى وهما طالعين كدابين قدام الناس
السبب التانى :- انا مكنتش اعرف انى في ناس بتحبني كده دى حقيقى بشكر كل الناس اللى كلمتنى
دمتم بخير ♥
الدكتور احمد ابو النصر

2K - 313

الدكتور أحمد أبو النصر
Posted 3 years ago

السلام عليكم ورحمة الله وبركاته صباحكم جميل
بقالى فترة ملاحظ إن فيه بعض الأخوه الأطباء قد يكونو منزعجين بعض الشئ من وجودى أو نجاحى أو شهرتى فى مجالى طب العلاج بالأعشاب القائم على الدليل العلمى .
أكيد أى حد مشهور شهرة كبيرة زيى بيتردد عليا عدد من المرضى ليس بالقليل من حقهم يعرفو هو أنا دارس أيه وبدرس أيه وأيه خطتى الحالية والمستقبلية وهل هما فى أيد أمينة ولا أنا راجل مدعى بدعى الطب والصيدلة .
مبدأيا كل اللى بيطلعو يشتمو فيا عارفين أنا مين كويس جدا وعارفين أنا دارس أيه كويس جدا ولكن أهوه بيحبو ساعات يروجو أشاعات غير حقيقة عنى ظنا منهم أن ده ممكن مثلا يبتزنى أو أفضى وقتى ليهم وأقعد أرد عليهم لا يافندم أنا أسف جدا أنا شخص مسئول عن ١٥٠٠ فرد بفضل ربنا شغالين فى مصانعنا داخل وخارج مصر لا أنا فاضيلك ولا عندى إستعداد أغامر بأكل عيش الناس دى .
سيادتك أنا خريج كلية الصيدلة جامعة المنصورة وكنت ملقب بين الزملاء بلقب بحر العلوم وكنت منفرد تماما وسط الخمس دفعات اللى كانو فى الكلية ويشهد لى أساتذنى بذلك بعبقرية متفردة فى علم العقاقير والنباتات الطبية وأول من حصل من خارج الجامعة رسميا على شهادة تسجيل أخصائى نباتات طبية رسمى وبطاقتى بالمناسبة فيها التخصص ده بعد حصولى على دراساتى العليا فى النباتات الطبية والتداوى بالأعشاب من جامعة المنصورة واستكمالا بجامعة القاهرة فكرك إنى سكت على كده أبدا والله أول والوحيد والمتفرد من استطاع أن يرخص فى مصر أول صيدلية عشبية من وزارة الصحة المصرية بعد عناء بقضية رفعتها فى مجلس الدولة ضد وزارة الصحة وكان المحامى الموكل فى القضية دى فى الوقت ده سيادة المستشار مرتضى منصور اللى ليه فضل بعد ربنا فى إجبار وزارة الصحة إن الإجرائات تتم على أكمل وجه وصيدليتى العشبية مازالت قائمة تفتكر إنى وقفت على كده أبدا بفضل ربنا إلتحقت بكلية الطب وبدأت دراستى فيها كى أتمم المؤهل الثانى بعد الصيدلة تفتكر إنى وقفت على كده لا والله بدأت بحلمى الأكبر حلم المؤهل الثالث بعد الطب والصيدلة وإلتحقت بأكبر جامعة بريطانية لدراسة النباتات الطبية لأكون أول صيدلانى وطبيب مصرى وأخصائى نباتات طبية وعشاب رسمى سيسجل بنقابة الأطباء العشابين الإنجليزية ودا الهدف منه إنى أنقل حلم تدريس العلم ده بشكل محترف لأبناء بلدى مصر وأنا على مقربة من تحقيق الحلم ده بإذن الله .
على فكرة أنا ذكرت إنى مسئول عن ١٥٠٠ شخص بعد فضل ربنا منهم ١٥٠ طبيب وصيدلانى و طبيب علاج طبيعى لو هما شايفين اللى بنعملو نصب ودجل صدقونى محدش فيهم هيشتغل معانا دقيقة واحدة لا دا الأطباء دول منهم اللى شغال معايا من ١٥ سنة مأنا حضرتك شغال بقالى ١٥ سنة مش إبن أول إمبارح .
وأخيرا هختم بشئ أخير مصر دولة قانون لو كان عندى مشكلة صدقنى مكنتش كملت أبدا ولا تركت أعمل وأبنى فى بلدى من داخل بلدى أنا مش هربان للخارج زى البعض ومنتمى لكيانات ضد الدولة زى البعض أبدا أنا طبيب معظم المسئولين الكبار فى مصر والدول العربية وإن كنت عمرى ماذكرت دا أبدا قبل كده ولن أذكر أسماء أبدا أعتز بصداقة الكل كطبيب صيدلى وطبيب بشرى ناصح أمين لكل الناس من شخص لف العالم شرقا وغربا للبحث عن النباتات الطبية وعلاقتها بصحة الإنسان أنا عشت سنين طويلة ببلاد الهند والصين والدول الأوربية .
وكما أقول دائما
دمتم بصحة ❤️
الدكتور أحمد أبو النصر
مرفق صورة لصحيفة الأهرام اليومية. وستجدنى معك يوميا فى الجزء السفلى الأيسر لأنى ماركة مسجلة معروف من هو وماهى منتجاته وتراخيصه ولن تجازف الأهرام صاحبة ال١٥٠ عام فى نشر علامتى يوميا بصفحتها الأولى إلا لو كنت صاحب تراخيص وشخص ثقة .

1.7K - 716

الدكتور أحمد أبو النصر
Posted 3 years ago

وقد أنتهى بالأمس آخر يوم من الإفتتاحية التاسعة من المعرض الدولي للتصنيع الغذائي .. اللي تحت إشراف الدولة واللي مشترك فيه ١٤٠ شركة لأكثر من ١٦ دولة .. واللي زاره يومياً ما لا يقل عن ٢٠٠٠ زائر ..
بحضور وزيرة التجارة والصناعة السيدة نيفين جامع ..

واللي بفضل الله .. كنت جزء من المعرض الدولي بنفسي .. بمنتجاتي اللي متوثقة من هيئة سلامة الغذاء .. واللي بدون الترخيص والتصريح دة ما كنت هبقى في إفتتاح معرض عظيم زي دة ..
قدرت أخرج منه مُستفيد بأعضاء مهمة في مجال الصناعة والتغذية والتطوير وفي كل المجالات .. أسعدني جداً حضور من يعرفني .. وأسعدني أكثر بالتعريف بي والتعرف على من لا يعرفني ..

قابلت ناس قمة في الإحترام والرقي والتقبل لكل ما هو مختلف .. وكانت تجربة جديدة من نوعها ومُشجعة جداً للإستمرار لما نحن عليه ..

وأتقدم بجزيل الشكر للفريق المتعاون والمُرافق لي في رحلة مهمة وشاقة في نفس الوقت .. نحن عائلة واحدة عائلة الدكتور أحمد النصر ..
شكراً لكل من تواصل معي ولكل تشجيع منكم .. أتمنى دائماً أن أكون عند حُسن الظن .. وأعتقد لا داعي لإثبات من هم عائلة أحمد أبو النصر يكفي وجودكم .. ♥️

2.4K - 217

الدكتور أحمد أبو النصر
Posted 3 years ago

العيد دة مش عيد الضاني ، فـ خليك في الحمصاني …
بعد الترمس كله سأل عن الحمص .. حاضر ..
بصي يا ست الكل بما إنك أنتي اللي بتعمليه وزعي فوايده على كل اللي هياكله ..
الحمص فيه بروتين تقدري تعمليه (عيش - حمص الشام - المسبحة - المقبلات - مع الترمس) ..
7 فوايد للحمص بناءاً عن أبحاث ودراسات هتلاقيها في اللي جاي
1- لو عملتي العيش بتاعك بـ 70٪؜ مطحون الحبه الكاملة و 30٪؜ مطحون الحمص .. هتعملي عيش صحي بيشبع وبيعالج دهون الدم وحركة الأمعاء ..
2- لمدة 5 أسابيع حمص يعالجلك الكوليسترول الضار ..
3- اللي عنده تليف في الكبد بيحصله زيادة في مادة الأمونيا في الدم واللي بتجبره يمنع اللحوم الحمراء فـ لازم يعوضه ببروتين ، أنا أهو بقولك الحمص يعوضلك البروتين دة
4- الدهون الثلاثية غالباً بتكون مرتبطة بـ ألتهاب المرارة والبنكرياس ، الحمص كويس ليها وبيقتل دهون الكرش ..
5- الحمص المنبت مفيد مش مالوش لازمة ، بيزود الذكاء والذاكرة للصغار والكبار ..
6- مضاد للفطريات والكانديدا ، هو و زيت جوز الهند (ماتجيبوش من أي مكان) ..
7- تضخم البروستاتا وسرطانها لا قدر الله ..

أنتوا بتاكلوه للتسالي وهو كله فوايد ..
إمبارح حد قالي أنت بتقول مر وحلو ليه ربنا مابيخلقش حاجة وحشة ( محدش قال بيخلق حاجة وحشة بس تدخل الإنسان والكيماويات وغيرهم ممكن يأثروا على أكل كتير إحنا كدكاترة نمنعك تاكله عشان صحتك أكيد مش عشان نخليك ماتجيبهوش وتخلصه وناكله إحنا )

من هنا لبكرا أعملوا شير ، وبكرا هجمعلكوا كذا حاجة في بوست واحد تخلطوها مع القمح أو تعملوا بيها العيش صحي ومفيد وطعمه كويس ..
عيدكم سعيد ♥️
الدكتور أحمد أبو النصر

1.9K - 114

الدكتور أحمد أبو النصر
Posted 3 years ago

كل سنة وأنتم طيبين ..
هو كل الكلام كحك كحك مفيش كلام عن الترمس خالص ..
دة حتى الترمس جميل وصحي ومفيد ، أي نعم لا غنى عن الكحك جنب كوباية الشاي بلبن ، بس ناكل ونتبسط دلوقتي وبعدين نوقف على الميزان ونعيط ؟ طب ليه ..

خلينا في الترمس ، الحلو ، البلدي لا ، الأفرنجي آه ، اللي بيتباع في السوبر ماركت ، اللي بيتنقع كام ساعة مش أسبوع ، نركزززز ..
طب يفرق إيه الحلو دة ؟
نسبة الألياف والبروتين فيه عالية يعني مفيد للقولون والمعدة عكس الترمس المر ..
الدقيق الأبيض فيه ٧٥٪؜ نشويات ودة بيسبب السمنة والضغط والسكر .. بس ممكن نبدله 100 % قمح بس نخليه (( القمح ٩٠٪؜ + ١٠٪؜ ترمس )) ، يشبعك ويفيدك أنت وقلبك ..
قدرتك الجنسية وشرايينك التاجية محتاجة مادة إسمها الأرجنين ودة موجود في الترمس الحلو .. الحلو بس هاا ..
عندنا نوعين من الألياف ، ألياف دوابة ودي بتعمل حموضة القولون عالية بتمتص المعادن بنسبة أكبر ، ونقص المعادن دة يعمل ضعف عام وضعف كالسيوم وأنيميا .. عكس الألياف الغير دوابة اللي بتكبر حجم البراز عندك عشان تتخلص من سموم القولون بالكامل والمعادن الثقيلة، الألياف الغير دوابة المفيدة دي موجودة في الحلو ..
عندنا بكتيريا في جسمنا مهم جداً نغذيها ، زي ما سمعت كدة إسمها البكتيريا الحميدة ومن ضمن تغذيتها الترمس الحلو ..
فيه دراسة بتقولك ٩٠ يوم بإنتظام من مقدار معلقتين ترمس حلو تخلصك من الكوليسترول الضار بنسبة ٤٠٪؜ وتعالجلك الشريان المتصلب ..

يعني ابدأ كُل ترمس حلو من النهاردة أو بكرا كـ جر رجل لصحتك كدة ..
الترمس حبايته كبيرة ولونه بهتان شوية كدة قبل السلق ..

مين جاب الترمس ومين بيحبه ؟ ومين عمل شير للبوست دة ؟
عيدكم سعيد ♥️
الدكتور أحمد أبو النصر

*** تعديييييل :

الأسئلة المتكررة :
المر ضار ؟
شوفوا الحلقة دي وهتعرفوا انه آه
https://youtu.be/4XhdjtXOalw

اسمه ايه في الدول التانية ؟
للاسف مش مشهور في بعض الدول العربية
هو اسمه ترمس مالوش اسم تاني
اسألوا في الماركات اللي بتجيب معلبات مستوردة

ينفع للسكري ؟
اه بس معلقتين منه بس مسلوق او مطحون على زبادي

بيخسس ولا لا ؟
لا مش بيخسس
بس بيشبع بسرعة عشان الالياف اللي فيه يعني ممكن نستخدمه مع نظام غذائي للتخسيس عادي
بس برضو مانكترش

1.7K - 87

الدكتور أحمد أبو النصر
Posted 3 years ago

تعالوا أعرفكوا على قـ ـاهر السمـ ـوم في الجسم والديتوكس الطبيعي #بيجنام_حرماله
بيحتوي على تركيبة القلوانيات اللي بتقتل الديدان الشريطية .. وبعدها ينشط الجهاز الهضمي بكفاءة ..
مضاد حيوي للفطريات والبكتيريا ..

بالنسبة للكلى والكبد ؟ مادام قادر ينقي الجسم من السموم يبقى قادر يخليهم يشتغلوا كويس جداً جداً ويأدوا وظيفتهم على أكمل وجه ..

إضطرابات الصرع والأرق والأعراض ما قبل الطمث وحساسية الصدر ؟؟ خلاص عندكوا الإجابة

بيجنام حرمله مش حاجة جديدة أو مش معروفة ، هو مستخلص مهم من نبات الحرمل ..

نقي جسمك من سمومك وهمومك وأستفيد من عرض الـ 175 بس

كلمنا على الموبيل أو أبعتلنا على الواتساب
01013266009
01156885544
#عيد_سعيد
#سموم_الجسم

607 - 17

الدكتور أحمد أبو النصر
Posted 3 years ago

"على ما تلمي الأطباق أكون أنا هضمت بسيجارة ونعملنا كوبايتين شاي وجنبهم طبق فاكهة نحلي بيهم ونهضم برضو ، وأنتي أدخلي نامي وأنا هنزل الچيم "

آخر النصايح الرمضانية عن 6 عادات يومية خاطئة بعد الأكل :
1- النوم بعد الأكل على طول غلط كبير من أهم سلبياته الإرتجاع
2- الشاي والقهوة قبل ساعة من بعد الأكل هيمنعوا إمتصاص الحديد والبروتين
3- التدخين (اللي معتبرينه بيساعد في الهضم) ممكن يزود ويسرع من فرص الإصابة بالسرطان
4- الفاكهة بعدها على طول تعمل إنتفاخ
5- لو بتاكل برا ماتفُكش الحزام أو تريحه بعد الأكل عشان هيحصل ترهلات ، أعمل كدة من قبلها أو أستحمل بعدها شوية
6- ماتخلصش أكل وتجري على الچيم ، سيب فرصة لجسمك يهضم ويتهيأ للحرق

عاداتك الغذائية الصحية تخلي مسار صحتك بإيدك ..
من بكرا نبدأ كلامنا عن العيد ..
عايزين تعرفوا إيه عن عادات العيد ؟
شير وقول لغيرك كفاية نوم وأنتخه وشُرب سجاير بعد الأكل
دمتم بصحة ♥️
الدكتور أحمد أبو النصر

1K - 35