MDM Voice | Poke

MDM Voice
Posted 4 months ago

വിവാഹത്തിന്റെ വിലയറിയാത്തവർ

പൂർണത കൈവരിക്കാനുള്ള മനുഷ്യന്റെ ഉൽക്കടമായ വെമ്പലാണ് മറ്റൊരാളെ കണ്ടെത്തുകയും സ്നേഹിക്കുകയും ചെയ്യുക എന്നത്. ഇത് അർത്ഥവത്താകുന്നത് സമൂഹം അംഗീകരിക്കുന്ന "വിവാഹം" എന്ന ചടങ്ങിലൂടെയാണ്. വിവാഹം രണ്ടു വ്യക്തികൾ തമ്മിലുള്ള ബന്ധം മാത്രമല്ല, രണ്ടു കുടുംബവും രണ്ടു സമൂഹവും തമ്മിലുള്ള ബന്ധമാണ്. എല്ലാ മതങ്ങളും വിവാഹത്തെ പരിശുദ്ധമായി കണക്കാക്കുന്നു. വിവാഹം എന്ന വാക്കിന്റെ അർഥം തന്നെ വിശുദ്ധമായ വഹനം എന്നാണ്. അതുപോലെ പല മതങ്ങളിലും ഉള്ള വിവാഹ കർമത്തിലെ പ്രധാന ചടങ്ങാണല്ലോ "താലികെട്ട്".അതിന് ഒരുപാട് അർഥങ്ങൾ ഉണ്ട്. എന്തായാലും ദൈവത്തിന്റെ സാ ന്നിധ്യത്തിൽ സമൂഹത്തിനു മുന്നിൽ വച്ച് കെട്ടുന്ന താലിക്കു വലിയ മഹത്വവും വിലയും ഉണ്ട്. വരൻ വധുവിന്റെ കഴുത്തിൽ കെട്ടിയ താലിച്ചരട് (താലിചെയിൻ) പൊട്ടിച്ചെറിയാൻ പാടില്ല എന്നാണ് വിശ്വാസം. പക്ഷെ ആധുനിക തലമുറ ഇതിന് വില കല്പിക്കുന്നില്ല (എല്ലാരുമല്ല) വൈവാഹിക ബന്ധങ്ങൾ വലിച്ചെറിയാനും താലിമാല പൊട്ടിച്ചെറിയാനും അവർക്ക് മടിയില്ല. നിസ്സാര കാരണങ്ങളാൽ താലിമാല വലിച്ചു പൊട്ടിച്ചെറിയുന്ന വികല മനസ്കർ, മനസ്സിൽ നിന്ന് സ്നേഹം ചോർന്നുപോയവർ ഇന്ന് കൂടിവരുന്നു. എന്തായാലും ഇത്തരക്കാരെ കാര്യങ്ങൾ മനസിലാക്കികൊടുക്കാൻ മാതാപിതാക്കൾക്കല്ലാതെ മാറ്റാർക്ക് കഴിയും? ഇതും പഠന വിധേയമാക്കേണ്ട വിഷയം തന്നെ.

★ Muraleedharan Mullamattom
★ MDM Voice YouTube Channel

1 - 0

MDM Voice
Posted 8 months ago

★ ജനിച്ചാൽ മരിക്കും ★

മനുഷ്യൻ മരണോന്മുഖൻ ആണ് എന്ന് ചിന്തകന്മാർ പറയുന്നു. അതെ മനുഷ്യജീവിതത്തിൽ മരണം ഒരു അനിവാര്യതയാണ്. മരണമില്ലാത്ത ജീവിതമില്ല. എല്ലാ ജീവികളിലും മരണമുണ്ട്. വിശേഷിച്ചും മനുഷ്യജീവിതത്തിലെ ഒരനിവാര്യമായ ഒരവസ്ഥയാണ് മരണം. അതായത്, മനുഷ്യജീവിതത്തിന്റെ ജനനം മുതൽ അവസാനം വരെയുള്ള കാലഘട്ടത്തിലെ അവസാന പ്രതിഭാസമാണ് മരണം എന്ന് പറയാം. അതായത് ജനനമുണ്ടെങ്കിൽ മരണവും ഉണ്ട്. പാവപ്പെട്ടവനും മരിക്കും, പണക്കാരനും മരിക്കും ചെറിയവനും മരിക്കും ഉന്നതനും മരിക്കും. മരുന്നുകൊണ്ട് മരണത്തെ നീട്ടിവക്കാം എന്നിരുന്നാലും മരണം ഡോക്ടറെയും പിടികൂടും. മരണമാണ് എല്ലാവരെയും തുല്യരാക്കുന്നത് എന്ന് വേണമെങ്കിൽ പറയാം. “ജീവിതത്തിന്റെ ലക്ഷ്യം തന്നെ മരണമാണ്." എന്ന് ഫ്രോയ്ഡ് പറഞ്ഞുവച്ചിട്ടുണ്ട്. എന്നാൽ തനിക്ക് മരണമില്ല എന്ന് വിചാരിച്ച് പലതും കാട്ടിക്കൂട്ടുന്നവർ, മരണത്തെ ഭയമില്ല എന്ന് പറഞ്ഞുനടക്കുന്നവർ വിഡ്ഢികളാണ്. ഇതെക്കുറിച്ച് മഹാഭാരതത്തിൽ പറയുന്നതിങ്ങനെ : “എല്ലാ ദിവസവും ഓരോരുത്തരായി മരിക്കുന്നത് കണ്ടിട്ടും താൻ മരിക്കില്ല എന്ന് ചിന്തിക്കുന്നതാണ് മനുഷ്യന്റെ ഏറ്റവും വലിയ വിഡ്ഢിത്തം."

★ Muraleedharan Mullamattom

★ MDM Voice YouTube channel

2 - 0

MDM Voice
Posted 9 months ago

"ഇനിയും മാറ്റം ഉണ്ടാകില്ലെങ്കിൽ"

മറ്റുള്ളവരെ ദ്രോഹിക്കുന്നവർക്ക്, സഹോദരങ്ങളുടെ സ്വത്ത്‌ തട്ടിയെടുക്കുന്നവർക്ക്, അനാവശ്യ കേസിൽ കുടുക്കി വേണ്ടപ്പെട്ടവരെയും മറ്റുള്ളവരെയും ബുദ്ധിമുട്ടിക്കുന്നവർക്ക്, സ്നേഹിച്ചവരെ മറക്കുകയും സഹായിച്ചവരെ അവഗണിക്കുകയും ചെയ്യുന്നവർക്ക്, പണത്തിനും നേട്ടങ്ങൾക്കും വേണ്ടി എന്തും കാട്ടിക്കൂട്ടുന്നവർക്ക്, വിവിധ ചൂഷണങ്ങൾ നടത്തുന്നവർക്ക്, സഹോദരങ്ങളെയും സഹജീവികളെയും ശത്രുക്കളായി കാണുന്നവർക്ക്, സർവോപരി എനിക്ക് മാത്രം മരണമില്ല എന്ന് കരുതുന്നവർക്ക് ഈ പ്രളയദുരന്തങ്ങളും നെഞ്ച് തകർക്കുന്ന കാഴ്ചകളും പാഠമായില്ലെങ്കിൽ, തിരിച്ചറിവിന് കാരണമായില്ലെങ്കിൽ ഒരിക്കലും ഇവർ മാറാൻ ഇടയില്ല. ഇവരെ ഓർത്തു സഹതപിക്കാനേ കഴിയൂ...

★Muraleedharan Mullamattom
★MDM Voice YouTube Channel

1 - 0

MDM Voice
Posted 2 years ago

★ വായനക്കാർ തന്നെ വലുത് ★

പെൻഷൻ പറ്റിയവരുടെ സംഘടനയിൽ പെട്ട ഒരു സുഹൃത്ത് ചോദിച്ചു... സാറ് എഴുത്തുകാരുടെ സംഘടനയിലും സാംസ്‌കാരിക സംഘടനയിലും ഒന്നും ഇല്ലേ? എന്ന്. ഇല്ല എന്ന് മാത്രം പറഞ്ഞു. ഇതു ചിലർ ചോദിക്കാറുണ്ട്... എന്ത് പറയാൻ? ആരോട് പററയാൻ.... ഒരാൾ ഒരു കവിത എഴുതിയാൽ കവി ആയി, ഒരാൾ ഒരു കഥ എഴുതിയാൽ കഥാകൃത്ത് ആയി. ഒരാൾ ഒരു നോവൽ എഴുതിയാൽ നോവലിസ്റ്റ് ആയി... നല്ലത്. അത് അംഗീകരിക്കാം. എന്നാൽ ഒരാൾ എത്ര ലേഖനം എഴുതിയാലും എത്ര വൈജ്ഞാനിക ഗ്രന്ഥങ്ങൾ എഴുതിയാലും മേല്പറഞ്ഞ വിഭാഗക്കാർ അംഗീകരിക്കില്ല. അവരുടെ exclusive ഗ്രൂപ്പുകളിൽ മറ്റു വിഷയങ്ങൾ എഴുതുന്നവർക്ക് സ്‌ഥാനമില്ല.. അത് പൊതുവായ കാര്യമാണ്.. അതുകൊണ്ട് ക്ഷണിക്കാത്തിടത്തു പോകാറുമില്ല. എന്നെ സംബന്ധിച്ച് വായനക്കാർ ആണ് പ്രധാനം. കൗൺസിലിങ് പഠിക്കുന്നവരും മൊട്ടിവേഷൻ ക്ലാസ്സ്‌ എടുക്കുന്നവരും ചില വിഷയങ്ങളിൽ കോഴ്സ് നടത്തുന്നവരും ഈയുള്ളവന്റെ ബുക്സ് റഫറൻസ് ആയി ഉപയോഗിക്കുന്നുണ്ടെന്ന് പറയാറുണ്ട്. അത് വലിയ അംഗീകാരമായി ഞാൻ കരുതുന്നു. അതുപോലെ അഭിപ്രായങ്ങൾ, സംശയങ്ങൾ ഒക്കെ ചോദിച്ചും അഭിപ്രായങ്ങൾ ആരാഞ്ഞും ഉള്ള വിളികളും ഏറെ വിലമതിക്കുന്നവ തന്നെ. അതിൽ കൂടുതൽ ഒന്നും പ്രതീക്ഷിക്കുന്നുമില്ല. എന്റെ വായനക്കാർ തന്നെയാണ് വലിയ പ്രചോദനം, സമ്പത്ത്.

★ Muraleedharan Mullamattom
★ MDM Voice youtube channel

3 - 0

MDM Voice
Posted 3 years ago

ദുഃഖവെള്ളി എങ്ങനെ ഗുഡ്ഫ്രൈഡേ ആയി
★ ★ ★ ★ ★
യേശുക്രിസ്തു തന്റെ മരണത്തിന്റെ തലേന്ന് ശിഷ്യൻമാരോടൊത്തു നടത്തിയ അന്ത്യ അത്താഴ ദിനമാണ് പെസഹാവ്യാഴം. പീഡാനുഭവത്തിലും മരണത്തിലും കൂടി ജീവനിലേക്കും മഹത്വത്തിലേക്കും യേശുനാഥൻ "കടന്നു പോയ"തിനെ യാണ് പെസഹാ ആചരണത്തിലൂടെ ക്രൈസ്തവർ അനുസ്മരിക്കുകയും ആഘോഷിക്കുകയും ചെയ്യുന്നത്. അതിനടുത്ത ദിവസമായ വെള്ളിയാഴ്ച്ചയാണ് യേശു കുരിശിൽ തറക്കപ്പെട്ടത്. ഈ ദിവസവും അവിടുത്തെ പീഡാനുഭവും കുരിശുമരണവും അനുസ്മരിച്ചുകൊണ്ട് ദുഃഖവെള്ളി ആചരിക്കുന്നു. ഇതെങ്ങനെ ഗുഡ് ഫ്രൈഡേ ആയി?

മാർട്ടിൻ ലൂഥർ ആണ് ദുഃഖവെള്ളിയാഴ്ചയെ Guter Freitag എന്ന് വിശേഷിപ്പിച്ചത്. യേശു മനുഷ്യരക്ഷക്കുവേണ്ടി ക്രൂശിതനായതു കൊണ്ടാണ് ആ ദിവസത്തെ ലൂഥർ അങ്ങനെ വിശേഷിപ്പിച്ചത്. ലൂഥറിന്റെ ഈ വിശേഷണം അദ്ദേഹത്തിന്റെ ജന്മദേശമായ ജർമ്മനിയെ കാര്യമായി സ്വാധീനിച്ചില്ലെങ്കിലും മതനവീകരണ പ്രസ്ഥാനത്തിലൂടെ ഇംഗ്ലീഷ് ഭാഷ സംസാരിക്കുന്ന രാജ്യങ്ങളിൽ പ്രചരിച്ചതിന്റെ ഫലമായിരിക്കണം ദുഃഖവെള്ളി ഇംഗ്ളീഷിൽ
good friday ആയിത്തീർന്നത് എന്ന് കരുതണം.

പെസഹ കഴിഞ്ഞു വരുന്ന ഞായറാഴ്ചയാണ് ഈസ്റ്റർ ആയി കണക്കാക്കുന്നത്. യേശുവിന്റെ ഉയിർപ്പിന്റെ ദിവസമാണ് ഈസ്റ്റർ ദിനം. എന്നാൽ പെസഹാ ആചരണം, ദുഃഖവെള്ളി, ഈസ്റ്റർ എന്നീ ദിവസങ്ങൾ ആണ്ടുതോറും മാറിവരുന്നതിനു കാരണമുണ്ട്. ഗ്രിഗോറിയൻ കലണ്ടർ അനുസരിച്ച് വസന്തത്തിലെ സമരാത്ര ദിനം (Equinox) ആയ മാർച്ച്‌ 21 നോ അതിനു ശേഷമോ വരുന്ന വെളുത്ത വാവു കഴിഞ്ഞുള്ള ഞായറാഴ്ചയാണ് ഈസ്റ്റർ ദിനം. ഇനി വെളുത്ത വാവ് ഞായറാഴ്ചയാണെങ്കിൽ അതിനടുത്ത ഞായറാഴ്ചയായിരിക്കും ഈസ്റ്റർ. അതായത് മാർച്ച്‌ 22 നും ഏപ്രിൽ 25 നും ഇടക്കുള്ള ഏതു ഞായറാഴ്ചയും ഈസ്റ്റർ വരാവുന്നതാണ്.
★ ★ ★ ★ ★

Muraleedharan Mullamattom
MDM Voice youtube channel

10 - 0