في مرة اتقالي هو انتي فاكرة بنصايحك هتغيري العالم .. سعتها كان ردي إن لا أنا بقول النصايح دي لنفسي عشان أغيرها مش عشان العالم..
التغير مبيحصلش لما بتقعد تنصح وتزعق في الناس - التغير دايما بيحصل من جواك أنت ابدء بنفسك.

أنا جايه اخدك عشان نتعلم ونتطور وأقولك إن مهما مريت بمواقف كتير فيه كتير زيك وحاسين بيك وعايزين يناقشوك ويساعدوك..
أنا جايه اساعدك واساعدني بمحتوى تعليمي بس صدقني مش هتحس بملل..
هنعيش في فلوجات كتير نكتشف أماكن ونتكلم ونشوف تفاصيل مصر ومحافظتها ..
هنشوف الموضة وهنجهز مع بعض ونحط ميك اب ونشوف تتوريال في كل حاجة..
= استنوني بالفيديو كل أسبوع الساعة 6 المغرب ..
أنا مريم دسوقي ( Copywriter - Novelist - Content creator - Graphic designer )..
بحب السفر - القراءة - اكتشاف أماكن جديدة - بحب اللبس والميك اب - والناس - والتعليم والمحاولة دايما إن نبقى أحسن

أنا خلصت دراسة إعلام ( إذاعة وتلفزيون ) وجوزاء 👀
بس أنا جايه هنا عشان أشاركم تفاصيل كتير، ونتعلم حاجات أكتر..
جايه اتناقش معاك عشان تعرف إنك مش لوحدك، وأحاول اقولك معلومات بشكل مختلف..

- بتمنى أكون خفيفة على قلوبكم.. ♥️