Welcoem to posts!!

in the future - u will be able to do some more stuff here,,,!! like pat catgirl- i mean um yeah... for now u can only see others's posts :c

ចំណត Creators - Jomnot Creators
Posted 5 months ago

Burn-out, Bore-out & Brown-out

ធ្វើការយូរ មានអារម្មណ៍ថាបាក់កម្លាំង មិនដឹងថារាល់ថ្ងៃធ្វើការដើម្បីអ្វី មែនទេ?
បើអ្នកទាំងអស់គ្នាមានអារម្មណ៍បែបនេះមែន អ្នកអាចស្ថិតនៅក្រោមចំណោមស្ថានភាពខាងក្រោម។
តោះនិយាយអំពី Burn-out, Bore-out និង Brown-out...
********************

Burn-out អ្នកទាំងអស់គ្នា ភាគច្រើនប្រហែលជាបានស្គាល់ ឬក៏បានលឺពីពាក្យនេះហើយ។

• Burn-out៖
គឺកើតឡើងមកពីភាពតានតឹងជាប្រចាំ និងបន្ទុកការងារច្រើនលេីសលប់ ដែលនាំឱ្យយើងមានអារម្មណ៍បាក់កម្លាំង ហត់ទាំងផ្លូវកាយ និងផ្លូវចិត្ត។ អ្នកដែលកំពុង burn-out តែងតែមានអារម្មណ៍ព្រងើយកន្តើយ ថយចុះការតាំងចិត្តបំពេញការងារ ថប់អារម្មណ៍ គេងមិនលក់ តានតឹងសាច់ដុំជាដើម។

• Bore-out៖
ប្រហែលជាអត់សូវមានអ្នកធ្លាប់លឺទេ។ វាជាស្ថានភាពមួយ ដែលយើងធុញទ្រាន់នឹងការងារ ដោយសារការជាប់គាំងនៅក្នុងទម្លាប់ការងារដដែលៗ គ្មានអ្វីថ្មី។ អ្នកដែល bore-out អាចនឹងមានអារម្មណ៍ថាការងារខ្លួនអត់សូវផ្ដល់ឱកាសអោយខ្លួនឯង បញ្ចេញសមត្ថភាព។ អាការផ្សេងៗទៀតមានដូចជា ការធ្លាក់ចុះភាពជឿជាក់ បាត់បង់ទឹកចិត្តចូលរួមបំពេញការងារជាដើម។

• Brown-out៖
គឺជាស្ថានភាពមួយដែលធ្វើឲ្យយើងមានអារម្មណ៍ថាការងារដែលយើងធ្វើគឺគ្មានន័យ។ មនុស្សដែលជួបប្រទះបញ្ហា brown-out អាចនឹងមានអារម្មណ៍ថាការងារដែលគេធ្វើហាក់បីដូចជាអត់ប្រយោជន៍ គ្មានតម្លៃ និងមិនដឹងថាធ្វើការរាល់ថ្ងៃដើម្បីអ្វី។ ពេលខ្លះមិនមែនហត់នឹងការងារច្រើនពេកទេ ប៉ុន្តែពួកគាត់ខ្វះការលើកទឹកចិត្ត និងការយល់ពីភាពសំខាន់នៃការងាររបស់ខ្លួន។

បើសិនជាអ្នកកំពុងមានអារម្មណ៍ណាមួយ កុំទាន់អាលដាក់ពាក្យលាឈប់ សាកស្វែងរកដំណោះស្រាយសិន!
-------------------

ដំណឹងល្អ គឺយើងអាចយកឈ្នះបញ្ហាទាំង៣នេះបាន។ ដំបូងយើងគួរទទួលស្គាល់ថាវាមិនអីទេ ក្នុងការមានអារម្មណ៍បែបនោះ។

ការស្វែងយល់ និងទទួលស្គាល់ គឺជាជំហានដំបូងដើម្បីយកឈ្នះស្ថានភាពទាំងនេះ។

1/ បើអ្នក Burn-out សាកដាក់ដែនកំណត់អោយខ្លួនឯង និយាយជាមួយចៅហ្វាយរបស់អ្នកអំពីបន្ទុកការងារ ហើយផ្ទេរភារកិច្ចមួយចំនួនទៅកាន់ក្រុមការងាររបស់អ្នក។
2/ បើសិនជាអ្នក Bore-out សាកល្បងស្ម័គ្រចិត្តចូលរួមគម្រោងថ្មី ស្នើឱ្យកែលម្អការបែងចែកកិច្ចការ ឬសិក្សាអ្វីថ្មី ដើម្បីបង្កើនជំនាញ និងបទពិសោធន៍របស់អ្នក។
3/ បើសិនជាអ្នក Brown-out អាចសាកល្បងចូលរួមក្នុងគម្រោងដែលមានការប្រកួតប្រជែងច្រើន សម្រាកដើម្បីបញ្ចូលថាមពល ឬជជែកអំពីគោលដៅអាជីពរបស់អ្នកជាមួយអ្នកគ្រប់គ្រងរបស់អ្នក។
-------------------

*ត្រូវចាំថា ជីវិតការងារដែលរីករាយ គឺជាជីវិតការងារដែលមានតុល្យភាព និងផ្ដល់យើងនូវសុខមាលភាពផ្លូវចិត្ត និងផ្លូវកាយ។ ការសម្រាកមួយពេលមិនមែនជារឿងខុសទេ ហើយកុំខ្លាចក្នុងការបង្ហាញអារម្មណ៍អ្នក និងសុំជំនួយ ប្រសិនបើអ្នកត្រូវការ។

អ្នកគិតថាសព្វថ្ងៃអ្នកមានតុល្យភាពជីវិត និងការងារហើយឬនៅ?

By @k_oeng

#BurnOut #BoreOut #BrownOut

0 - 0

ចំណត Creators - Jomnot Creators
Posted 5 months ago

IQ vs EQ

កត្តាអ្វីដែលសំខាន់បំផុត ក្នុងការកំណត់ជោគជ័យមនុស្សម្នាក់?
ទាំងអស់គ្នាភាគច្រើនប្រហែលជាស្គាល់ IQ ហើយ។ ចុះដែលលឺអំពី EQ អត់?
***************

នៅពេលដែលមនុស្សម្នាក់មាន IQ ខ្ពស់ គាត់អាចនឹងពូកែខាងរៀនសូត្រ ដោះស្រាយលំហាត់ ឬពូកែចងចាំ។ ចំណែកអ្នកដែលមាន EQ ខ្ពស់ គឺគាត់ពូកែក្នុងការទំនាក់ទំនង ប្រាស្រ័យជាមួយអ្នកដទៃ ងាយរាប់អានមនុស្សឬយល់ចិត្តអ្នកដទៃជាដើម។

ទាំងអស់គ្នាអាចមើលឃើញពីភាពខុសគ្នាឬនៅ?

• IQ (Intelligence Quotient)៖ ផ្តោតលើសមត្ថភាពយល់ដឹងដូចជា តក្កវិជ្ជា ហេតុផល ការដោះស្រាយបញ្ហា និងដំណើរការព័ត៌មាន។

• EQ (Emotional Quotient)៖ ផ្តោតលើភាពវៃឆ្លាតខាងអារម្មណ៍ ដែលជាសមត្ថភាពក្នុងការយល់ និងគ្រប់គ្រងអារម្មណ៍ផ្ទាល់ខ្លួន រួមបញ្ចូលផងដែរនូវសមត្ថភាពនៃការយល់ចិត្ត យល់អារម្មណ៍ និងគ្រប់គ្រងរក្សាទំនាក់ទំនងជាមួយអ្នកដទៃ។
————————-

អញ្ចឹង តើមួយណាសំខាន់ជាង?

សារៈសំខាន់នៃ IQ និង EQ គឺអាស្រ័យលើបរិបទ។ សារៈសំខាន់នៃ IQ គឺពាក់ព័ន្ធនឹងភាពជោគជ័យក្នុងការសិក្សា និងការអនុវត្តការងារមួយចំនួន។

ទោះជាយ៉ាងណាក៏ដោយ EQ ត្រូវបានទទួលស្គាល់កាន់តែខ្លាំងឡើងថាមានសារៈសំខាន់សម្រាប់ភាពជោគជ័យក្នុងវិស័យជាច្រើន ជាពិសេសផ្នែកដែលពាក់ព័ន្ធនឹងការទំនាក់ទំនង និងការសហការច្រើន។

ដំណឹងល្អនោះ គឺថាយើងអាចរៀនសូត្រ និងបង្ហាត់ខ្លួនយើងដើម្បីបង្កើនកម្រិត EQ ផងដែរ។ ជម្រើសដែលមានអនុភាពបំផុតនោះ គឺរួមបញ្ចូលនូវថាមពលទាំង២នៃ IQ និង EQ នោះអ្នកនឹងអាចបំពេញការងារកាន់តែមានប្រសិទ្ធិភាព ថែមទាំងមានទំនាក់ទំនងល្អជាមួយខ្លួនឯង និងអ្នកដទៃផងដែរ។

តើអ្នកគិតថាអ្នកមាន IQ ឬ EQ ខ្ពស់ជាង?

By @k_oeng

#IQ #EQ #IntelligenceQuotient #EmotionalQuotient

0 - 0

Welcoem to posts!!

ចំណត Creators - Jomnot Creators Posted 5 months ago

ចំណត Creators - Jomnot Creators Posted 5 months ago

ចំណត Creators - Jomnot Creators
Posted 5 months ago

ចំណត Creators - Jomnot Creators
Posted 5 months ago