Channel Avatar

Gorchani Studio @UCByxAdhA-QVuTR6MUbaMMCw@youtube.com

62 subscribers - no pronouns :c

Hello Friends I am Ghulam Hussain Gorchani , Owner Gorchani

Videos Shorts Posts Playlists

Welcoem to posts!!

in the future - u will be able to do some more stuff here,,,!! like pat catgirl- i mean um yeah... for now u can only see others's posts :c

Gorchani Studio
Posted 1 year ago

#سرائیکی شاعری

تیکوں یاد کریجے اووں ویلے
جڈاں بیریں بور توں جھور ہوون
جڈاں ساول پیر دھگیرے چا
جڈاں سرمی ہووے جوبن تے
سرمی دے نازک پھولاں تے
میڈا یار آسور دے ویلے کوں
جڈاں شبنم کیردی پائی ہووے
جڈاں کالی رات دے سینے وچ
کوئی چاندنی ٹوردی پائی ہووے
تیکوں یاد کریجے اوؤں ویلے

تیکوں یاد کریجے اوؤں ویلے
جڈاں پیلوں پک کے لال ہوون
جڈاں پیلوں چونڑدے بال ہوون
جڈاں کاناں بھولر چاے ہوون
جڈاں تار وہیرے تھاے ہوون
جڈاں ساونڑ دی سغراند لگے
جڈاں بدلاں دا گجکار ہووے
جڈاں وسدے مہیئں اچ اوڈے ہوے
کجھ کاواں دا کرکار ہووے
جڈاں چردے مال دئیاں ٹلیاں دا
کاہیں دے وچ کھڑکار ہووے
تیکوں یاد کریجے اوؤں ویلے

تیکوں یاد کریجے اوؤں ویلے
جڈاں گیرے گھوکدے پاے ہوون
جڈاں خومرے مست الست ہوون
جڈاں کونجاں فجر کوں تلہڑ دی
تریمدی ہوئی تریڑ دے باہندے ہوئیں
ایویں پہولے پہولے پیر رکھین
جیویں خواب اکھیں وچ ٹوردا ھے
جڈاں بلبل اپنڑے آلہڑے کوں
پھول پتیاں لاونڑ آئی ہووے
جڈاں ساوے ونڑ دی ساول تے
کوئی کوئل گاونڑ آئی ہووے
جڈاں پھول دے پاک کٹورے چوں
دھوپ شبنم چاونڑ آئی ہووے
تیکوں یاد کریجے اوؤں ویلے
تیکوں یاد کریجے اوؤں ویلے

2 - 0