Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
أنا متأكدة إنك تعبتي من كتر الفيديوهات اللي بتوعد بحل سريع للرؤوس السوداء،
بس اللي واثقة منه إن الروتين اللي شاركته معاكم في الفيديوهات الي نزلت الاسبوع ده
ده مش زي أي حاجة شفتيها قبل كده!
ده فعلاً أحسن كومبو وصلتله بعد تجربة على بشرتي،
وشوفت نتيجته مع بنات كتير لما التزموا بالخطوات اللي شرحتها
لو عايزة تشوفي نتيجة بجد، لازم تلتزمي بالخطوات دي
ووقتها هتفهمي ليه الرؤوس السوداء كانت بترجعلك دايمًا!🤷🏼♀️
134 - 16
هو احنا لو رجعنا للفيديوهات الطويله 🌝 هيكون فيه تشجيع ولا اتعودتوا مني عالريلز قولوا الصراحه مش هزعل😔
676 - 82
متخليش الخطوة دي تفوتك ! ممكن تكون السبب في تغيير بشرتك للأحسن ! ✨
الخطوة التالتة من تحدي 30 يوم لبشرة منورة من غير ميكب نزلت! هتلاقوا الفيديو في خانه shorts 😍
وفي الكومنت المثبت، حطيتلكم منتجات كتير هتساعدكم! 💖
قولولي بدأتوا ولا ايه
ومتنسوش تتابعوا باقي التحدي في هاشتاج #glowwithdrmennaali عشان توصلي لأحلى Glow! ✨
66 - 10
والله عمري ما هنسي المكالمة دي… أول ما بدأت على يوتيوب من 5 سنين!
كنت واقفة في الصيدلية، التليفون رن
• ألو، د. منة؟ معاكي دكتور كذا، صاحب الصيدلية… مبروك على قناتك،
•بس الفيديو الجديد لازم يتشال!
• ليه يا دكتور؟ 😳
• الكلام اللي قولتيه عن الكولاجين مش صح!
• إزاي بس! أنا قريت أبحاث ودراسات كتير قبل ما اصوره !!
حسيت انه بيقلل من كلامي، وبيقنعني إني غلط… رغم إني واثقة 100% في كل كلمة قلتها ! جالي خنقه مش طبيعيه وكأني محاصرة!
وفي اللحظة دي، الحمدلله فهمت ان ده مش مجرد اعتراض او وجهه نظر دي محاولة ضغط عشان المنتج الجديد اللي هينزلوه !
"كانوا بيعملوا تركيبات صيدلانيه تجميليه ومنتج فيهم كريم كولاجين😅"
وقتها كان لازم أخد قرار مصيري
•أشيل الفيديو وأخسر مبادئي وثقة الناس فيا !
•اسيب الفيديو وأخسر شغلي، والمصدر الوحيد لمرتبي وقتها!
تفتكري اخترت إيه؟ ولو كنتي مكاني، كنتي هتعملي إيه؟ 🙊
305 - 19
شايفه بشرتي زمان .. كانت كارثة! 💔 آثار حبوب و بهتان
كنت حاسة خلاص مستحيل تتعالج ! 😞
طب إيه اللي عملتيه يا دكتور منة؟
📌 معادلة بسيطة غيّرت بشرتي بالكامل!
من وقت ما الحمل لعب في هرموناتي وزوّد الحبوب، قررت إني مش هسيبها كده، ذاكرت اكتر والحمدلله عالجتها باسلوب علمي ومن غير تعقيد ! ✨
عملتلكم التحدي ده عشان تتعلموا إزاي تعالجوا بشرتكم صح، من غير منتجات ملهاش لازمه
📌اول فيديو في التحدي نزل امبارح ✨
وكل حد وخميس الساعة 8 بالليل، فيديو جديد مدته دقيقة واحدة بس! 🤫
📌المهم تقري أول كومنت مثبت تحت كل فيديو
📌وتمشي معايا خطوة بخطوة!
قوليلي بقي مستعده تتحدي نفسك وتعالجي بشرتك بجد؟ 💪🏻
هتلاقوا كل الفيديوهات تحت هاشتاج →
#glowwithdrmennaali
301 - 36
"إنتي السبب في مشاكل بشرتك ! بجد مش هزار.. 💔"
كل يوم بتجربي منتجات جديدة، ماسكات، تريندات.. وفي الآخر، بشرتك بتسوء أكتر؟!
ليه؟ لأن المشكلة مش في المنتجات، المشكلة في طريقة تفكيرك في بشرتك أصلاً!
📍تحدي 30 يوم لبشرة منورة من غير ميكب!
عملتلك التحدي ده لاني كنت زيّك.. حبوب، آثار، بهتان، بشرة بايظة حرفيًا! 🥲
كنت فاكرة إني بعمل كل حاجة صح، لكن الحقيقة؟ بشرتي كانت بتتدمر أكتر! لحد ما اكتشفت المعادلة اللي غيرت كل حاجة الحمدلله
كل يوم حد وخميس الساعة 8 م بتوقيت مصر ، هنزلك فيديو دقيقة واحدة بس !
مش هقولك تشتري 10 منتجات، ولا تجربي حاجات غريبة ..
هقولك خطوات بسيطة، بس لو التزمتي بيها هتشوفي فرق كبير في بشرتك باذن الله ! ✨
📍في الكومنت المثبت بعد كل فيديو، هتلاقي حاجات تساعدك أكتر فحضري ورقه وقلم
استعيني بالله و شغّلي جرس التنبيهات لان التحدي ده ممكن يكون التغير في بشرتك الي بقالك سنيني بتدوري عليه❤️
جاهزة نبدأ الرحلة سوا؟ 🔥
#GlowWithDrMennaAli
456 - 32
امبارح كان يوم مميز جدا بالنسبالي مش بس عشان اتدعيت من يوتيوب لحضور ايفنت لقاء المبدعين❤️ لكن كمان صادف عيد ميلاد قناتي عاليويتوب 29/1/2020 🎂🥳
اليوم اللي قررت فيه أحول شغفي وعلمي لرسالة حقيقية تساعد الناس الحمدلله 🤲🏻❤️
وحشتوني جدا جدا قولولي حبين اعملكم محتوي عن ايه الفتره الجايه ؟😍
212 - 21
والله لقد طاب اللقاء وقرّت العيون وارتوى القلب🥹🤍🕊️
الحمدلله الذي منّ علينا مرة أخرى الحمدلله على التيسير والتمام
اللهُم تقبل عمرتنا وارزق كل مشتاق بزيارة بيتك الحرام 🤍🕋.
1.9K - 61
تحدي تجهيز البشرة للعيد فالبيت بمنتجات لونها وردي💖💖
40 - 3
ديه المنتجات الي أستخدمتها ف فيديو تحدي العيد امبارح
هقولكم البدايل ليها
بس انا هدفي تفهموا الفكره وتستخدموا الي عندكم مش تشتروا
منتج بعينه❤️
The inky list oat balm cleanser
البدايل
-ممكن اي غسول زيتي او ميلكي او اعملي حتي بالميسلار واتر
-سيش ميلكي كلينسر
-باليا بالم كلينسر
Cosrx oil free moisturizer
استخدمي المرطب بتاعك
Estelin clay mask
البدايل
-بوبانا ماسك طمي
-ماسك الطمي ازتك
Kimastat hyaluronic serum
(ده كان اول مره اجربه ف استنوا شويه هقولكم حلو ولا لا )
البدايل
-ناين تايمز هيالرونيك سيروم
-ديرما تن هيالرونيك
قولولي فالكومنتات لو عندكم منتج معين عايزين تتاكدوا ينفع فالتحدي ده ولا لا ❤️
132 - 13
Your trusted pharmacist and skincare and hair care expert. Subscribe for more beauty tips, product reviews, and educational content.
Let's achieve our beauty goals together! 🫶✨