මම, අපොස උසස් පෙළ ජීව විද්‍යා විෂය ධාරාවේ අඩංගු සෑම විෂය කොටසක්ම ඔබට අවබෝධ කරගැනීමට හැකිවන පරිදි ඉතාමත් සරලව ඉගැන්වීමට උත්සහා කරමි. ඔබට ගැටළු සහගත කොටස් ලෙස මාහට අවබෝධවන සෑම කොටසක් කෙරෙහි ම, මගේ අවධානය වැඩිදුරටත් යොමුකරමින් එය තව තවත් සරලව ඉදිරිපත් කරන්නෙමි. හැකි සෑම විටම නියමිත හැඩයට සහ අනුපාතයට අදින ලද සහ සම්පූර්ණයෙන් නම් කරණ ලද රූප සටහන් සමගින් උදාහරණ ආධාරයෙන් මගේ පාඩම ඉදිරියට ගෙනයමි. ඔබගේ විෂය නිර්දේශයේ අඩංගු ප්‍රයෝගික පරීක්ෂණ සියල්ලම පහේ ඉතාම පැහැදිලිව සහ ක්‍රමවත්ව ඉදිරිපත් කරමි. විභාග ප්‍රශ්න සහ ඒවාට අදාල පිළිතුරු සාකච්‍ඡා කරන අතරතුර විටින්විට ඉගෙන ගැනීමට ඔබව උනන්දු කිරීම සඳහාම මවිසින් ම සැකසු ඉගෙනීමට ආධාර වන ක්‍රමද, විවිධාකාර ප්‍රශ්න රටා වලින් උපරිම ලකුණු ලබාගැනීමට අදාල උපදෙස් ද ඇතුලත් උපදේශක වීඩියෝ ද ඉදිරිපත් කරමි. පාඩම ඉතාම සරලව උදාහරණ සමගින් රූප සටහන් සහිතවත්, ප්‍රයෝගික පරීක්ෂණ සමගින් ඉදිරිපත් කිරීමත්, ජීව විද්‍යා විෂයට අදාල ඔබේ ගැටළුවලට පිළිතුරු ලබාදීමත් තුලින් අපොස උසස් පෙළ ජීව විද්‍යා විෂය, ඔබහට ඉතාම පහසු විෂයක් බවට පත්කිරීමට මම හැකි සෑම විටම උත්සහා කරන්නෙමි. ඔබට ජය !!