Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
استكمالاً لرحلة انتشارنا على السوشيال ميديا، بفكركم إنى موجود على لينكد إن وحابب اشوفكم هناك ^ ^
فلو انت مهتم وبتسفيد بالمحتوى اللي بقدمه، متنساش تتابعني هناك علشان توصل لكل ما هو شيق ولذيذ 😅
ونظراً لحماسي الزائد فانا بنزل وظائف كتير على لينكد إن محتاجة فريلانسرز في مختلف المجالات.
لينك الأكونت في أول تعليق، منتظر الكونكتات يا أصدقاء 3>
#LinkedIn #ahmedelsebaey #freelance #freelancer #freelanzwya
56 - 2
متبقي ألف ونص علي الــ 300k ❤️
ليه دايما بنشر الفيديو ده؟ وليه هو الفيديو المحبب للقلب (مش عشان رقمه بس) ..
الفيديو ده وأنا بعمله, كان أول فيديو طويل آخد فى السكريبت بتاعه أكتر من شهر بكتبه, بعدّل حاجات بسيطة كل يوم عشان يبقي أحسن..
في النص وأنا بكتبه, جيت وقلت لنفسي .. طيب وبعدين؟ الطبيعي بتاع قناتي كمحتوي تعليمي أنها لما فيديو بيجيب 1000مشاهدة ببقي مبسوط جدا ^ ^ خصوصا لو لقيت حد واحد قال أنه استفاد.. بس ده كان فيديو فعلا أنا ببذل فيه جهد كبير جدا, فحسيت أني محتاجه علي الأقل يوصل لناس أكتر ..
وسبحان الله كنت محتفظ بمذكرات ليا "أنا بكتب مذكرات من 8 سنين ^^ وفارقة معايا جدا فى حياتي, وأنصح أي حد يعمل ده" .. وكنت كاتب في جزء أيام بداية صناعة المحتوي ما فيما معناه:
"أنت محتوي تعليمي, المشاهدة الواحدة عبارة عن شخص واحد قعد قصادك وقرر أنه يتعلم حاجة منّك, وكله مما علمنا الله, فالمشاهد ده المفروض أنت تتبسط بيه, لأنك فرقت مع حد فى معلومة جديدة"
فكملت السكريبت بنفس الشغف, أنه هيفرق مع واحد أو اتنين فعلا بجد ..
وسبحان الله, أهو الفيديو ده فرق معايا أنا شخصيا جداااااا .. مش بس كسوشيال ميديا, بل كشغل ليا علي Upwork نفسه, كفرص جاتلي كتير من وراه, كحاجات كتير جدا كانت بدايتها الفيديو ده..
واللهم لك الحمد أتعرفت علي أصدقاء كتير من وراه فرق معاهم الفيديو..
فسبحان الله. الحمد لله أن الواحد كمّل بنفس الشغف فيه وميأسش فى النص..
الحمد لله ❤️
81 - 9
أخيراً جت الفرصة اللي أقدر أشارككم فيها تجربتي وأشرحلكم فيها كل حاجة تخص مجال إدارة قنوات اليوتيوب🙏🏻
وهنا أنا مش بتكلم عن شوية بوستات وشوية ريلز .. أنا قررت أعمل كورس أشرح فيه كل تفصيلة كبيرة وصغيرة خاصة بالمجال ده.
إني أعمل كورس كانت مجرد فكرة، ولكن بعد فيديو شرح مهارة الأوديت وتفاعل الناس معاه، قررت بإذن الله أعمل محتوى كامل وأنزله ككورس احترافي لتعلم مهارة اليوتيوب من الصفر.
الكورس لسه قيد الإنشاء، فعايز اسمع رأيكم في الفكرة وهل منتظرين فعلاً حاجة زي كده ولا لا؟
ولو لسه مش عارف فأنا مُصنف رقم واحد في مصر في مجال إدارة قنوات اليوتيوب على موقع أبوورك، فاضمنلك إن عندي القدر الكافي من المعلومات اللي أقدر أضيفهالك في المجال ^^
#freelance #freelancer #youtubemanagement #youtube #upwork #course
234 - 74
مينفعش تبقى داخل على 2025 وانت لسه بتواجه مشاكل في الإنجليزي بتاعك..
لإن الشغل كله حالياً محتاج شخص بيعرف يتكلم كويس وقادر يفهم العملاء، خصوصاً لو انت عايز تبقى فريلانسر بيتعامل مع العملاء الأجانب …
فعملت الفيديو ده مخصوص عشان أوضحلك ميزة خفية في ChatGPT قادة تخليك Fluent في الإنجلش في خلال تلات شهور بالكتير…
وبدل الكورسات الكتير والخطط اللي فشلت كلها في تعلم الإنجليزية، ببساطة هيبقى معاك أشطر مدرس إنجليزي في البيت 😅
📌https://youtu.be/f63oTnxbLmE?si=p4DNW...
فيديو عشر دقايق هيفرق في حياتك تماماً، اتفرج عليه وسيبلي تعليقك يا صديقي 3>
#freelancer #freelancing #freelance #chatgpt #ahmedelsebaey #freelanzwya
79 - 5
الجزء التالت والأخير من سلسلة في فيديوهات أبوورك متاح على اليوتيوب ❤️
الفيديو ده بيتكلم عن أهم تفصيلة بتساعدك تتقبل في الوظيفة أو تترفض فيها، وهو "البروبوزال".
في دقائق معدودة شرحت التقسيمة الذهبية لكتابة البروبوزال، واللي وصلتلها بعد ما بعت 1247 بروبوزال وساعدتني أتقبل في وظيفة من كل 3 وظائف بقدم عليهم على الموقع…
https://www.youtube.com/watch?v=KpBcB...
فيديو فيه مجهود كبير جداً، يارب يفيدكم واتمنالكم مشاهدة ممتعة يا أصدقاء ^ ^
#أحمد_السباعي #العمل_الحر #الفريلانس #Upwork #Proposal
55 - 4
مساء الخير يا أصدقاء ^^
النهاردة الساعة 7 ان شاء الله هينزل الفيديو التالت من سلسلة شرح موقع Upwork
ناس كتير بالفعل طلبت مني الفيديو ده لانه بيشرح ازاي تكتب عرض عمل (Proposal) على الوظيفة اللي بتقدم عليها، واللي في رأيي هو بيشارك بنسبة 80% من قرار قبولك او لا في الوظيفة واكيد في الاول والاخر هو توفيق من ربنا ^^
في الفيديو دا حطيت كل الخبايا والتريكات اللي اعرفها في كتابة البروبوزالز بعد كتابة أكتر من 1000 بروبوزال وقبول نسبة كبيرة منهم .. بفضل الله وصلت مؤخرا اني بكسب وظيفة من وسط كل 3 بروبوزالز بقدمهم ^^
هشارك معاكم كل التريكات والنصائح اللي هتخليكوا تقدموا بروبوزال مميز وفيه استهداف لكل شئ العميل طلبه وازاي تبني hook قوي وازاي توصل للعميل انك مهتم بيه وبالبيزنس بتاعه لأقصى درجة .. سواء كنت مبتديء او بقالك فترة على ابوورك ف انا واثق ان فيه معلومات في الفيديو هتفيدك 😅
ما تنسوش تشوفوا الفيديو الأول والتاني لو مشوفتهمش، عشان تستفاد اقصى استفادة ممكنة من السلسلة دي
وزي ما قولتلكوا متنسوش النهاردة الساعة 7، وعرفوني رأيكم واقتراحاتكم بعد ما تشوفوا الفيديو 😅❤️
80 - 10
الاحتفال بهويتنا الإسلامية واقتدائنا برسول الله صلى الله عليه وسلم مش مقترن يوم واحد بس 😅
الاقتداء الحقيقي بالنبي هو الامتثال لصفاته وتطبيق أفعاله في مواقفنا اليومية والحياتية ..
وعلى ذكر هذا الحديث انصحكم وبشدة التعمق في السيرة النبوية والتعلم من كل كبيرة وصغيرة عن نبينا محمد عليه الصلاة والسلام ❤️
ثبتنا الله وإياكم على خطاه يا أصدقاء 3>
164 - 12
بفضل الله بعد أكتر من 200 كومنت من أصدقاء مهتمين إني أشرح ازاي بعمل أوديت لقنوات اليوتيوب، قدرت أعمل الفيديو وهو متاح دلوقتي على اليوتيوب ^^
الفيديو شرح لمهارة قوية ومهمة تقدر تقدمها للعملاء لو انت في مجال اليوتيوب، أو كإضافة علشان تكسب العميل لو انت خارج مجال اليوتوب…
لينك الفيديو في الكومنتات، بتمنالكم مشاهدة ممتعة يا أصدقاء😅
#أحمد_السباعي #يوتيوب #فريلانس #فريلانسر #العمل_الحر
111 - 8
أصدقائنا على مواقع العمل الحر، بتقدموا على الوظائف الصبح أكتر ولا بليل؟
وايه سبب اختياركم للوقت ده ياريت تشاركونا أسبابكم^^
33 - 28
خبرة 8 سنين فى مجال العمل الحر علي أكتر من موقع مختلف, فلو مهتم بالمجال, القناة دي هتبقي بإذن الله مرجع خبرات كتير ليك
فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.
الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير
أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.
فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^