मित्रांनो नमस्कार,
कविता आणि कविता वाचन हा विषय तसा नवीन नाही. सोप्या भाषेत, कमी शब्दात अधिक समर्पकपणे भावना व्यक्त करणाऱ्या चार ओळीच्या कविता वाचनाचं व्यासपीठ उपलब्ध करून देणे व आपल्यातील वाचन कौशल्याला छोटीशी वाट करून देणे याचा हा प्रयत्न आहे. उत्तम वाचन करता येणे ही एक कला नक्कीच आहे. चेहऱ्या प्रमाणेच प्रत्येकाच्या आवाजाला सुद्धा वेगळी ओळख ही असतेच.

अनेक विषयांचा समावेश असलेले पुस्तकच सोबत दिले आहे. त्यातील आवडीची रचना निवडा. वाचून बघा. वाचताना ताल, सूर, चढ, उतार आणि आवाजाचा अपेक्षित गोडवा यांचं योग्य संतुलन ठेवण्याचा प्रयत्न करा. स्वतःच घरच्या घरी रेकॉर्ड करा. माईक नाही तर लॅपटॉप किंवा मोबाईलवर ऑडिओ क्लिप तयार करून पहा. योग्य वेळ व ठिकाण निवडा. ऑडिओ क्लिप तयार करून झाल्यावर दिलेल्या पत्त्यावर मेल करा. पाठविताना सोबत नाव, पत्ता व संपर्क क्रमांक आवश्यक!

तपासून वा योग्य ती सुधारणा करून त्याचा समावेश 'चारोळी ' या यू-ट्यूब चॅनेलवर
केला जाईल. आवडल्यास मित्रांना शेअर करा. आपल्या आवाजाला ओळख देण्याचा प्रयत्न करून बघा!

कळावे.
'चारोळी'
(चार ओळी कविता वाचनाचं मुक्त व्यासपीठ सर्वांसाठी)