Welcoem to posts!!

اكلة مروة ابراهيمmarwa ibrahem
Posted 3 weeks ago

اي رأيكم نكمل في جهاز العروسة ولا لاء😍😍 احتاج دعمكم

1 - 0

اكلة مروة ابراهيمmarwa ibrahem
Posted 5 months ago

الطحال بطريقة روعة هتحبيه من اول قطمة

0 - 0

اكلة مروة ابراهيمmarwa ibrahem
Posted 7 months ago

ومعانا اول وصفه حقيقيه للتوميه السوري السوري
كلام مش هتعرفوه غير هنا
ركزوا معايا 👇👇👌👌👌
ليها طريقتين هقولكوا عليهم دلوقت
اول طريقه للتوميه وده بيتعمل في المطاعم
بياض بيضتين او بيضتين كاملين
ربع معلقه ملح ليمون
فصين توم
معلقه كبيره خل
معلقه ص ملح
نص كوب زيت
لازم هنا هاند بلندر البيض مش هيعمل فوم الا بالهاند بلندر
هنحط كل المقادير سوا علي بعض كله كله وننزل بالهاند بلندر لتحت خالص ونضرب وبعد القوام مايفتح لونه ويبتدي يتقل نطلع لفوق شويه ونكمل ضرب لحد مايبقي تمام وخلاص كده هتكون عندك احلي توميه 🌹🌹
النسخه التانيه اللي بيستخدمها اغلب المطاعم المصريه
هي👇👇
كوبين ماء
نص كوب نشا
قلبي علي البارد وارفعيهم علي النار قلبي كتير لحد ما القوام يتقل سيبيه يبرد خالص
بعد مايبرد في الخلاط حطي 👇👇
علبه زبادي ص
ربع معلقه ص ملح ليمون
معلقه ملح
٣ فصوص توم
معلقه ك عصير ليمون
معلقه ك خل
خليط النشا
وربع كوب زيت
اضربي الكلام ده كويس جدا لو لقيتي الخلاط تقيل ضيفي معلقتين مايه
وبعد ماتضربي تمام ضيفي ربع كوب زيت تاني واضربي كويس لحد ماتاخدي القوام كويس
وبالف هنا وشفا 🌹🌹
التوميه الاسبايسي👌👌 ودي استاهل عليها دعوه حلوه من القلب بقي اقسمي خليط التوميه اتنين
خدي نص في الخلاط ضيفي عليه معلقه ك هريسه شطه
معلقه ك شطه بودر
معلقه ك بابريكا واضربي تاني وبالف هنا وشفا ليكوا ياااااارب 🌹🌹🌹
#اكلة_مروة_ابراهيم

1 - 0

اكلة مروة ابراهيمmarwa ibrahem
Posted 7 months ago

https://youtu.be/qNhjp88zhY8?si=le-N9...
اللّهم إن كان رزقي في السّماء فأنزله، وإن كان في الأرض فأخرجه، وإن كان بعيداً فقرّبه، وإن كان قريباً فيسّره، وإن كان قليلاً فكثّره، وإن كان كثيراً فبارك لي فيه

0 - 0

اكلة مروة ابراهيمmarwa ibrahem
Posted 7 months ago

3 - 0

اكلة مروة ابراهيمmarwa ibrahem
Posted 8 months ago

نصيحه على الماشي بالنسبه للبسكوت
هتسمي الله وتصفي النيه ☺️
قبل ما تضربي السكر والسمن اتاكدي ان البوله اللي بتضربي فيها تكون ناشفه تماما ما فيهاش اي نقطه ميه عشان الزفاره بالله عليكي ولازم لازم تحطي معلقه خل على البيض
ولو بتحبي سكره حلو يبقى مقدار السكر قد مقدار السمنه او الزبده لو بتحب سكر الخفيف بتشيلي من مقدار السكر معلقتين او ثلاثه وابقي اغمزي 😉المقدار بمعلقتين ثلاثه سمنه ويا سلام بقى لو سمنه بلدي ياه بتخليه في حته ثانيه
ولو بتعملي بسمنه بلدي ما تحطيش اي روايح اكتفي الفانيلا وبس كفايه طعم السمنه وريحتها😘
ولو بسمنه عاديه حطي بقى كل اللي نفسك فيه
وما تحطيش مقدار الدقيق كله مره واحده حطي شويه بشويه على حسب لان في دقيق بيشرب وفي دقيق ما بيشربش ولو نشف معاكي وفرول بتطريه بشويه لبن
اه قبل ما انسى لو البسكوت طري ورطب معاكي في ايام العيد وبعد العيد بتسخني الفرن بتاعك تسخينه حلوه وتطفيه وتدخلي فيه البسكوت وتسيبيه شويه وبتطلعي كانه لسه طالع من الفرن
🥰

1 - 0

اكلة مروة ابراهيمmarwa ibrahem
Posted 8 months ago

#اكلة_مروة_ابراهيم الكحك بقي عمهم كلهم 😍 الكحك ده ليه شوية تكات من غيرهم ياهيتحول لقرص يا قراقيش انتي وحظك 😄 طب نعمله كحك دايب وعلي مزاجنا ازاي 🤌

🌸اولا كده الكحك مش بيخمر الكحك مش بنسيبه يخمر الكحك مبيتخمرش ❌

🌸بتضربي السمنه الاول وهي بارده وتخلي قوامها يهيش ويفتح لونه 👇

🌸 متعجنيش الكحك بلبن بيقصر عمره اعجنيه بمايه افضل كتير ومافيش حاجه اسمها اللبن بيخليه دايب اكتر ❌ السوائل بصفه عانه هي اللي بتتحكم في دوبان الكحك قللتي سوايل الكحك دايب كترتي سوايل الكحك هيقرش منك 👍

🌸 ممكن لو بتحبي الكحك بالبيكنج بودر تحطي ربع معلقه وتشيلي قصادها ربع معلقة خميره بس متزوديش عشان البيكنج بودر هو اللي بيضيع بصمته 👌 وانا عموما بحبه بالخميره بس 👍

🌸 تسوية الكحك ع الهادي ١٨٠ درجه رف اوسط عشان يستوي علي مهله من جوه ويطلع مظبوط وتستني لحد ما يحمر من تحت تطلعيه والكحك مبيتفتحش عليه شوايه ❌

🌸 كيلو الدقيق بياخد نص كوب مايه فقط يعني ١٠٠ مل مايه ده المقدار المظبوط اللي يطلعه دايب وفي نفس الوقت مش بيلزق في سقف بوءك اقل من كده هيلزق واكتر من كده هيقرش منك بس لو ذوقك الشخصي زيي كده بتحبيه بيقرش سنه بسيطه حطي كوب الا ربع ماء ده اخرك يعني ١٥٠ مل مايه

🌸 بفكركم تاني انه الكحك مبيخمرش بتعجني وتشكلي علي كول وتشكلي وتخبزي علي طول 👌 لو هتريحي العجينه علي ما اللي في الفرن يستوي لو فرنك صغير يكون في التلاجه ولما تخرج هتضطري تلمي فيها تاني بس علي مهلك اخدميها متعجنيش فيها اخدمي حبه حبه بايدك كده ولو عندك عجان اخدميها باداة الكف علي اهدي سرعه في العجان 👍

🌸انا بحب سمك الكحكايه يكون متبطط شويه ده ذوقي لكن لو انتي عاوزاه المنفوخ شويه ده ومقلبظ في نفسه 😄 هتدوسي بالبصامه علي خفيف مش هتضغطي بيها اوي والكوره نفسها اللي هتعمليها هتسبيها كوره زي ما هي انا ببططها بايدي بسيط قبل البصامه فالتشكيل ده عموما حسب ذوقك وراحتك بقي 😉

🌸الكحك المحشي سواء ملبن عجوه عجمية يستوي علي حراره ٢٠٠ عشان لو طول في الفرن ااحشوه هتنفجر وهتنشف ف بيستوي علي خراره اعلي عشان يحمر اسرع واول ما يحمر من تحت نفتح بقي شوايه عليه المحشي بنفتح الشوايه عشان نضمن انه استوي من فوق لان تسويته اسرع بس نقف جمبه واول ما ياخد لون بسرعه نخرجه م الفرن 👍

🌸بأكد تاني بلاش نلعب في الثوابت يا جماعه 😂😂
محدش يخش يقولي ينفع اعمل الكحك بزبده 👇
شير وخلو غيركم يستفيد @ المتابعين مروة ابراهيم @أبرز المعجبين

2 - 0

اكلة مروة ابراهيمmarwa ibrahem
Posted 8 months ago

فينك يال لسة مجربتيش الجلاش الحلو بالطريقة دي

0 - 0

اكلة مروة ابراهيمmarwa ibrahem
Posted 9 months ago

اقوي واضمن طريقة تنظيف للبوتجاز بدون اي منظفات او دعك كتير من غير ايديكي ماتسود ادخلي بسرعة وشوفي العظمة اخترااااااع

0 - 0

اكلة مروة ابراهيمmarwa ibrahem
Posted 9 months ago

الحمام المحشي بالارز بتكات مستحيل يفرقع منك تاني

2 - 0