Book Of Mormon Videos | Tongan
143 videos • 15,874 views • by The Church of Jesus Christ - Pacific Area Ko e Tohi ʻa Molomoná Ko ha tohi hiva? Ko ha hisitōlia? Ko ha folofola? Ko e hā ʻa e tohí ni ʻa ia ʻoku akonaki ʻo kau kia Sīsū Kalaisi mo ʻomi ʻa e ʻamanaki leleí mo e fiefiá ki ha kakai tokolahi ʻi he funga ʻo e mamaní? Ko e talanoa ki ha tangata mo hono uaifi mo hona ngaahi hakó ʻi heʻenau feinga ke tauhi ki he ʻOtuá ʻi he lelei taha te nau lavá. Naʻe fakatokanga ʻa e ʻOtuá kia Līhai, ko ha palōfita ʻi Selusalema ʻi he 600 K.M nai ke ne hola mo hono fāmilí ke nau hao mei he maté pe ʻave pōpulá. ʻE tataki koe ʻe he ngaahi vitiō ko ení ki heʻenau fononga ki he feituʻu maomaonganoá, ʻi he funga ʻo e ʻōsení ki ha fonua foʻou ʻo e talaʻofá, pea ʻi he ngaahi meʻa naʻe hoko ʻi ha taʻu ʻe tahaafe ʻo e tupulaki, ngaahi fakalakalaka fakafonua mo e fakaʻauha, ngaahi feingatau fakapolitikale mo fakakautau, pea ko e tumutumú, ko e ngāue fakafaifekau ʻa e ʻEiki toetuʻu ko Sīsū Kalaisí. Naʻe mamata ʻa e kau palōfita ʻi he lotolotonga ʻo e kakaí ni ki hotau kuongá pea nau tuku ha fekau ʻokú ne ʻomi ʻa e ʻamanaki lelei mo e tokoni ki he kakai kotoa. ʻOku kau ʻi he fuofua tuku atu ʻo e ngaahi vitioó ʻa e 1 Nīfai vahe 1–18. Na’e ma’u ‘e Līhai, ko ha palōfita ’i Selusalema, ‘a e fakahinohino mei he ’Otuá ʻe faka’auha ‘a Selusalema koe’uhí ko e faiangahala ’a e kakaí. Na’á ne feinga ke ne fakatokanga ki he kakai ‘o Selusalemá, ka ’oku nau feinga ke tamate’i ia. Naʻe fekauʻi leva ‘e he ’Eikí ‘a Līhai ke hola ki he feitu’u maomaonganoá mo hono uaifí, ko Selaia, mo hono ngaahi foha ’e toko fā—Leimana, Lemiuela, Samu mo Nīfai. Fakatatau ki he 1 Nīfai 1-2