Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
2025.1.4
港珠紀州釣偶遇有撚機會貧道會長Alan, 梗係打翻個卡先.
作為同代紀州釣手+釣魚Youtuber(我兩樣都係哎呀果隻), 今日拍住隔離墩釣, 仲一齊睇到幾條大型白海豚, 再一齊打左隻大龜, 真係非常難得. 幸會!!!!!
28 - 11
2024.3.2 鴉洲碼頭
有幸同日本山本太郎(左); 香港紀洲豪(右)兩位磯釣大師合影。感謝兩位將紀州釣帶俾大家🙌🏻🙌🏻🙌🏻
17 - 0
上次的白灼大尾魷, 家人說味太淡, 口感又太實. 今次再實驗, 用爸爸釣的大魷魚, 弄了個椒鹽大尾魷, 終於大家都滿意. 醃料的底味令魷魚變得可口, 而今次魷魚較大, 小火炸的時間刻意長一點, 用刀叉吃起來不會有難受的感覺. 整體而言, 是個惹味可口的食法.
食譜:
1. 先將備用的大尾魷小件醃30分鐘 (鹽, 蒜粉, 白胡椒粉, 椒鹽粉, 魚露, 花雕, 生抽)
2. 用低筋麵粉/薯粉1:1, 沾滿大尾魷所有位置
3. 細火炸3分鐘, 撈起
4. 大火再炸1分鐘, 上碟
5. 隨意後補椒鹽粉, 辣粉
10 - 0
暫時處理過最高質既紅鮋. 食前起魚皮, 皮下光澤賞心悅目. 落刀切魚生片, 魚肉柔軟略帶黏刀, 刀身薄薄沾了一層魚油. 入口除了紅鮋獨特的鮮味, 更有豐富魚油溢出. 炸魚塊口感鬆軟, 但魚肉太肥, 食第二舊就滯口. 自製Greek salad, 酸酸的salad dressing幫手去一去油膩. 至於火箭魷魚, 肉質, 味道也非常適合做炸物. 冇得挑剔了, 絕對是食過最完美的炸魷魚.
朝早十點忙到夜晚十點. 散晒, 但好滿足😁😄😆
2 - 1
第一次紀錄自己開魚時間. 8斤11紅鮋, 開左1小時20分 😁😁
5 - 1
近日在facebook<香港丸九同好會>寫了篇新手分享, 也想在youtube分享予不在群組的釣友.
紀州新手分享 (15.1.2023首post於facebook<香港丸九同好會>)
相信好多人同我一樣, 睇左豪師兄既紀州教室+中魚神技片段後, 開始探索紀州釣. 我係一個毫無磯釣基礎既人, 一直探索左近20次, 當中只係符碌中過一條魚, 中間有吾明就請教豪師兄, 慢慢修正d誤區. 去年底我進入了開竅期, 開始識避免一些常犯錯誤. 最近把學到的和同樣沒有磯釣基礎的爸爸分享, 並一起做了3課港珠紀州練習, 結果3次都釣到目標魚回家 (每次一兩條良型only, 同d高手師兄比差好遠, 但夠我開心喇~). 而爸爸更是第3次練習紀州釣就中魚, 比我幸福好多😂
如果有師兄, 又好似我咁由零開始, 睇左紀州教室後開始探索, 不妨參考下我的小小分享, 以減少不必要既冤枉路:
1. 釣點流速: 如果係新手, 一定要揀到慢流地點/時段作釣. 雖說紀州有應對快流的方法, 但對學習中的新手難道太高. 各位出發前, 可用水流預測系統睇睇釣點是否適合練習.
2. 團子: 頭幾次玩, 團子質素成日會參差, 令個波未到海底就爆左. 為左增加作釣效率, 不妨壓實dd個波(但不是狂加水開粉), 確保個波每次都落到底.
3. 釣棚設定/爆波判斷:
a) 無流時, 釣棚=水深, 團子到底, 釣組完全張開時, 要剛剛見到枝標被團子重量牽引而出現較大角度, 爆波就角度收細. 之後既彈/沉標, 都係魚訊.
b) 有流時, 要比a)增加釣棚長度(隨流速而定, 流愈快, 釣組愈長). 團子到底後, 線擋慢慢會被流水推到浮標位, 但基本上這個"線擋追浮標"的過程不應太長(約半分鐘內要追到, 否則代表釣組過長). 至於爆波判斷, 同a)相近.
4. 每團子作釣時間: 曾經以為一個波可以釣十幾分鐘, 其實密密拋波, 保持誘餌區濃度先係重點. 加上化餌情況, 一小時拋十個波以上先叫合理. 再者, 其實90%既中魚都係團子落水後3分鐘內既事. 所以逆向推敲, 一個波只係適合釣幾分鐘.
5. 作釣範圍: 千萬不要用浮游磯釣放流搵魚的思維. 如果浮標離開了誘餌區太多, 基本上好少中魚的. 與其無意義的等待, 不如再搓新波主攻誘餌區.
6. 魚訊: 吾好等沉標. 如果浮標由平訓彈到45度, 就要試抽. 另外, 豪師兄分享過, 如果小角度彈標維持6秒以上都可抽. 抽空氣吾好灰心, 這是小魚化餌, 遊戲一部份. 可能下次抽竿, 會是手感堅實的目標魚.
以上分享只是我的新手視角, 歡迎各位師兄討論. 如果我有不準確的認知, 歡迎指正教導. 如要進階技術教學, 請求教其他丸九大師兄. 最後, 再次感謝豪師兄對紀州釣的推廣, 令一眾釣友可認識這充滿趣味的釣法.😁
11 - 12
2018年冬天, 碼頭邊亂釣魚毛時遇到教我夜釣大魚既文哥. 2020網上見到豪師兄神技，又跟隨步伐開始摸索紀州釣. 同年又有幸跟榮少出南油, 隨之開拓左船釣既新世界. 每一種釣法, 由學習實踐, 反覆嘗試, 到釣到魚既過程經歷, 帶俾過我既快樂永世難忘. 吾知呢份熱忱會維持幾耐, 可能將來我有放低漁竿既一日, 但釣魚呢幾年俾我既回憶已經係無價. 好似話, 如果係都要喺呢份愛加上一個期限, 我希望係一萬年. 難得糊塗. 為左將呢份純粹加以保存, 決定今年起拍片記低釣魚既畫面, 為自己走過呢段路留低最原始既記錄. 將來睇翻, 一定好有意思 😁
Hi folks, this channel is set up to record my fishing moments in Hong Kong or other places around the world. The videos in this channel may not be fancy at all, but my idea is to keep fishing experience authentic and original. Hope you enjoy! Cheers!