आईची साठवण..जेवणाची आठवण..

नमस्कार मित्रांनो आणि मैत्रिणींनो, स्वागत आहे आपले आईच्या साठवनितल्या असलेल्या आपल्या आवडत्या पदार्थांच्या आठवणीत..
आईपासून लांब गेल्यावर आठवते ते म्हणजे तिचा हातचं जेवण..आई नक्की काय करायची कळत नाही पण तिच्या हातच्या जेवणाला इतकी सुंदर चव असायची की काय सांगावं? साधा वरण्-भात त्यावर लिंबु, मीठ, तुप! काय सॉलिड लागायचं ते. कधी कधी उरलेल्या भाताला किंवा पोळीला फोडणी देउन आई वाढायची.बाई गं! किती पदार्थ आहेत. तोंडाला पाणी सुटलं आठवुन. काय ती फोडणीची पोळी कुरकुरीत, खमंग लागायची. देवा रे, हा पदार्थ कुठल्याच हॉटेलमध्ये मिळंणं नामुमकीन. हाच काय, आईच्या हातचे कुठलेच पदार्थ कुठेच मिळणं अवघड.
लग्न झाले,आई आणि तिच्या हातच्या अमृतापासून लांब पण त्या आठवणी गर्भरेशमी आहेत, जपुन ठेवलेल्या! अजुनही जिभेवर घोळवलेल्या. तुमच्याही अशा चवदार आठवणी आहेत ना.. चला सोबत मिळुन करू अशाच आठवनीतील काही साठवणीत असलेलं पदार्थ.. मग .... अजुन लज्जत येईल!