@යශෝදරාYoutubeChanal

2 years ago

අප භාග්‍යවත් වු අරහත් වු අපගේ සම්මා සම්බුදුරජාණන් වහන්සේට මාගේ නමස්කාරය වේවා

දීපංකර බුදුරජාණන් වහන්සේගෙන් නියත විවරණ ලැබු මොහොතේ පටන් සෙවනැල්ලක් සේ හිඳිමින් සියලු සතුන් දුකින් මුදවා ගැනීම පිණිස උතුම් ලොව්තුරා බුද්ධත්වය ලැබීම දක්වා භාග්‍යවත් වු අරහත් වු අපගේ සම්මා සම්බුදුරජාණන් වහන්සේට උපකාර කල ඒ යශෝධරා මහා රහත් තෙරණින් වහන්සේ මාගේ නමස්කාරය වේවා

අද මේ ලිපියෙන් කතා කරන්නේ යශෝධරා මහා රහත් තෙරණින් වහන්සේ පිළිබඳවයි. දීපංකර සම්මා සම්බුදුරජාණන් වහන්සේ ලොව පහළ වූ කාළයේ අප මහා බෝසතණන් වහන්සේ සුමේධ නමින් තාපසයෙකුව ඉපද සිටියා. අප මහා බෝසතණන් වහන්සේ දීපංකර බුදුරජාණන් වහන්සේගෙන් නියත විවරණ ලැබු මොහොතේ පටන් සෙවනැල්ලක් සේ හිඳිමින් සාරා සංඛ්‍යෙය කල්ප ලක්ෂයක් පුරාවට උතුම් වූ සම්බුද්ධත්වය පිණිස අප මහා බෝසතණන් වහන්සේට ඒ යශෝධරාව විරාගී සැබෑ ආදරයෙන් අනුග්‍රහ කළා.

ආදරය කියන වචනෙ තුල ගැබ්වෙලා තියෙන්නේ මෙත්තා, කරුණා, මුදිතා සහ උපේක්ෂා යන උතුම් ගුණාංග සතරයි. විරාගී සැබෑ ආදරය කියන්නේ සිත්පිත් නැති මේ මහා පොළව පවා කම්පා කල දෙයක්. යශෝධරාවන් ගේ විරාගී සැබෑ ආදරයෙන් තමයි අප මහා බෝසතණන් වහන්සේට පාරමී ධර්මයන් සපුරා ගන්න උපකාරයක් වුණේ. සෑබෑ ආදරය කියන්නේ සත්‍යක් ක්‍රියා කරලා තමන්ට එන අනතුරු වළක්වා ගන්න පුලුවන් උතුම් වූ දෙයක්. සඳ කිඳුරු ජාතකයේ පෙර ආත්ම භාවයකදී සඳ කිඳුරන්ව ඉපදිලා බඹ දත් රජු හීයෙන් අප මහා බෝසතණෝ හී පහරින් වැටෙන කොට බෝසතණන් වහසේ තනි නොකොට ලඟට විත් ඇඩු කඳුලින් ගන්ධමාන පර්වතයේ මල් පවා බිමට වැටුණා. ඒ ආදරයෙන් සක් දෙවිදුන් පවා කම්පා වුණා. සක් දෙවිඳුන්ගේ දිව්‍ය ඖෂධයෙන් පණ ලැබෙන්න තරම් ඒ ආදරය බලවත් වුණා.

Advertisements

REPORT THIS AD

වෙස්සන්තර රජුව ඉපඳුනු ආත්ම භාවයෙත් අවසන් පාරමී ධර්මයන් ඉටු කර ගැනීමට උපකාර කල ‍යශෝධරාවන් මරණින් මතු තුසිත දෙව්ලොව ඉපිඳ අප මහා බෝසතාණන් වහන්සේ උතුම් බුද්ධත්වයට පත්වන ආත්ම භාවයේ ශුද්ධෝදන රජුගේ නැගණිය වු අමිතා දේවියගේ කුසයෙහිත් පිළිසිඳ ගත්තා. අහස් ගැබ ආලෝකමත් කරමින් පුන් සඳ බැබලෙන ඒ උතුම් වෙසක් පුන් පොහෝ දින අප සිදුහත් කුමරු ලොව එළිය දුටු මොහොතේම යශෝධරාවන්ද මෙලොව එළිය දුටුවා. යශෝධරාවන් බිම්බා දේවිය, භද්දකච්චානා යන නාමයන්ගෙන් ප්‍රකට වුණා. යශෝධරා උත්තමාවිය රාහුල කුමරුගේ මාතාව වූ බැවින් රාහුල මාතා නමින් ද ප්‍රකට වුණා.

අප භාග්‍යවත් වු අරහත් වු අපගේ සම්මා සම්බුදුරජාණන් වහන්සේ කිඹුල්වත්පුරයට වැඩම කළ අවස්ථාවේ දීපංකර බුදුරජාණන් වහන්සේගෙන් නියත විවරණ ලැබු මොහොතේ පටන් සෙවනැල්ලක් සේ හිඳිමින් සියලු සතුන් දුකින් මුදවා ගැනීම පිණිස උතුම් ලොව්තුරා බුද්ධත්වය ලැබීම දක්වා භාග්‍යවත් වු අරහත් වු අපගේ සම්මා සම්බුදුරජාණන් වහන්සේට උපකාර කල අයුරු, කළ පරිත්‍යාගයන් හා සසර පුරාවට පැවති අසීමිත ආදරය හා ලෙන්ගතුකම ගැන පෙර ජීවිත සිහි කරමින් සඳ කිඳුරු ජාතකය, වෙස්සන්තර ජාතකයන් දේශනා කළා.

සුඳොවුන් රජුගේ අභාවයෙන් පසු මහා ප්‍රජාපතී ගෝතමි තෙරණිය හමුවී පැවිදි වී අප භාග්‍යවත් වු අරහත් වු අපගේ සම්මා සම්බුදුරජාණන් වහන්සේ ගෙන් කර්මස්ථාන ලබා නොබෝ කලකින් උතුම් වූ අරහත්වයට පත් වුණා. මහා අභිඤ්ඤාවන්ට (මහා අවබෝධයකට) පත් භික්ෂුණීන් අතුරින් අග්‍රස්ථානය ලැබුවෙ යශෝධරා මහා රහත් තෙරණින් වහන්සේ. කල්ප ලක්ෂයක් ඈතට පෙර සසර බැලීමට හැකියාව තිබුනු එකම මහ රහත් තෙරණින් වහන්සේ වුණේ යශෝධරා මහා රහත් තෙරණින් වහන්සේ පමණයි. සම්බුද්ධ පරිණිර්වානයට පෙර අප භාග්‍යවත් වු අරහත් වු අපගේ සම්මා සම්බුදුරජාණන් වහන්සේගෙන් අවසර ලබා නොයෙක් පෙළහැර පාමින් තම කුටිය තුළ ධ්‍යානයට සම වැදී පිරිනිවන් පෑ සේක.

අද ලොව පුරා ආදරයට කොතරම් නම් උදාහරණ ගෙනාවත් ඒ අපගේ යශෝධරාව තුළ වූ මෙත්තා, කරුණා, මුදිතා සහ උපේක්ෂා යන උතුම් ගුණාංග වලින් සැදුනු ඒ විරාගී සැබෑ ආදරයට ලං කිරීමටවත් අපහසුයි. පතිව්‍රතාව පතිභක්තිය යන උතුම් ගුණාංග වලින් සුසැදී යශෝධරා උත්තමාවිය බුදු සසුනේ පිහිට ලබන පින්වත් දරුවන් කාන්තාවන් විදියට ඒ උතුම් ගුණාංග අපගේ ජීව්තයටත් ලං කරගත යුතුයි. ඒ යශෝධරා උත්තමාවියට උපහාර පිණිස අපිත් අපේ ජීවිතවලට ඒ උතුම් ගුණාංග ලං කර ගත යුතුයි. දීපංකර බුදුරජාණන් වහන්සේගෙන් නියත විවරණ ලැබු මොහොතේ පටන් සෙවනැල්ලක් සේ හිඳිමින් සියලු සතුන් දුකින් මුදවා ගැනීම පිණිස උතුම් ලොව්තුරා බුද්ධත්වය ලැබීම දක්වා භාග්‍යවත් වු අරහත් වු අපගේ සම්මා සම්බුදුරජාණන් වහන්සේට උපකාර කල ඒ යශෝධරා මහා රහත් තෙරණින් වහන්සේට මෙය ද උපහාරයක්ම වේවා.

17 |