Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
مساء الفل
عملت اكونت جديد و احتياطي ع التيكتوك مع الاكونت الاساسي
فاتاكد انك عامل فولو ف الاتنين الاكونت
لينك الاكونت الجديد
www.tiktok.com/@bookaffe_
لينك الاكونت الاساسي
www.tiktok.com/@bookaffe
11 - 0
السلام عليكم
مساء الفل يا صديق
انا عارف اننا لسه فى اخر ايام معرض الكتاب
بس وانا بقلب ف القناة لفتني شىء خطير جدا
وحقيقي محتاج مساعدتكم فيه ، الشىء ده ع قد ما هو مفرح لكنه محزن جدا برده
ولو حد شاف الصورة اللى تحت جايز يكون فهم ولو مفهمتش خلينا اقولك ان لقيت وانا بقلب بالصدفة
الاحصائية اللى تحت دي و اللى بتقول ان ف تاريخ القناة كله تقريبا اكتر من 77% من عدد المشاهدات جاي من ناس مش مشتركين في القناة
ده اولا يقول ان القناة والحمدلله بتوصل لناس كتير اما ثانيا بقى ياما الناس دي معجبهوش المحتوى او الحاجة التانية وهي انهم كسلوا يعملوا اشتراك
عموما اكيد كل واحد حر طبعا بس عايز اقول ان لو لسه بتشوف بوكافية و بيهمك المحتوى و حابب تدعمه ف اقل شىء هو الاشتراك و تعرف القناة ع ناس
بتحب الكتب والقراءة و اخيرا شكرا ليك
وحاجة اخيرة بمناسبة معرض الكتاب
عايز اشكر كل واحد شافني و قالي انه متابعنى من اول لوكشين كنا عاملينه
و شجعني انى استمر ، حقيقي كلامكم فرق معايا و حمسنى جدا واتمنى الطاقة دي
تفضل معايا لحد ما اقابلكم تاني ..
بوكافية .. حيث المتعة والاستفادة معا
القراءة اذواق
26 - 0
كل سنة و كل معرض و احنا في فرحة دايما
اعتقد دى بتكون سعادة كل قارىء و كاتب و فرحة ما بعدها فرحة و لقاء الاحباب و الاصدقاء وقت المعرض و لقاء ناس بنشوفها من السنة للسنة و كمان مننكرش بيكون موسم كبير لكل صناع المحتوى و بالاخص المهتمين بالكتب و بيكون في تغطية و مجهود رائع الحقيقة من كل الاصدقاء و لكن
احيانا المحتوى ده بيكون كتير و مكرر و ممكن بيسبب تشتت و لكن برده هو حاجة صحية جدا و بيكون ع الجانب التاني ممكن يبقى ف تنوع من حيث الاختيارات و المقترحات و ربما الترشيحات ..
لذلك و بعد الديباجة الطويلة دي و لظروف اخرى خاصة بيا ربما التغطية السنة دي متكنش كتيرة ع العكس ربما تقتصر ع ٣ فيديوهات ف الجمع التالتة تضم كل ما يخص المعرض من مقترحات و دور نشر لفتني شغلها السنة دي ع مدار العام و كمان ع مدار الاصدارات الجديدة و نحاول نبعد فيها عن التكرارات و نصائح كل سنة اللى مش بتتغير و نضيف شىء ربما يكون جديد نسبة للى ممكن نشوفوا من اصدارات خلال الايام القادمة
بالاضافة ممكن يكون ف حلقات ف منتصف الاسابيع و هتكون سواء مراجعات و قراءات حصرية و حلقات اجابة عن اسئلتكم و اى اقتراحات او اشياء انتم بتدوروا عليها
وكمان هيكون ف ريلز سريعة ع الانستجرام و التيكتوك سواء عن مقترحات او شياء اخرى
اتمنى تكون تغطية مختلفة و تليق بيكم و اشوفكم ع خير ف معرض الكتاب باذن الله
22 - 4
مساء الخير عليكم
طبعا عرفتوا طالما في بوست جديد يبقى انا محتاج مشورتكم و مساعدتكم
بس خليني احكيلكم الحكاية من الاول و اللى بفكر فيه و ده تحديدا يخص المراجعات و مش هيأثر على شكل الفيديوهات او السلاسل التانية هنا تحديدا
احنا الحمدلله دلوقت موجودين على كل المنصات زى التيكتوك و الانستجرام و بننزل مراجعة مثلا رواية في ريل ما بين 2-3 دقايق و بيحصل ان نفس الرواية دي ممكن نعملها هنا مراجعة كمان من 5-9 دقايق و كمان ممكن نتكلم عنها ف القراءات الشهرية
فا كنت بفكر اننا ممكن نكتفي بالمراجعة الريل و تنزل ع كل المنصات بما فيهم يوتيوب ونتكلم براحتنا اكتر ف حلقة القراءات الشهرية وهتكون حلقة مطولة اشبه ببودكاست للقراءات الشهرية
ده طبعا كله يعتمد على مساعدتكم و هل لسه بتحبوا فيديوهات المراجعات الطويلة لرواية واحدة فقط
18 - 4
مساء الخير عليكم
كالعادة لما بحتار و بكون مش عارف اقرر بلجأ لكم دايما
ف المرة دي محتاج مساعدتكم بخصوص سلسلة دوري ابطال البوكر
واللى بنتكلم فيها عن رواية رواية من اللى فازوا بالبوكر و نقدر نقول ترتيبها كام وسط باقي الرواية
احنا بدانا برواية موت صغير و هنكمل باذن الله و عشان كدة انا بسالكم بقى
دلوقت في اكتر من رواية فعلا احنا اتكلمنا عنهم هنا و عملنا مراجعة ليهم ف هيكون نوع من التكرار لو اتكلمنا عنهم تاني
وكمان ف كام رواية تانية انا كنت قراتهم من زمان اووى قبل بوكافية و لذلك متكلمناش عنهم ف مراجعات
ف
9 - 0
قراءات شهر سبتمبر
25 - 6
مساء القراءة ..
بقالي فترة بفكر اعمل تحدي لنفسي ليا و ليكم انى انزلكم فيديوهات بشكل يومي ، تكون فيديوهات قصيرة تنزل هنا و في التيكتيوك و الانستجرام
والحقيقة محتار في محتوى الفيديوهات دي ، تحبوا انها تكون مثلا ترشيحات من دور نشر ولا ترشحيات ع حسب نوع العمل ..
يعني ترشيحات من كل دار نشر منفصلة ولا ترشحيات مثلا رعب ، بوليسي و هكذا
مستنى رايكم ف التصويت و كمان في التعليقات لو في افكار تانية
14 - 5
📚 خصومات العيد من اغلب المكتبات و دور النشر 📚
عيد سعيد عليكم جميعا و كل سنة و انتم طيبين
في الصور دى هتلاقوا اغلب الخصومات ف العيد
استغلوا الفرصة و كمان في حلقة ع اليوتيوب لسه نازلة فيها كل التفاصيل + اماكن تقدروا تشتروا منها كتب مستعملة بسعر بسيط جدا
لينك الحلقة في اول كومنت ⬇️
#bookstgram #bookkstgrammer #bookaffe #eidmubarak
#بوكستجرام #بوكافية #عيد_سعيد
21 - 0
مساء الخير عليكم
اولا بشكركم جدا ع الدعم ف البوست اللى فات
و ثانيا اختاروا معايا الحلقة الجاية تبقى ايه
١- قراءات شهرية
٢- مشتريات جديدة و خصومات العيد
50 - 44
مش كلام للتأثير ولا دعوة ان حد يدخل يدعم او يعمل اشتراك ف القناة ف افرح و اتشجع انى اعمل فيديوهات
انا بقالي سنتين بحاول اتغاضي ان الفكرة دي و عن فكرة المشاهدات اللى ربما تكون قليلة قدام المجهود المبذول ولكن معترف من جوايا ان المحتوى بالشكل ده مش جذاب لفئة كبيرة و حتى الفئة المستهدفة اغلبها و بكرر اغلبها بيعيب ف الفكرة ( البوكتيوب) بشكل عام و شايف يا اما مرتزقة يا اما شلة و كلام كبير اووى احنا ف غنى عنه هنا دلوقت و مش موضوعنا من الاساس و انما انا كنت بحاول اشوف كل السيناريوهات المتوقعة و الغير متوقعة قبل كتابة الكلام ده و ربما كان ممكن يكون فيديو بس استسهلت الكتابة رغم انها مش من نقط قوتي يعني
فالمهم انا برغي كل الرغي ده والفرش ده ليه ؟
سؤال حقيقي مهم و هو ان انا حاليا قدام فترة حرجة جدا و فترة تعديل حسابات و مسار و ما بين محاولات للتوازن بين اسعاد نفسي و وجود مجتمع يشملني ف القراءة و المحتوى الخاص به سواء بقى فيديوهات او كتابة مراجعات و بين التركيز اكتر ع مجال شغلي الاساس و اركز ف تطوير نفسي فيها بشكل يديها هي الاهمية الاكبر و استغلال الاوقات السابقة للمحتوى ليها هي و ده هيرجع بالسلب ع حاجات كتير ف المحتوى و اولهم قلة الانتشار و الخوارزميات وما الى اخره واللى هو انا اصلا مهما كنت بحاول و افضل مكمل ف استمرارية السعي من الجهة دي ..
ف انا جاي افضفض و افكر معاكم الحقيقة ، انا ما بين نقلل او نختفى و رغم انى عارف انى مش هعرف اختفى
لكن بفكر ف التقليل مع اضافة بعض الجودة و التنظيم
ربما الجودة ف عرض المراجعات للاعمال اللى بنسبالي تستحق بشدة جدا و شايف فيها حاجة تستاهل جدا جدا
و الاكتفاء بعرض الروايات والكتب الاخرى من خلال قراءات شهرية او ربما اسبوعية ده لو كان ف وقت اصلا :D
اضافة حلقة ترشيحات شهرية تستكمل السلاسل اللى بداتها من فترة بالتبادل مع حلقة من دورى البوكر
اضافة حلقة و سلسلة جديدة تتحدث عن الكتب تحديدا ف موضوعات مختلفة
و اخيرا ربما يكون في سلسلة او برنامج ( بودكاست) بشكل اونلاين لو تم نجاح المشروع ، المفروض مكنش بقول حاجة زى دي وانا معنديش لسه امل ف انها تظهر للنور بس بحاول اشارك معاكم كل اللى ف دماغي الفترة المهمة دي
اكيد البوست كان طويل ف القراءة بس اعتقد لو انت بتحب بوكافية و مهتم هتقرا و هتساعد برايك ف الكومنتات و ده هيخليني افكر الفترة الجاية ممكن اعمل ايه ؟
دعواتكم جميعا و شكرا لوقتكم ف القراءة و المشاركة ، حقيقي شكرا
64 - 30
📚 مرحبًا في "بوكافية" – عالم الكتب والقراءة!
🔥 مراجعات كتب | 📖 ترشيحات روايات | 🎯 محتوى لعشاق القراءة
✨ القراءة أذواق، وهاساعدك تلاقي ذوقك!
📍 كتابك الجاي ممكن يكون هنا!