Book Of Mormon Videos | Samoan
146 videos • 32,825 views • by The Church of Jesus Christ - Pacific Area O Le Tusi a Mamona. Pe o se ata faamusika? Pe o se talafaasolopito? Pe o se tusitusiga paia? O le a lenei tusi o loo aoao atu e uiga ia Iesu Keriso ma aumaia ai le faamoemoe i le anoanoai o tagata i le lalolagi atoa? O le tala o se tamalii ma lona faletua ma ona suli sa taumafai e auauna atu i le Atua i le mea sili na latou mafaia. O Liae, o se perofeta i Ierusalema pe tusa o le 600 TLM, sa lapataiina e le Atua e sosola ese ma lona aiga ia aloese ai mai le oti po o le faaaunuua. O lenei faasologa o vitio o le a avatua oe i le latou malaga i le vao, asaina o le vasa i se nuu folafolaina, ma oo atu i le faasologa o mea na tutupu i le afe o tausaga o le tuputupu ae, atinaega ma le faaleagaina o le aganuu, faatosinaga faaupufai ma faamiliteli, ma le sili o mea uma, o le galuega patino a le Alii toetu o Iesu Keriso. Sa vaai perofeta o lenei nuu i o tatou aso ma tuua ai se savali o loo ofo mai ai le faamoemoe ma le fesoasoani i tagata uma. Uluai faalauiloa o vitio o le a aofia ai le 1 Nifae mataupu 1–18. O Liae, o se perofeta i Ierusalema, ua mauaina se faatonuga mai le Atua o le a faaumatia Ierusalema ona o le amioleaga o tagata. Ua taumafai o ia e lapatai atu tagatanuu o Ierusalema, ae ua latou taumafai ai e fasiotia o ia. Ona faatonuina lea e le Alii Liae e sosola atu i le vao faatasi ma lana avā, o Sarai, ma ona atalii e toafa—Lamana, Lemuelu, Sama, ma Nifae. E faatatau i le 1 Nifae 1–2.