Welcoem to posts!!

kuniyil honey farm paloli
Posted 7 months ago

3 - 0

kuniyil honey farm paloli
Posted 7 months ago

2 - 0

kuniyil honey farm paloli
Posted 1 year ago

കൂട് വിഭജിക്കുന്ന സമയം ഉണ്ടാകുന്ന സ്വാമിംഗ് ....! ചെറുതേനീച്ചക്കൂടുകൾ പിരിച്ചു വച്ച് ഇരട്ടിപ്പിക്കുന്ന സമയമാണ് ഇപ്പോൾ . ചെറുതേനീച്ച കോളനി പിരിച്ചു വക്കുന്നതിനായി നാം ആദ്യമായി ഒരു കാലിക്കൂട് പിരിക്കാൻ ഉദ്ദേശിക്കുന്ന കൂടിനടുത്ത് വച്ച് മാതൃകോളനി തുറന്ന് അതിൽ നിന്നും റാണി ഈച്ചയേയും പഴയതും പുതുതുമായ കുറച്ച് മുട്ടകളും കുറച്ച് പൂമ്പൊടിക്കട്ടകൾ, ഒരല്പം പൊട്ടാത്ത തേനറ എന്നിവ സഹിതം പുതിയ കാലിപെട്ടിയിലേക്ക് മാതൃകോളനിയിൽ നിന്നും എടുത്തു വക്കുന്നു. അതല്ലെങ്കിൽ, റാണിമുട്ടയും പുതിയതും പഴയതുമായ മുട്ടകളും , പൂമ്പൊടി, തേനറ എന്നിവയും സഹിതം കരുതിയ കാലിപ്പെട്ടിക്കകത്ത് വച്ചു കൊടുക്കുകയും പകുതിയോളം ഈച്ചകൾ ഇരു ബോക്സിനകത്തും വരുന്ന രീതിയിൽ പിരിച്ചു വക്കുന്നു ഈ തരത്തിലുള്ള രീതികളാണ് നാം മിക്കവാറും അവലംബിച്ചു വരുന്നത്. എന്നാൽ ഇപ്രകാരം കൂടുകൾ വിഭജിക്കുന്ന സമയത്ത് ചിലപ്പോഴെങ്കിലും മാതൃ കൂട്ടിൽ നേരത്തേ ഉണ്ടായിരുന്ന റാണിമുട്ട വിരിഞ്ഞിറങ്ങിയ കന്യകയായ റാണിഈച്ച (ഇതിനെ ഗൈനി ഈച്ച എന്നാണ് വിളിക്കുന്നത് ) കൂട്ടിലുള്ള കുറേ ഈച്ചകൾക്കൊപ്പം സെറ്റ് പിരിക്കാനായി തുറന്ന് വച്ച കൂട്ടിൽ നിന്നും പറന്ന് പുറത്ത് പോയി പിരിച്ചു വക്കൽ നടത്തുന്ന കൂടുകളുടെ പരിസരത്ത് കൂട്ടമായി പറക്കുന്നത് കാണാറുണ്ട്. (എപ്പോഴും എല്ലാ കൂടുകളും വിഭജിക്കുമ്പോഴും ഇത് കാണണം എന്നില്ല.) കൂട്പിരിച്ചു വച്ചു കഴിയുമ്പോൾ സ്വാഭാവികമായും മാതൃ കോളനിയോ അല്ലെങ്കിൽ പിരിച്ച് വച്ച പുതിയ കൂടോ ഏതെങ്കിലും ഒന്നിനെ നമ്മൾ കുറച്ച് ദൂരത്തോട്ട് മാറ്റിസ്ഥാപിക്കും. അപ്പോൾ പുതിയ റാണി ഈച്ചയും കൂട്ടരും അവശേഷിക്കുന്ന പഴയ കൂട്ടിൽ അതായത് പിരിക്കുന്നതിന് മുമ്പ് നാം വച്ചിരുന്ന സ്ഥലത്ത് ഇപ്പോൾ ഏത് കൂടാണ് വച്ചിട്ടുള്ളത് ആ കൂട്ടിലേക്ക് കയറും. ചിലപ്പോൾ ഇതുപോലെ നാം കൂട്പിരിച്ച് വക്കുമ്പോൾ പ്രകൃതിയിൽ നിന്നോ , നമ്മുടെ പക്കലുള്ള മറ്റൊരു കൂട്ടിൽ നിന്നോ ഒരു പുതിയ റാണിയുടെ നേതൃത്വത്തിൽ കുറേ ചെറുതേനീച്ചകൾ സ്വയം സെറ്റ് പിരിഞ്ഞ് നാം പിരിച്ചു വച്ച കോളനികളെ ലക്ഷ്യമാക്കി വരുന്നതായും കാണാം. പൊതുവേ ഒരു റാണി ഈച്ചയും സംഘവും ഇപ്രകാരം പുതിയ കോളനി സ്ഥാപിക്കാൻ സ്ഥലം തേടി കൂട്ടമായി വരുന്ന ഈ പ്രതിഭാസത്തെ സ്വാമിംഗ് (swaming) എന്നാണ് അറിയപ്പെടുന്നത്. ഒരു ശക്തമായ കോളനിയിൽ നിന്നും നമ്മൾ കൃത്രിമമായി വിഭജനം നടത്താതെത്തന്നെ സ്വാഭാവികമായിത്തന്നെ ഒരു വർഷത്തിൽ രണ്ടോ മൂന്നോ പ്രാവശ്യം ഇപ്രകാരം സെറ്റ് പിരിഞ്ഞ് പോകൽ നടക്കാറുണ്ട്. പിരിഞ്ഞ് പോകുന്ന കോളനികൾ ആ കോളനിയിലെ വേലക്കാരി ഈ ച്ചകൾ നേരത്തേ കണ്ടു വച്ചിരുന്ന (ഇപ്രകാരം സെറ്റ് പിരിഞ്ഞ് പോകുന്ന തേനീച്ചകളിലെ ചില ഈച്ചകൾ ദിവസങ്ങൾക്കു മുൻപേ കോളനിയാക്കാൻ പറ്റിയ സ്ഥലങ്ങൾ തിരക്കിയിറങ്ങി ആയത് കണ്ടത്തിയിട്ടുണ്ടാകും ഇത്തരം ജോലിക്കായി നിയോഗിക്കപ്പെട്ട തേനീച്ചകൾ സ്കൗട്ട് ബീസ് (scout bees) എന്ന പേരിലാണ് അറിയപ്പെടുന്നത്) കോളനിയാക്കാൻ പറ്റിയ സ്ഥലങ്ങൾ ഒന്നുകിൽ പ്രകൃതിയിൽ ഉള്ള സുരക്ഷിതമായ ഒരു സ്ഥലമോ , അതല്ലെങ്കിൽ താരതമ്യേന അംഗസംഖ്യ കുറഞ്ഞ മറ്റൊരു ചെറുതേനീച്ച കോളനിയോ ആകാം. മറ്റൊരു കോളനിയെ ആക്രമിച്ച് അതിലെ വേലക്കാരി ഈച്ചകളേയും റാണിയേയും കടിപിടി നടത്തി കൊന്നു കളഞ്ഞ് ആ കോളനിയെ സ്വന്തമാക്കുന്ന സംഗതിക്ക് അഗ്രസ്സീവ് സ്വാമിംഗ്(agressive swaming) എന്നാണ് പൊതുവേ അറിയപ്പെടുന്നത്. ഞാനിവിടെ പറയുന്നത് കൂട് അഥവാ ചെറുതേനീച്ച കോളനി പിരിച്ചു വക്കുന്ന സമയം ഉണ്ടാകുന്ന സ്വാമിഗിന്റെ ഫലമായി ഉണ്ടാകുന്ന പിരിച്ചു വച്ച കോളനിക്കുണ്ടാക്കുന്ന ചില പ്രതികൂല അനുഭവങ്ങളാണ്. അതായത് പിരിച്ചു വച്ച കോളനിയിലേക്ക് സ്വാമിംഗ് ഈച്ചകൾ കടന്നു കയറുമ്പോൾ അതിനകത്തുള്ള പഴയറാണിയെയും വേലക്കാരി ഈച്ചകളേയും സ്വാമിംഗ് ഈച്ചകൾ ആക്രമിക്കുന്നു. ഇപ്രകാരമുള്ള ആക്രമണത്തിൽ ഇരുഭാഗത്തും കനത്ത നഷ്ടം ഉണ്ടാകുന്നു. അതായത് ഇരുപക്ഷത്തുമുള്ള ധാരാളം ഈച്ചകൾ കടിപിടി കൂടി ചത്തു പോകുന്നു. ചിലപ്പോൾ ഇരു റാണികൾ പോലും ഇതിന്റെ ഫലമായി ചത്ത് പോകുന്നതിനും പിരിച്ചു വച്ച കോളനികളിലൊന്ന് പരാജയപ്പെടുന്നതിനു o ഇടയാക്കുകയും ചെയ്യും. ഈ ഗ്രൂപ്പിൽ തന്നെ പലരും പറയാറുണ്ട് ഞാൻ നല്ല രീതിയിൽ കൂട്പിരിച്ചു വച്ചതാണ് എന്നീട്ടും അത് പരാജയം ആയിത്തീർന്നുവെന്ന്. അതിനുള്ള കാരണങ്ങളിൽ ഒന്ന് ഇതായിരിക്കാം. ഇനി നമുക്ക് ഇത്തരം അവസ്ഥ ഒഴിവാക്കാൻ എന്ത് ചെയ്യാം എന്ന് നോക്കാം. ഞാൻ സാധാരണയായി ഇക്കാര്യം ഒഴിവാക്കുന്നതിനായി ചെയ്യാറുള്ളത് ഇങ്ങനെയാണ്. അതായത് റാണിമുട്ടയും , പകുതി ഈച്ച, പൂമ്പൊടി എന്നിവയുള്ള കോളനിയെ വിഭജിക്കുന്നതിന് മുമ്പ് പഴയ കൂട് ഇരുന്നിരുന്ന സ്ഥലത്ത് വക്കുന്നു. പഴയകൂട്ടിലെ റാണി ഈച്ച, പഴയതും പുതുതുമായ മുട്ടകൾ, പൂമ്പൊടി കട്ടകൾ, ഒരല്പം പൊട്ടാത്ത തേനറ എന്നിവയും ഏകദേശം പകുതി ഇച്ചയും അടങ്ങിയ പുതിയ പെട്ടിയെ ദൂരെയുള്ള മറ്റൊരിടത്ത് മാറ്റി സ്ഥാപിച്ച് കൊടുക്കുന്നു. അങ്ങനെ വരുമ്പോൾ സ്വാമിംഗ് ഈച്ചകൾ ആക്രമിച്ചാലും റാണി ഇല്ലാത്ത കോളനിയിലേക്കാണ് വരുന്നതെന്നാൽ കുറച്ച് തേനീച്ചകൾ കൊല്ലപ്പെട്ടാലും കോളനി നഷ്ടമാകുകയില്ല. ദൂരെ മാറ്റിവച്ച പഴയറാണി ഈച്ചയുള്ള കോളനി സുരക്ഷിതമായി രണ്ട് ദിവസത്തേക്ക് പ്രവേശന ദ്വാരം അടച്ചുക്കുക. അതിന് ശേഷം മാത്രം തുറന്ന് കൊടുക്കുക. കുറച്ചു ദിവസത്തേക്ക് ഈ കോളണിയെ മറ്റ് സ്വാമിംഗ് ഈച്ചകൾ ആക്രമിക്കുന്നുണ്ടോ എന്നും നിരീക്ഷിക്കണം. ഇപ്രകാരം ചെയ്യുന്ന പക്ഷം കോളനി വിഭജനത്തിനിടയിലെ സ്വാമിംഗ് വഴിയുള്ള പരാജയങ്ങൾ നമുക്ക് ഒരു പരിധി വരെ ഒഴിവാക്കാൻ സാധിക്കും. എല്ലാവർക്കും ഐശ്വര്യപൂർണ്ണമായ നവവത്സരാശംസകൾ നേർന്നുകൊണ്ട് . ...നവാസ് പാലോളി ❤🥰🥰👍

1 - 1

kuniyil honey farm paloli
Posted 1 year ago

4 - 2

kuniyil honey farm paloli
Posted 1 year ago

8 - 4

kuniyil honey farm paloli
Posted 1 year ago

11 - 1

kuniyil honey farm paloli
Posted 1 year ago

15 - 9

kuniyil honey farm paloli
Posted 1 year ago

4 - 0

kuniyil honey farm paloli
Posted 1 year ago

11 - 12

kuniyil honey farm paloli
Posted 1 year ago

*തേനീച്ച*

കഠിനാധ്വാനത്തിന്റെ മികച്ച മാതൃകയാണ് തേനീച്ചകള്‍ . അവയുടെ സാമൂഹികജീവിതത്തില്‍ നിന്ന് മനുഷ്യന് വളരെയേറെ പഠിക്കാനുണ്ട്. തേനീച്ചയെ കുറിച്ച് ചില തേനൂറും കൌതുക വാര്‍ത്തകള്‍....



സാധാരണ കാണാറുള്ള ഒരു കൂട്ടില്‍ ഏകദേശം 45 ,000 തേനീച്ചകള്‍ ഉണ്ടായിരിക്കും. അവയില്‍ മൂന്ന് വിഭാഗക്കാരാണ് ഉള്ളത്: റാണി (Queen), വേലക്കാരികള്‍ (Workers), മടിയന്മാര്‍ (Drones).

.......റാണി (Queen),.....

ഇവള്‍ പേര് പോലെ കൂട്ടില്‍ റാണിയായി വാഴും. ഒരു കൂട്ടില്‍ സാധാരണ ഒരു റാണിയെ കാണൂ. ഒന്നിലധികം ഉണ്ടായാല്‍ അവര്‍ തമ്മില്‍ അടിപിടി ഉറപ്പ്. അതില്‍ തോല്‍ക്കുന്നയാള്‍ പുറത്തു പോയി വേറെ കോളനി സ്ഥാപിക്കണം എന്നാണു നിയമം!!
റാണി മറ്റു തേനീച്ചകളെക്കാള്‍ വലിപ്പമുള്ളതും നീളമുള്ളതുമായിരിക്കും.
ഇണ ചേരുകയും മുട്ടയിടുകയും ചെയ്യുക എന്നതൊഴിച്ചാല്‍ വേറെ ഒരു പണിയും റാണിക്കില്ല. റാണിയെ പരിചരിക്കാനും ആഹാരം കൊടുക്കാനും റാണി ഇടുന്ന മുട്ടകള്‍ സൂക്ഷിച്ചു വെക്കാനുമൊക്കെ വേലക്കാരികള്‍ ഉണ്ട്! നോ ടെന്‍ഷന്‍ ! പരമസുഖം.
ജനിച്ച് ഏഴ് നാള്‍ കഴിഞ്ഞാല്‍ റാണി കൂടിനു വെളിയിലേക്ക് പറക്കും. പിന്നാലെ മടിയനീച്ചകള്‍ അഥവാ ആൺ ഈച്ചകള്‍ വരുന്നു. അവയില്‍ ഒരാള്‍ക്ക് മാത്രം റാണിയുമായി ഇണ ചേരാം. അതാണ്‌ റാണിയുടെ കൂടെ ആദ്യത്തെയും അവസാനത്തെയും ഇണ ചേരല്‍,. കാരണം ആ ആൺ ഇച്ച ഇണ ചേർന്ന് കഴിഞ്ഞാൽ പിന്നെ ജീവിച്ചിരിക്കില്ല എന്നതാണ്.



....വേലക്കാരികള്‍ (Workers).....

വേലക്കാരി തേനീച്ചകള്‍ പെണ്‍വര്‍ഗമാണ്. ജീവിതം മുഴുവന്‍ കഠിനാധ്വാനത്തിന്റെ മികച്ച മാതൃകയാണ് അവര്‍ പ്രകടിപ്പിക്കുന്നത്. കൂട് നിര്‍മിക്കുക, പൂന്തേനും പൂമ്പൊടിയും ശേഖരിക്കുക, റാണിയെയും അതിന്റെ മുട്ടകളെയും ലാര്‍വകളെയും പരിചരിക്കുക, കൂട് വൃത്തിയാക്കുക, കൂട് തണുപ്പിക്കുക, ശത്രുക്കളെ തുരത്തിയോടിക്കുക മുതലായവയൊക്കെ അതില്‍ പെടുന്നു. ഓരോ ജോലിക്കും പ്രത്യേകം ആളുകളെ നിശ്ചയിച്ചിരിക്കും.
വേലക്കാരികള്‍ക്ക് അവയുടെ ജോലികള്‍ ചെയ്യാന്‍ ആവശ്യമായ ശരീരഘടന ഉണ്ടായിരിക്കും. ശക്തിയുള്ള താടികളും പൂമ്പൊടി ശേഖരിക്കാന്‍ പാകത്തിലുള്ള കാലുകളും ഉദരത്തിന്റെ പിന്‍ഭാഗത്തുള്ള വിഷസൂചിയും ഉള്‍ഭാഗത്തുള്ള മെഴുക് ഗ്രന്ഥികളും ഇവര്‍ക്ക് മാത്രമുള്ള സവിശേഷതകളാണ്.

ശത്രുക്കളെ നേരിടാന്‍ വേണ്ടിയാണ് വിഷസൂചി ഉപയോഗിക്കുക.
വേലക്കാരികള്‍ ആണ്‍ തേനീച്ചയുമായി ഇണ ചേരുകയോ മുട്ടയിടുകയോ ചെയ്യില്ല. കാരണം അവക്ക്‌ പ്രത്യുല്പാദന വ്യവസ്ഥ ഇല്ലെന്നത് തന്നെ. അതിനൊക്കെ റാണി ഉണ്ടല്ലോ.
മറ്റു വിഭാഗക്കാരേക്കാള്‍ വലിപ്പം കുറഞ്ഞവയാണ് വേലക്കാരികള്‍ . എന്നാല്‍ ഒരു കൂട്ടില്‍ 90% അംഗങ്ങളും ഇവരാണ്!
തേനീച്ചകള്‍ ശരാശരി മണിക്കൂറില്‍ 13-15 മൈല്‍ വേഗത്തില്‍ പറക്കുന്നു. ഒരു ഔണ്‍സ് (ഏകദേശം 6 ടീസ്പൂണ്‍ ) തേന്‍ നിര്‍മിക്കാന്‍ ഒരു തേനീച്ചക്ക് 1600 യാത്രകള്‍ നടത്തണം. ഓരോ യാത്രയും 6 മൈല്‍ വരുമെന്ന് ഓര്‍ക്കുക. 2 പൗണ്ട് (900 ഗ്രാം) തേന്‍ ഉണ്ടാക്കാന്‍ ഭൂമിയെ നാല് തവണ ചുറ്റിയാല്‍ ഉള്ളത്ര ദൂരം അവയ്ക്ക് യാത്ര ചെയ്യണം!!

2 മില്യണ്‍ പൂക്കള്‍ സന്ദര്‍ശിച്ചാലെ ഒരു പൗണ്ട് (ഏകദേശം 450 ഗ്രാം) തേന്‍ ഉണ്ടാക്കാന്‍ കഴിയൂ. ഇതിനു വേണ്ടി ഒരു കൂട്ടിലെ തേനീച്ചകള്‍ 55 ,000 മൈല്‍ ദൂരം പറക്കുന്നു. ഒരു കൂട്ടില്‍ നിന്നും വരുന്ന തേനീച്ചകള്‍ പ്രതിദിനം ഏകദേശം 225,000 പൂക്കള്‍ സന്ദര്‍ശിക്കുന്നുണ്ട്. ഒരു തേനീച്ച പ്രതിദിനം 50 മുതല്‍ 1000 പൂക്കള്‍ വരെ സന്ദര്‍ശിക്കും.

ഏകദേശം 8 പൗണ്ട് (3.6 കി.ഗ്രാം) തേന്‍ കഴിച്ചാലേ തേനീച്ചക്ക് 1 പൗണ്ട് തേന്‍ മെഴുക് ഉണ്ടാക്കാന്‍ കഴിയൂ.
12 തേനീച്ചകളുടെ ജീവിതകാലത്തെ മൊത്തം അധ്വാനമാണ് ഒരു ടീസ്പൂണ്‍ തേന്‍ .



....മടിയന്മാര്‍ (Drones)....

മടിയനീച്ച ആണ്‍ തേനീച്ചയാണ്. ഇവന്മാരുടെ കാര്യപ്പെട്ട പണി റാണിയുമായി ഇണ ചേരുക എന്നതാണ്!!

ആണീച്ചയുമായി ഇണ ചേര്‍ന്ന് കഴിഞ്ഞാല്‍ റാണി തേനറകളില്‍ മുട്ടയിടുന്നു. പ്രതിദിനം ഏതാണ്ട് 2000 മുട്ടകള്‍ ഇടും (ഒരു മിനുട്ടില്‍ 5 -6 മുട്ടകള്‍ എന്ന കണക്കില്‍ ). അതായത് ഒരു വര്‍ഷം കൊണ്ട് 175,000 മുതല്‍ 200,000 മുട്ടകള്‍ വരെ. രണ്ടു തരം മുട്ടകളാണ് റാണി ഇടുക. ഒരു ഇനത്തില്‍ ആണീച്ചയുടെ ബീജം കലര്‍ന്നിരിക്കും. എന്നാല്‍ രണ്ടാമത്തെ ഇനത്തില്‍ ആണ്‍ ബീജം ഉണ്ടായിരിക്കില്ല. ആണ്‍ ബീജം കലര്‍ന്ന മുട്ടയില്‍ (Fertilized egg) നിന്നാണ് പെണ്‍ തേനീച്ചകള്‍ (റാണിയും വേലക്കാരികളും) ഉണ്ടാവുക. ആണ്‍ ബീജം കലരാത്ത മുട്ടയില്‍ (Unfertilized egg) നിന്നും ആണീച്ചകളും ഉണ്ടാകുന്നു.
മൂന്നാമത്തെ ദിവസം മുട്ടകള്‍ വിരിഞ്ഞു വെളുത്ത ലാര്‍വകള്‍ പുറത്തു വരുന്നു. തുടര്‍ന്ന് ആറുദിവസം കൊണ്ട് പ്യൂപ്പ (Pupa) എന്ന ഉറക്കത്തിന്റെ ഘട്ടത്തിലേക്ക് കടക്കും. വീണ്ടുമൊരു ആറു ദിവസം കഴിഞ്ഞാല്‍ അറ പൊട്ടിച്ചു തേനീച്ചകളായി അവ പുറത്തു വരുന്നു.


...പെണ്‍ എന്‍ജിനീയർ...

അത്യന്തം അത്ഭുതകരമാണ് തേനീച്ചക്കൂടിന്റെ നിര്‍മാണം. വേലക്കാരികളാണ് കൂട് നിര്‍മിക്കുക എന്ന് മുമ്പ് പറഞ്ഞല്ലോ. ഇതിനു വേണ്ടി അവയുടെ ഉദരത്തിനകത്ത് മെഴുക് ഉല്‍പ്പാദിപ്പിക്കുന്ന ചില ഗ്രന്ഥികള്‍ (wax glands) ഉണ്ട്.
തേനീച്ചക്കൂടിന്റെ അറകളുടെ ആകൃതി ശ്രദ്ധിച്ചിട്ടില്ലേ. ആറു വശങ്ങളുള്ള (Hexagonal) ഈ അറകള്‍ തേനീച്ചയുടെ എന്ജിനീയറിംഗ് മികവ് തെളിയിക്കുന്നു. ഏറ്റവും കുറഞ്ഞ മെഴുക് കൊണ്ട് ഏറ്റവും അധികം തേന്‍ ഉള്‍ക്കൊള്ളിക്കാന്‍ കഴിയുന്ന ആകൃതിയാണ് ഷഡ്ഭുജാകൃതി! കൃത്യതയുള്ള ഉപകരണങ്ങളുടെ സഹായത്തോടെ മാത്രം നമുക്ക്‌ സാധ്യമാകുന്ന ഈ കൊട് നിര്‍മാണം തേനീച്ചക്ക് സാധ്യമാകുന്നത് അവയുടെ ജന്മവാസന (Instinct) മൂലമാണ്.

...തേനീച്ചകളിലെ ആശയവിനിമയം...

തേനീച്ചകള്‍ മറ്റു തേനീച്ചകളുമായി ആശയ വിനിമയം നടത്തുന്നത് ഡാന്‍സിലൂടെയാണ്!! പൂക്കളുടെ സ്ഥാനം, ദിശ തുടങ്ങിയവയെ കുറിച്ച് മനസ്സിലാക്കാന്‍ മറ്റു തേനീച്ചകള്‍ക്ക് ഇത് വഴി സാധിക്കുന്നു.
ഏതെങ്കിലുമൊരു തേനീച്ച എവിടെയെങ്കിലും ധാരാളം പൂന്തേന്‍ കണ്ടാല്‍ ഉടന്‍ തന്നെ തേനും പൂമ്പൊടിയും ശേഖരിക്കുകയും എന്നിട്ട് കൂട്ടിലേക്ക് മടങ്ങിയെത്തി നൃത്തം വെച്ച് മറ്റു തേനീച്ചകളെ വിവരമറിയിക്കുകയും ചെയ്യുന്നു.
Waggle dance, Circular dance എന്നീ രണ്ടു തരം നൃത്തങ്ങളാണ് തേനീച്ചക്കുള്ളത്. പൂന്തേന്‍ കാണപ്പെടുന്നത് കൂട്ടില്‍ നിന്നും 100 മീറ്റര്‍ അപ്പുറത്താണെങ്കില്‍ 8 ന്റെ ആകൃതിയിലുള്ള waggle dance ചെയ്യുന്നു. പൂക്കളുടെ സ്ഥാനം എത്ര അകലത്തില്‍ ആണ് എന്നും സൂര്യനെയും കൂടിനെയും ബന്ധിക്കുന്ന നേര്‍രേഖയില്‍ നിന്നും എത്ര ഡിഗ്രി ചെരിഞ്ഞാണ്‌ പൂക്കള്‍ ഇരിക്കുന്ന സ്ഥലമെന്നും ഈ ആശയവിനിമയത്തിലൂടെ മറ്റു തേനീച്ചകള്‍ക്ക് മനസ്സിലാകുന്നു. പൂക്കളുടെ സ്ഥാനം നൂറു മീറ്ററില്‍ കുറഞ്ഞ ദൂരത്താണെങ്കില്‍ അവ വട്ടത്തില്‍ (Circular dance) നൃത്തം ചെയ്യുന്നു.

പൂന്തേന്‍ തേനായി മാറുന്നതെങ്ങനെ?

പെണ്‍ തേനീച്ച ശേഖരിക്കുന്ന പൂന്തേന്‍ (Nectar) ഉമിനീരുമായി ചേര്‍ത്തു വിഴുങ്ങുന്നു. ഉമിനീരുമായ പ്രവര്‍ത്തനം മൂലം പൂന്തേനിലെ സൂക്രോസ്‌ എന്ന പഞ്ചസാര ഗ്ലുക്കോസ്, ഫ്രക്‌റ്റോസ് എന്നീ പഞ്ചസാരകളായി മാറുന്നു. കൂട്ടിലെത്തിയ തേനീച്ചകള്‍ വയറ്റില്‍ ഉള്ള തേന്‍ തികട്ടി തേനറകളില്‍ നിക്ഷേപിക്കുന്നു. ഒരു തരം ഛര്‍ദിക്കല്‍ തന്നെ! (ഇനി തേനീച്ചയുടെ ഛര്‍ദില്‍ കഴിക്കുന്നു എന്ന് കരുതി പ്രയാസപ്പെടേണ്ട. അതൊരു മാലിന്യമല്ല, വിശേഷപ്പെട്ട ആഹാരമാണെന്നോര്‍ക്കുക).
അറകളില്‍ ശേഖരിച്ച തേനില്‍ ജലാംശം കൂടുതലായിരിക്കും. അതിനാല്‍ തേനീച്ചകള്‍ അവയുടെ ചിറകു വീശി അധികമുള്ള ജലാംശം നീക്കം ചെയ്യുന്നു!! തേന്‍ കേടു കൂടാതിരിക്കാന്‍ ഇത് സഹായിക്കുന്നു.

പെണ്‍ തേനീച്ചകള്‍ ആണ് കൂട് തണുപ്പിക്കുന്നത്. അവ അവയുടെ ചിറകുകളില്‍ വെള്ളം കൊണ്ടുവരും. എന്നിട്ട് കൂടിനടുത്ത് വന്നു തുടര്‍ച്ചയായി ചിറകിട്ടടിക്കും. ഇത് കൂടിനെ തണുപ്പിക്കുന്നു.


തേനീച്ചകൾക്ക് ഉള്ള മറ്റു വിശേഷങ്ങള്‍

തേനീച്ചകള്‍ സൂര്യനെ ദിശ മനസ്സിലാക്കാനുള്ള മാര്‍ഗമായി ഉപയോഗപ്പെടുത്തുന്നു.
ഒരു തേനീച്ചക്ക് മിനുട്ടില്‍ ഏകദേശം 11,500 തവണ ചിറകിട്ടടിക്കാന്‍ കഴിയും.
തേന്‍ ശേഖരിക്കാന്‍ പാകമായാല്‍ പിന്നെ തേനീച്ചയുടെ ജീവിതകാലം ഏകദേശം ആറ്‌ ആഴ്ചയാണ്.
ഒരു തേനീച്ചക്ക് പച്ച, നീല, അള്‍ട്രാ വയലറ്റ് എന്നീ വര്‍ണങ്ങള്‍ കാണാന്‍ കഴിയും. എന്നാല്‍ ചുവപ്പ് നിറം കറുപ്പായെ കാണൂ.

ഇനി തേന്‍ മാഹാത്മ്യം..

മനുഷ്യന് ഭക്ഷണം നല്‍കുന്ന ഒരേയൊരു ഷഡ്പദമാണ് തേനീച്ച. പണ്ട് കാലം മുതലേ മനുഷ്യന്‍ ഉപയോഗിച്ച് വരുന്ന വളരെയേറെ വിശേഷപ്പെട്ട പാനീയമാണ് തേന്‍ . ഒരു പോഷകാഹാരമായും മരുന്നായും തേന്‍ മനുഷ്യന്‍ ഉപയോഗപ്പെടുത്തുന്നു.
ഗ്ലുക്കോസ്, ഫ്രക്ടോസ്, മാല്‍ട്ടോസ്, മേലസിറ്റോസ്, എര്‍ലോസ്, മാനിട്ടോള്‍ , പൊട്ടാസ്യം, സള്‍ഫര്‍ , ക്ലോറിന്‍ , കാല്‍സ്യം, സോഡിയം, ഫോസ്ഫറസ്, മഗ്നീഷ്യം, സിലിക്കണ്‍ , ഇരുമ്പ്, മാംഗനീസ്, ചെമ്പ്‌, നിക്കല്‍ , ബോറോണ്‍ , അസെറ്റിക് ആസിഡ്‌ , മാലിക്കാസിഡ്, തുടങ്ങിയ എണ്ണമറ്റ രാസവസ്തുക്കളും എന്‍സൈമുകളും വിറ്റാമിനുകളും കൊണ്ട് സംപുഷ്ടമായ പോഷക വസ്തുവാണ് തേന്‍ .
തേന്‍ മലബന്ധം, ജലദോഷം, ചുമ, തൊണ്ടവേദന, നേത്രരോഗങ്ങള്‍ , മുറിവുകള്‍ തുടങ്ങിയ അനവധി രോഗങ്ങള്‍ക്ക്‌ വിശേഷപ്പെട്ട ഔഷധമാണ്.
പുരാതന ഈജിപ്തില്‍ മമ്മികളെ പൊതിഞ്ഞു സംരക്ഷിക്കാന്‍ തേന്‍ ഉപയോഗിച്ചിരുന്നു. ഇന്ന് കാണുന്ന പിരമിഡുകള്‍ക്കുള്ളില്‍ അവര്‍ വെച്ച തേന്‍ കേടു കൂടാതെ കണ്ടെടുക്കപെട്ടിട്ടുണ്ട്.navaspaloli
#kuniyil honey farm paloli

2 - 0