Dream Journey!!Anuja &Brainy

Dream Journey!!Anuja &Brainy
Posted 1 year ago

എഴു ദിവസത്തെ സസ്‌പെൻഷൻ കൊടുത്തതു കൊണ്ടോ, ഒരു വർഷം യൂണിവേഴ്സിറ്റി എക്സാം എഴുതിക്കാതിരിക്കുന്നത് കൊണ്ടോ ഒന്നും വയനാട് പൂക്കോട് വെറ്റിനറി കോളേജിൽ കൊല്ലപ്പെട്ട സിദ്ധാർഥിന്റെ മാതാപിതാക്കളുടെ നഷ്‌ടത്തിനു പകരമാകുന്നില്ല.
ഒരാളുടെ ജീവൻ കളഞ്ഞേച്ചിട്ടു വിദ്യാർത്ഥിസമൂഹത്തിനു തന്നെ അപമാനം ആയവർ ഈ നാടിനു ഇനി പഠിച്ചിട്ടു എന്തു നന്മ ചെയ്യാനാണ്. ആദ്യം ഒരു മനുഷ്യനാവണം, മൃഗഡോക്ടർ ആകാൻ പിന്നെ പഠിക്കു.

വൈരാഗ്യബുദ്ധിയോടെ സഹപാഠിയെ ബെൽറ്റ്‌ കൊണ്ടു അടിക്കുകയും,ക്രൂരമായി പരിക്കേൽപ്പിക്കുകയും ഒടുവിൽ അവന്റെ ജീവൻ പോലും നഷ്‌ടപ്പെടുത്തിയ രാക്ഷസജന്മങ്ങൾ.നീയൊക്കെ ഒരമ്മയുടെ വയറ്റിൽ പിറന്നത് തന്നാണോ?

എന്റെ മോൻ മരണപ്പെടുന്നതിനു മൂന്നു ദിവസം മുൻപ് വരെ ആഹാരം കഴിച്ചിട്ടില്ല, അവനു വേണ്ടിയാ ഞാൻ അന്യനാട്ടിൽ കിടന്നു കഷ്‌ടപ്പെടുന്നതെന്നു ചങ്കു പൊട്ടി കരയുന്ന സിദ്ധാർഥിന്റെ പിതാവിന്റെ കണ്ണുനീരിനു മുന്നിൽ നമുക്ക് എന്തു മറുപടിയുണ്ട്.

നാളെ മകനൊരു നല്ല ഭാവി ഉണ്ടാകാൻ പറഞ്ഞയച്ചിട്ടു ചേതനയറ്റ ശരീരമായി അവൻ തിരിച്ചു വരാനായിരുന്നോ ആ പിതാവ് ആഗ്രഹിച്ചത്?

Campus രാഷ്ട്രീയം ആവാം,മുൻപൊക്കെ അടിച്ചമർത്തപ്പെട്ടവന്റെ ശബ്ദം ആയി നിലകൊണ്ടിരുന്ന രാഷ്ട്രീയ സംഘടനകൾ ഓരോ വിദ്യാർത്ഥിയുടെയും ഉന്നമനം സ്വപ്നം കണ്ടിരുന്നു.

അനുയായികൾക്ക് നേരായ ദിശ കാണിച്ചു കൊടുക്കുന്ന നേതൃത്വം ഉണ്ടായിരുന്നു.
കേരള കാർഷിക സർവ്വകലാശാലയിലെ പൂർവ്വവിദ്യാർത്ഥി എന്ന നിലയിൽ (അന്നത്തെ കാലഘട്ടത്തിൽ വെറ്റിനറി സർവ്വകലാശാല കാർഷിക സർവ്വകലാശാലയുടെ ഭാഗമായിരുന്നു ) രാഷ്ട്രീയ പ്പാർട്ടികൾ ക്യാമ്പസ്സിന്റെ ഉന്നമനത്തിനു അവിഭാജ്യ ഘടകം എന്ന ചിന്താഗതി ആയിരുന്നു കുറച്ചു നാളുകൾക്കു മുൻപ് വരെ എനിക്കു ഉണ്ടായിരുന്നത്.

എന്നാൽ ഇന്നത്തെ കലാലയങ്ങൾ സ്നേഹത്തിന്റെയും, സഹോദര്യ ത്തിന്റെയും സ്വപ്നങ്ങളുടെയും വർണ്ണലോകമല്ല എന്നു തെളിയിക്കുകയാണ് സിദ്ധാർഥിന്റെ കൊലപാതത്തിലൂടെ.

രാഷ്ട്രീയ സംഘടനകളുടെ പ്രവർത്തനങ്ങൾ ഒരു കാലഘട്ടത്തിൽ ക്യാമ്പസുകളിൽ തരംഗങ്ങൾ സൃഷ്ടിച്ചിട്ടുണ്ട്. നീതി നിഷേധിക്കപ്പെടുന്ന ഇടങ്ങളിൽ ശക്തമായി നില കൊണ്ടിരുന്ന ഇത്തരം സംഘടനകളുടെ മുഖഛായ മാറിയതെങ്ങനെ എന്നു മനസിലാവുന്നില്ല.

ഒരാളെ വെള്ളം പോലും കൊടുക്കാണ്ട് മൃഗീയമായി ഉപദ്രവിക്കുക,ഒടുവിൽ മരണം വരെ കൊണ്ടു ചെന്നെത്തിക്കുക. ഇതു എന്തു ideology?
ഭയപ്പെടുത്തിയും ബലാത്കാരം ചെയ്തുമല്ല ഒരു സംഘടനയും മുന്നോട്ടു പോകേണ്ടുന്നത്. വിഭിന്നാഭിപ്രായങ്ങൾ മാനിക്കപ്പെടണം.എങ്കിൽ മാത്രമേ ഏതു സമൂഹവും വളരു.സിദ്ധാർഥിന്റെ മരണത്തോടെ നിങ്ങളുടെ താല്പര്യങ്ങൾ സംരക്ഷിക്കപ്പെട്ടോ കൊലപാതകികളെ?

രണ്ടു ദിവസത്തെ അന്തിചർച്ചകൾക്കും വാർത്തകൾക്കും ഒടുവിൽ അവസാനിക്കപ്പെടേണ്ടതല്ല സിദ്ധാർഥ്. ഇനിയും എത്രയോ കാലം ഇവിടെ ജീവിക്കേണ്ട ഒരു യുവാവിനെ നിർദ്ദാകഷണ്യം ഇല്ലായ്മ ചെയ്ത, ആ കൊലപാതകത്തിന് ഉത്തരവാദികൾ ആയ ഒരാള് പോലും നിയമത്തിന്റെ പഴുതുകളിൽ നിന്നും രക്ഷപ്പെടരുത്.
കൂട്ടത്തിൽ ക്യാമ്പസുകളിൽ തീരുമാനങ്ങൾ നടപ്പിലാക്കാതെ, കണ്ണടച്ചു നടക്കുന്ന അധികാരികളെയും ഈ സമൂഹം ആഗ്രഹിക്കുന്നില്ല.
Dr. Anuja Joseph,
Assistant Professor,
Trivandrum

#justice for sidharth#keralanews #kerala #BreakingNews #socialissues #socialmedia #siddarth #Pookode #studentlife #death #wayanad #vetenary college #ragging #death

0 - 0

Dream Journey!!Anuja &Brainy
Posted 2 years ago

കൊല്ലം ചടയമംഗലത്തു ksrtc ബസിടിച്ചു ബൈക്ക് യാത്രക്കാരായ രണ്ടു വിദ്യാർത്ഥികൾ മരണമടഞ്ഞ വാർത്ത കാണാനിടയായി. കൂട്ടത്തിൽ 20 മിനിറ്റോളം ആ കുട്ടികളിൽ ഒരാൾ ജീവനോടെ ആരും ഹോസ്പിറ്റലിൽ എത്തിക്കാതെ ആ നടുറോഡിൽ മരണത്തെ മുഖാമുഖം കണ്ടതായും ഉള്ള വിവരവും, ഇതിൽ വാസ്തവം ഉണ്ടെങ്കിൽ ഒന്നു പറയാതിരിക്കാൻ ആവുന്നില്ല.

ഇന്നു ഈ ആക്‌സിഡന്റ് കണ്ടിട്ടും കാണാത്ത ഭാവം നടിച്ച എല്ലാവർക്കും ഈ മരണത്തിൽ പങ്കുണ്ട്.
നാളെ അവനവന്റെ കുടുംബത്തിൽ ആർക്കെങ്കിലും ഈ ഗതി ഉണ്ടാകുമ്പോൾ ഇന്നാ കുട്ടികളുടെ ഉറ്റവരും ഉടയവരുടെയും വേദന നാളെയൊരുനാൾ നിങ്ങളും അറിയും.

അതോടൊപ്പം ആരുടെയെങ്കിലും മരണ വേദന, ആക്‌സിഡന്റ് ഇതൊക്കെ മൊഫൈലിൽ പകർത്തി അതു share ചെയ്തു വിറ്റു കാശാക്കാൻ നടക്കുന്നവന്മാരെയൊക്കെ അറസ്റ്റ് ചെയ്യാൻ വല്ല നിയമവും വന്നെങ്കിലോ എന്നു ആത്മാർത്ഥമായി ആഗ്രഹിച്ചു പോകുന്നു. ഇത്തരക്കാരുടെ സൂക്കേട് അങ്ങനെയെങ്കിലും മാറി കിട്ടുമല്ലോ.

അതെങ്ങനാ likes ഉം ഷെയറും ആവോളം കിട്ടാൻ എന്തു തന്തയില്ലായ്മത്തരം കാണിക്കാനും മടിയില്ലാത്ത ഒരു സമൂഹത്തിലാണല്ലോ ഇന്നു നമ്മുടെയൊക്കെ ജീവിതം.
ഇതിനിടയിൽ മനുഷ്യൻ ആവാൻ എവിടാ നേരം.
മരണവെപ്രാളം കണ്ടാലും,കണ്ടില്ലെന്ന് നടിക്കണല്ലോ, കൂട്ടത്തിൽ മൊഫൈലിൽ വീഡിയോ പിടിക്കാൻ നേരം കണ്ടെത്തണമല്ലോ!!
കഷ്ടം,

മനപ്പൂർവമല്ലാത്ത നരഹത്യ, ksrtc bus ഡ്രൈവർക്കു ന്യായികരിക്കാൻ ആയി, വല്ലോരുടെയും നെഞ്ചത്തു കയറ്റി വാഹനം ഓടിക്കാതെ ഇനിയെങ്കിലും ഒന്നു ശ്രദ്ധിക്കു ഡ്രൈവർമാരെ,
ഓരോ ജീവൻ പൊലിയുമ്പോഴും, ആ നഷ്‌ടം സഹിക്ക വയ്യാതെ പിടയുന്ന കുറച്ചു മനുഷ്യരുണ്ട്, അവരുടെ കണ്ണുനീരിനെ പ്രതിയെങ്കിലും 🙏
#kollam #chadayamangalam #accident #shikha #abhijith #ksrtc #bike #accident #youtubetalk #youtubereading

Dr. Anuja Joseph

0 - 0

Dream Journey!!Anuja &Brainy
Posted 2 years ago

വീട്ടുകാരെ വിട്ടു അവനോടൊപ്പം ഇറങ്ങി പോയതല്ലേ അനുഭവിക്കു,,,, ഇജ്ജാതി കമന്റ്‌ ഇടുന്നവരോടായി,,,

വീട്ടുകാരുടെ സമ്മതത്തോടെ വിവാഹം കഴിച്ച എല്ലാ പെങ്കൊച്ചുങ്ങളും ഇന്നും ഭൂമിയിൽ ജീവനോടെ ആയിരിക്കുന്നുവല്ലോ!!

ഒരാളുടെ വേദനയിൽ, മാറി നിന്നു ഗൂഢമായി ചിരിക്കുകയും, പരിഹസിക്കുകയും, പഴി പറയുകയും ഒക്കെ ചെയ്യുന്നവരെ മനുഷ്യർ എന്നു തന്നെയാണോ പറയേണ്ടത്?

ഷഹാനയെന്ന പെൺകുട്ടിയെ ക്രൂരമായി വിമർശിക്കുന്ന പലരുടെയും കമെന്റ് കണ്ടു, ചിരിക്കുന്ന ഇമോജികൾ വാരി വിതറി സന്തോഷം പ്രകടിപ്പിച്ചവർക്ക് നല്ലതു മാത്രം വരട്ടെ,,,,

പ്രണവിനെ സ്നേഹിച്ച ഷഹാനയുടെ ഹൃദയത്തിന് പത്തരമാറ്റു തങ്കത്തേക്കാളും തിളക്കമുണ്ട്,,,,,

ഈ നൂറ്റാണ്ടിലും ദുഷിച്ച ചിന്താഗതിയും വച്ചു പുലർത്തി, വിഷം തുപ്പുന്ന അസുര ജന്മങ്ങൾ,,,,,,

നിന്റെയൊക്കെ ഹൃദയത്തിൽ സ്നേഹം എന്നാൽ വെറുപ്പും വിദ്വേഷം മാത്രമാണല്ലോ,

മതം ആകാം,മതഭ്രാന്ത് ഈ സമൂഹത്തിന്റെ നന്മയ്ക്കല്ലെന്നു മാത്രം ഓർത്തു കൊള്ളുക,,,,
ഷഹാനയോടൊപ്പം,,,ഈശ്വരൻ അവൾക്കു കരുത്തു പകരട്ടെ
#shahana #pranav #Dr. Anuja Joseph#kerala

0 - 0

Welcoem to posts!!

Dream Journey!!Anuja &Brainy Posted 1 year ago

Dream Journey!!Anuja &Brainy Posted 2 years ago

Dream Journey!!Anuja &Brainy Posted 2 years ago

Dream Journey!!Anuja &Brainy
Posted 1 year ago

Dream Journey!!Anuja &Brainy
Posted 2 years ago

Dream Journey!!Anuja &Brainy
Posted 2 years ago